شينحۋا اگەنتتىگىنىڭ 8 - ايدىڭ 31 - كۇنى بىشكەكتەن بەرگەن حابارى (تىلشىلەر دۋ جۋان، باۋ نومين). جەرگىلىكتى ۋاقىت 8 - ايدىڭ 31 - كۇنى تۇستەن كەيىن مەملەكەت ءتوراعاسى شي جينپيڭ بىشكەكتە 2026 - جىلعى شاڭحاي سەلبەستىك ۇيىمى باسشىلار ماجىلىسىنە قاتىناسقان كەزدە رەسەي زۇڭتۇڭى پۋتينمەن كەزدەستى.
شي جينپيڭ بىلاي دەپ اتاپ كورسەتتى: بيىل 5 - ايدا پۋتين زۇڭتۇڭ جۇڭگودا ءساتتى مەملەكەتتىك ساپاردا بولدى، ءبىز ستراتەگيالىق بيىكتەن جانە ۇزاق بولاشاقتىق تۇرعىدان ەكى ەل قاتىناسىنىڭ اناعۇرلىم جوعارى ساپالى، اناعۇرلىم جوعارى دەڭگەيدە دامۋىنا جەتەكشىلىك ەتۋ جونىندە ورنالاستىرۋ جاساپ، جاڭا جاعدايدا جۇڭگو مەن رەسەيدىڭ ءار سالاداعى سەلبەستىگىن تەرەڭدەتۋ جونىندە ورتاق تانىمعا كەلدىك. ەكى ەلدەگى نەگىزگى جاۋاپتى تاراۋلار بەلسەنە تياناقتاندىرىپ، كوپتەگەن جەتىستىكتەرگە قول جەتكىزدى، ەكى جاقتىڭ اۋىس - كۇيىسى، سەلبەستىگى قارىشتاپ دامۋ ارىنىن ساقتاپ كەلەدى. ءبىزدىڭ ستراتەگيالىق جەتەكشىلىگىمىزدە جانە ەكى جاقتىڭ بىرگە قۇلشىنۋىندا، جۇڭگو − رەسەي قاتىناسىنىڭ دامۋ نەگىزىنىڭ اناعۇرلىم بەكەم، قادامىنىڭ اناعۇرلىم مىعىم، بولاشاعىنىڭ اناعۇرلىم جارقىن بولاتىندىعىنا سەنەمىن.
شي جينپيڭ بىلاي دەپ باسا دارىپتەدى: قازىر دۇنيە جۇزىندە 100 جىلدىق وزگەرىس جاعدايى جەدەل قۇبىلۋدا، حالىقارالىق جاعدايدا ايقىنسىز، بولجاۋ قيىن فاكتورلار كورنەكتى كوبەيۋدە، الايدا ءار ەل حالقىنىڭ بەيبىتشىلىك، دامۋ، سەلبەستىك، تەڭ يگىلىككە كەنەلۋ تالپىنىسى وزگەرگەن جوق. شاڭحاي سەلبەستىك ۇيىمى وڭىرلىك ورنىقتىلىقتى قورعاۋ، وڭىرلىك دامۋدى جەبەۋ سىندى ماڭىزدى بورىش ارقالاپ وتىر. جۇڭگو جاق رەسەي جاقتى قامتىعان ءار جاقپەن بىرگە ۇيىمنىڭ دامۋ ۇلى جوسپارىن بىرگە اقىلداسىپ، ۇيىمنىڭ ورنىقتى قاداممەن الىسقا جەتۋىنە دەم بەرىپ، الەمدىك باسقارۋ رەفورماسىنا جەتەكشىلىك ەتەتىن، تەپە - تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن ىلگەرىلەتەتىن كۇشتەردى زورايتۋدى قالايدى.
پۋتين مىنالاردى ءبىلدىردى: اۋمالى - توكپەلى، كۇردەلى حالىقارالىق جاعداي الدىندا رەسەي مەن جۇڭگو جاپپاي ستراتەگيالىق ىستەستىكتى ۇزدىكسىز تەرەڭدەتىپ، تەڭدىككە، ءوزارا سەنىمدىلىككە، ءوزارا قولداۋعا تاباندى بولدى، ءار سالاداعى سەلبەستىكتىڭ دامۋى تەزدەپ، رەسەي − جۇڭگو قاتىناسى مەملەكەتتەر ارا قاتىناستىڭ تيپتىك ۇلگىسىنە اينالدى. رەسەي جاق جۇڭگو جاقپەن جوعارى جىكتەگىلەردىڭ اۋىس - كۇيىسىن ساقتاپ، ساۋدا، ەنەرگيا، ونەركاسىپ، قاتىناس، عىلىم - تەحنولوگيا سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - كۇيىستى جيىلەتىپ، ەكى ەل قاتىناسىنىڭ ۇزدىكسىز تىڭ جەتىستىكتەرگە قول جەتكىزۋىن ىلگەرىلەتۋدى قالايدى. ءار جاقتىڭ بىرگە قۇلشىنۋىندا، شاڭحاي سەلبەستىك ۇيىمى ماڭىزدى حالىقارالىق ىقپالعا يە، تەبىندى، جوعارى ءونىمدى وڭىرلىك سەلبەستىك تۇعىرىنا اينالدى، رەسەي مەن جۇڭگو ۇيىم ىشىندە ىنتىماقتى، سەلبەستىكتى ۇزدىكسىز كۇشەيتىپ، جەتەكشىلىك رولىن ساۋلەلەندىرۋى كەرەك. رەسەي جاق جۇڭگو جاقپەن بىرلەسكەن مەملەكەتتەر ۇيىمى، بريكس ەلدەرى مەحانيزمى، 20 ەل توبى سياقتى كوپ جاقتى مەحانيزمدەردە سايكەسۋدى، سەلبەسۋدى كۇشەيتىپ، جۇڭگو جاقتىڭ ازيا − تىنىق مۇحيت ەكونوميكالىق سەلبەستىك ۇيىمى باسشىلار بەيرەسمي ءماجىلىسىن ويداعىداي وتكىزۋىن قولداپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن بىرگە قورعاۋدى قالايدى.
ەكى ەل باسشىلارى تاعى ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە پىكىر اۋىستىردى.
ساي چي، ۋاڭ ي قاتارلىلار كەزدەسۋگە قاتىناستى.
شينحۋا اگەنتتىگىنىڭ 8 - ايدىڭ 31 - كۇنى بىشكەكتەن بەرگەن حابارى (تىلشىلەر حاۋ ۋيۋي، جاڭ جييە). جەرگىلىكتى ۋاقىت 8 - ايدىڭ 31 - كۇنى تۇستەن كەيىن مەملەكەت ءتوراعاسى شي جينپيڭ بىشكەكتە 2026 - جىلعى شاڭحاي سەلبەستىك ۇيىمى باسشىلار ماجىلىسىنە قاتىناسقان كەزدە وزبەكستان زۇڭتۇڭى ميرزيويەۆپەن كەزدەستى.
شي جينپيڭ بىلاي دەپ اتاپ كورسەتتى: بيىل − جۇڭگو مەن وزبەكستاننىڭ جاپپاي ستراتەگيالىق سەرىكتەستىك قاتىناس ورناتقاندىعىنىڭ 10 جىلدىعى. ءبىزدىڭ بىرگە جەتەكشىلىك ەتۋىمىزدە ەكى ەل قاتىناسىنىڭ ساپاسى ۇزدىكسىز جوعارىلاپ، دارەجەسى ءوسىپ، ءار سالاداعى سەلبەستىكتە سۇبەلى تابىستارعا قول جەتتى، جۇڭگو − وزبەكستان تاعدىرلاس ورتاق تۇلعاسى قۇرىلىسىنىڭ تابىستارى كورنەكتى بولدى. جۇڭگو جاق وزبەكستان جاقپەن بىرگە ستراتەگيالىق ءوزارا سەنىمدىلىكتى بەكەمدەپ، ءوزارا پايدا جەتكىزەتىن سەلبەستىكتى تەرەڭدەتىپ، جۇڭگو − وزبەكستان قاتىناسىنىڭ جاڭا ”التىن 10 جىلىن“ بىرگە جاراتۋدى قالايدى.
شي جينپيڭ بىلاي دەپ باسا دارىپتەدى: حالىقارالىق جاعداي مەيلى قالاي وزگەرسە دە، جۇڭگو جاق جۇڭگو مەن وزبەكستاننىڭ دوستىعىن تەرەڭدەتۋگە كۇش سالۋ تۇرعىسىنان اۋىتقىمايدى، وزبەكستاننىڭ ءوزىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى. ەكى جاق قول ۇستاسا قۇلشىنىپ، ەكى ەلدىڭ سەلبەستىك ۇلى ءىسىن ويداعىداي ىستەۋى كەرەك. جۇڭگو − قىرعىزستان − وزبەكستان تەمىر جولى قۇرىلىسىن جوعارى ساپالى ىلگەرىلەتىپ، جاساندى زەردە، شولەيتتەنۋدى تىزگىندەۋ سياقتى جاقتارداعى سەلبەستىكتى كەڭەيتىپ، ءوزارا پايدا جەتكىزىپ تەڭ يگىلىككە كەنەلۋگە تاباندى بولۋ كەرەك. ەكى ەلدىڭ جەرگىلىكتى ورىندارىنىڭ اۋىس - كۇيىس جاساۋعا ىنتالى جاعدايىن جالعاستىرىپ، ءوزارا مادەنيەت ورتالىعىن قۇرۋدى جەدەلدەتىپ، وقۋ - اعارتۋ، كەدەيلىكتى ازايتۋ سياقتى سالالارداعى سەلبەستىكتى كەڭەيتىپ، حالىق تىلەگىنىڭ توعىسۋىن جەبەۋ كەرەك. ەكى جاقتىڭ زاڭ اتقارۋ، حاۋىپسىزدىك سەلبەستىك مەحانيزمىنەن ويداعىداي پايدالانىپ، ”ءۇش ءتۇرلى كۇشكە“ تىزە قوسا سوققى بەرىپ، حاۋىپسىزدىك قورعانىس شەبىن بەكەمدەۋ كەرەك. شاڭحاي سەلبەستىك ۇيىمىن قۇرۋشى مۇشە ەل رەتىندە، جۇڭگو مەن وزبەكستان ەكى ەل تيانجين باسشىلار ءماجىلىسى جەتىستىكتەرىن ويداعىداي تياناقتاندىرۋدى بىرگە ىلگەرىلەتىپ، ءوڭىردىڭ دامۋىن، گۇلدەنۋىن جەبەۋى كەرەك.
ميرزيويەۆ مىنالاردى ءبىلدىردى: جۇڭگونىڭ ءتوراعا شي جينپيڭنىڭ باسشىلىعىندا، كەلەلى دامۋ تابىستارىنا ۇزدىكسىز قول جەتكىزگەندىگىن، سەنىمدى بەكەمدەپ الەمدىك سىن - سايىستارعا توتەپ بەرگەندىگىن قىزۋ قۇتتىقتايمىز، وزبەكستان جاق جۇڭگو ۇلگىسىندەگى وسىزامانداندىرۋدىڭ جارقىن بولاشاعىنا تولىق سەنىم ارتادى. وزبەكستان مەن جۇڭگو ەكى ەلدىڭ دوستىعى تەرەڭ، باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ كەلەدى. ءتوراعا شي جينپيڭنىڭ كورەگەندىگى وزبەكستان − جۇڭگو قاتىناسىنا كەڭ ءورىس اشىپ، ەكى جاقتىڭ ءار سالاداعى سەلبەستىگىنىڭ جاپپاي دامۋىنا جەتەكشىلىك ەتتى. وزبەكستان جاق جۇڭگومەن قاتىناسىن بۇلجىماي دامىتادى، حالىقارالىق جاعدايدىڭ وزگەرىسىنە بولا ەشقانداي وزگەرىس جاسامايدى، جۇڭگو جاقپەن بىرگە ساياسي ءوزارا سەنىمدىلىكتى تەرەڭدەتىپ، ساۋدانى، قارجى قوسۋدى كەڭەيتىپ، اۋىل شارۋاشىلىعى، قاتىناس، ەنەرگيا، كەن، عىلىم - تەحنولوگيا سياقتى سالالارداعى سەلبەستىكتى تەرەڭدەتىپ، گۋمانيتارلىق اۋىس - كۇيىستى جەبەپ، ”ءۇش تۇرلى كۇشكە“ بىرگە سوققى بەرىپ، ەكى جاقتى قاتىناستىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. وزبەكستان جاق ءبىر جۇڭگو پرينسيبىنە تاباندىلىقپەن بويسۇنادى، ءتوراعا شي جينپيڭ العا قويعان ءتورت ۇلكەن الەمدىك باستامانى ايرىقشا قۇپتايدى، جۇڭگومەن قول ۇستاسا شاڭحاي سەلبەستىك ۇيىمىنىڭ دامۋىن ىلگەرىلەتىپ، حالىقارالىق ادىلدىكتى، ادىلەتتىلىكتى بىرگە قورعاۋدى قالايدى.
ساي چي، ۋاڭ ي قاتارلىلار كەزدەسۋگە قاتىناستى.
شينحۋا اگەنتتىگىنىڭ 8 - ايدىڭ 31 - كۇنى بىشكەكتەن بەرگەن حابارى (تىلشىلەر جاۋ يان، حۋاڭ حى). جەرگىلىكتى ۋاقىت 8 - ايدىڭ 31 - كۇنى تۇستەن كەيىن مەملەكەت ءتوراعاسى شي جينپيڭ بىشكەكتە 2026 - جىلعى شاڭحاي سەلبەستىك ۇيىمى باسشىلار ماجىلىسىنە قاتىناسقان كەزدە موڭعۇليا زۇڭتۇڭى كۇرۇلسۇكپەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن موڭعۇليا تاۋ - وزەندەرى جالعاسقان، ىرگەلەس كورشى، بەيبىت قاتار تۇرۋ، ءبىر - بىرىنە قارايلاسۋ، سەلبەسىپ تەڭ يگىلىككە كەنەلۋ باستان - اياق ەكى ەل قاتىناسىنىڭ نەگىزگى اعىمى جانە ءتۇپ بوياۋى بولىپ كەلەدى. جۇڭگو جاق جۇڭگو − موڭعۇليا قاتىناسىن ۇزدىكسىز توڭىرەكتىك ديپلوماتيادا ماڭىزدى ورىنعا قويىپ، موڭعۇليا جاقپەن بىرگە ستراتەگيالىق ءوزارا سەنىمدىلىكتى بەكەمدەپ، ءوزارا پايدا جەتكىزەتىن سەلبەستىكتى تەرەڭدەتىپ، حالىق تىلەگىنىڭ توعىسۋىن جەبەپ، ەكى ەلدىڭ جاپپاي ستراتەگيالىق سەرىكتەستىك قاتىناسىنا اناعۇرلىم كوپ ومىرشەڭ كۇش ۇستەپ، جۇڭگو − موڭعۇليا تاعدىرلاس ورتاق تۇلعاسىن قۇرۋدى ىلگەرىلەتەدى.
شي جينپيڭ بىلاي دەپ باسا دارىپتەدى: ەكى جاق جۇڭگو − موڭعۇليا قاتىناسى دامۋىنىڭ ساياسي نەگىزىن بەكەمدەپ، ءبىر - ءبىرىنىڭ مەملەكەت تاۋەلسىزدىگىنە، يەلىك ۇقىعىنا جانە تەرريتوريا تۇتاستىعىنا ءوزارا قۇرمەت ەتىپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە قۇرمەت ەتۋى كەرەك. جۇڭگو جاق موڭعۇليا جاقپەن دامۋ ستراتەگياسىن ءتۇيىلىستىرۋدى كۇشەيتىپ، ساۋدا، ۇلاستىرۋ - تۇتاستىرۋ، ەنەرگيا، كەن سياقتى ءداستۇرلى سەلبەستىكتى ىلگەرىلەتىپ، جاسىل كەن ونىمدەرى، جاساندى زەردە، سيفرلى ەكونوميكا سياقتى جاڭادان گۇلدەنگەن سالالارداعى سەلبەستىك كومەسكى كۇشىن اشىپ، اناعۇرلىم كوپ ءوزارا پايدا جەتكىزەتىن سەلبەستىكتىڭ ارتۋ تۇيىندەرىن قالىپتاستىرىپ، وزدەرىنىڭ وسىزاماندانۋ جولىندا قول ۇستاسا العا باسۋدى قالايدى. موڭعۇليا جاقتىڭ جۇڭگو قارجىلاندىرعان كاسىپورىنداردىڭ زاڭدى ۇقىق - مۇددەسىن شىنايى قورعاۋىن ءۇمىت ەتەمىن. ەكى جاق تاعى دا كوپ جاقتى سايكەسۋدى، سەلبەسۋدى كۇشەيتىپ، الەمدىك سىن - سايىستارعا بىرگە توتەپ بەرۋى كەرەك.
كۇرۇلسۇك مىنالاردى ءبىلدىردى: موڭعۇليا مەن جۇڭگو دوس كورشى ەل، حالىقارالىق جاعداي مەيلى قالاي وزگەرسە دە، ەكى ەل باستان - اياق ءوزارا قۇرمەت ەتىپ، ءوزارا سەنىم ارتىپ، تاتۋ كورشى، دوس بولىپ كەلەدى. جۇڭگونىڭ دامۋى توڭىرەكتەگى ەلدەرگە كەلەلى وراي جاراتىپ، ازيا مەن دۇنيە ءجۇزىنىڭ دامۋىنا جەتەكشىلىك ەتتى. جۇڭگومەن دوستىق سەلبەستىكتى تەرەڭدەتۋ − موڭعۇليانىڭ ديپلوماتيالىق ساياساتىنىڭ ماڭداي الدى باعىتى، موڭعۇليا جاق جۇڭگو جاقپەن ساياسي ءوزارا سەنىمدىلىكتى ۇزدىكسىز بەكەمدەپ، ساۋدا، قارجى قوسۋ، ونەركاسىپ، اۋىل شارۋاشىلىعى، كەن شارۋاشىلىعى، جاسىل ەكونوميكا سياقتى جاقتارداعى سەلبەستىكتى جيىلەتىپ، ەكى ەل قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. موڭعۇليا جاق ءبىر جۇڭگو پرينسيبىن باتىل اتقارادى، تايۋان جۇڭگو تەرريتورياسىنىڭ ايرىلماس ءبىر بولىگى، شينجياڭعا ساياتىن، شيزاڭعا ساياتىن، شياڭگاڭعا ساياتىن ماسەلەلەردىڭ بارلىعى جۇڭگونىڭ ىشكى ءىسى. ءتوراعا شي جينپيڭ العا قويعان ءتورت ۇلكەن الەمدىك باستاما جانە ادامزات تاعدىرلاس ورتاق تۇلعاسىن قۇرۋ ۇستانىمى دۇنيە ءجۇزىنىڭ بەيبىتشىلىگىن، حاۋىپسىزدىگىن قورعاۋدا، باياندى دامۋدى جەبەۋدە، الەمدىك سىن - سايىستارعا توتەپ بەرۋدە ماڭىزدى مانگە يە، موڭعۇليا جاق جۇڭگو جاقپەن بىرگە امالياتتا ايگىلەۋدى قالايدى.
ساي چي، ۋاڭ ي قاتارلىلار كەزدەسۋگە قاتىناستى.
