انار بۇلت \ شينجياڭ گازەتىنىڭ ءتىلشىسى لۋ فىڭباۋ 8 - ايدىڭ 31 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، الدىڭعى 7 ايدا رايونىمىزدىڭ تاس جول، تەمىر جول، حالىقتىق اۆياتسيا جولاۋشى، زات تاسىمال مولشەرىندە تۇگەلدەي ارتۋ جاعدايى ساقتالعان. بۇكىل رايون بويىنشا جوعارى قارقىندىق تاس جولدارداعى جالپى اۆتوكولىك اعىنى 136 ميلليونعا (رەت) جەتىپ، بىلتىرعى ۇقساس مەزگىلدەگىدەن ءبىر ميلليون 300 مىڭ اۆتوكولىك (رەت) كوبەيىپ، سايكەس مەزگىلدەگىدەن %96. 0 ارتقان؛ تەمىر جولدا جونەلتىلگەن جولاۋشى مولشەرى 32 ميلليون 767 مىڭ 200گە (رەت) جەتىپ، سايكەس مەزگىلدەگىدەن ％3. 0 ارتقان؛ حالىقتىق اۆياتسيا بويىنشا قابىلدانعان، جونەلتىلگەن جولاۋشى مولشەرى 32 ميلليون 721 مىڭ 900گە (رەت) جەتىپ، سايكەس مەزگىلدەگىدەن ％9. 6 ارتقان.
الدىڭعى 7 ايدا بۇكىل رايون بويىنشا ادەتتەگى مەملەكەت، ولكە نەگىزگى جەلىلەرىندە جالپى اۆتوكولىك اعىنى 276 ميلليونعا (رەت) جەتىپ، سايكەس مەزگىلدەگىدەن ％59. 5 ارتتى. مۇنىڭ ىشىندە جولاۋشىلار اۆتوكولىكتەرى سايكەس مەزگىلدەگىدەن ％73. 3 ارتتى؛ جۇك اۆتوكولىكتەرى سايكەس مەزگىلدەگىدەن ％61. 9 ارتتى. الدىڭعى 6 ايدا رايونىمىزدا جولاۋشى اۆتوكولىكتەرىنىڭ قاتىناۋ مولشەرى ازداپ ارتتى، 7 - ايدا ءوز كولىگىمەن ساياحاتتاۋ ورلەۋىنىڭ باسەڭدەۋىنە ىلەسە ازايدى؛ 7 - ايدا جۇك اۆتوكولىكتەرى اعىنى سايكەس مەزگىلدەگىدەن ％04. 9 ارتتى، جۇك تاسىمالىنىڭ ارتۋ ارىنى كۇشتى بولدى.
تەمىر جول جولاۋشى، زات تاسىمال مولشەرى ۇزدىكسىز ارتتى. جولاۋشى اعىنىنىڭ قۇرىلىمى بىرتىندەپ شينجياڭ ىشىندەگى ورتا، قىسقا ارالىقتى ساپارعا قاراي بەيىمدەلدى، قىسقا ارالىقتى ساياحات، ماڭايدا ساياحاتتاۋ مولشەرى كورنەكتى ارتتى. شينجياڭنان شىعاتىن ۇزاق جولدى مولاڭ زاتتار تاسىمالى قاجەتى ۇزدىكسىز جارىققا شىقتى، تەمىر جول نەگىزگى جەلىلەرىنىڭ ارنالىق ارتىقشىلىعى ۇزدىكسىز ساۋلەلەندىرىلدى، الدىڭعى 7 ايدا تەمىر جول زات تاسىمال مولشەرى 154 ميلليون تونناعا جەتىپ، سايكەس مەزگىلدەگىدەن ％6. 4 ارتتى.
حالىقتىق اۆياتسيا جاعىندا دەمالىس كەزىندەگى ساياحات، زەرتتەۋ - ۇيرەنۋ، تۋىسشىلاۋ سياقتى كوپ ءتۇرلى قاجەتتىڭ قاباتتاسۋى سەبەبىنەن بۇكىل شينجياڭدا حالىقتىق اۆياتسيا جولاۋشى تاسىمالىنىڭ كۇشەمەلىلىگى ونان ارى جوعارىلادى، الدىڭعى 7 ايدا قابىلدانعان، جونەلتىلگەن جولاۋشى مولشەرى 32 ميلليون 721 مىڭ 900گە (رەت) جەتىپ، سايكەس مەزگىلدەگىدەن ％9. 6 ارتتى. قابىلدانعان، جونەلتىلگەن زات، پوچتا جولداماسى مولشەرى 231 مىڭ 600 تونناعا جەتىپ، سايكەس مەزگىلدەگىدەن ％4. 10 ارتتى، ارتۋ سەرپىمدىلىگى ۇزدىكسىز كورنەكتىلەندى.
حالىقارالىق تاسىمال سەرپىندى ارتتى، جۇڭگو مەن قازاقستاننىڭ ءوزارا ۆيزا كەشىرۋ ساياساتىنىڭ پايداسى ۇزدىكسىز جارىققا شىعۋىنا ىلەسە، شەكارا سىرتىندا ءبىر توپ كەلەلى نىساندار ۇزدىكسىز سالىندى، جولاۋشى تاسىمال بازارىنىڭ ومىرشەڭ كۇشى تاسقىنداي ءتۇستى، الدىڭعى 7 ايدا حالىقارالىق تاس جولدا تاسىمالدانعان جولاۋشى مولشەرى 807 مىڭ 300گە (رەت) جەتىپ، سايكەس مەزگىلدەگىدەن ％8. 15 ارتتى. قۇرىلىس ماتەريالدارى مەن تاۋار اۆتوكولىكتەر ەكسپورتىنىڭ ەكى جاقتاپ دەم بەرۋى، شەكارا وتكەلدەرىندەگى قولايلىلانۋ ونىمدىلىگىنىڭ كورنەكتى بولۋى سياقتى فاكتورلاردىڭ اسەرىندە الدىڭعى 7 ايدا حالىقارالىق تاس جولدارداعى زات تاسىمال مولشەرى 10 ميلليون 58 مىڭ 100 تونناعا جەتىپ، سايكەس مەزگىلدەگىدەن ％23 ارتتى.
