شينجياڭنان 8 ادام تىزىمدىكتەن ورىن الدى
شينحۋا اگەنتتىگىنىڭ 8 - ايدىڭ 31 - كۇنى لانجوۋدان بەرگەن حابارى. 8 - ايدىڭ 31 - كۇنى ”جۇڭگوداعى ىزگى جاندار تىزىمدىگىن“ جاريالاۋ سالتى گانسۋ ولكەسى پيڭلياڭ قالاسى جيڭنيڭ اۋدانىنىڭ چىڭجي مادەنيەت الاڭىندا وتكىزىلىپ، 2026 - جىلعى 2 - توپتاعى ”جۇڭگوداعى ىزگى جاندار تىزىمدىگى“ ۇستىندە جاريالاندى. جەر - جەردىڭ تانىستىرۋى، توراپتاستاردىڭ باعالاۋى جانە مامانداردىڭ باعالاۋى سياقتى بۋىندار ارقىلى باسقالارعا كومەكتەسۋدى قۋانىش ساناعان، ادىلەت جولىندا ايانباعان، ادال دا سەنىمدى، كاسىپتى ارداقتاپ ۇلەس قوسقان، قارتتارعا وپالى، تۋىس - تۋعاندارىن ايالاعان جانىمىزداعى ىزگى ادامداردان 150 ادام داڭقپەن تىزىمدىكتەن ورىن الدى. شينجياڭنان (بيڭتۋاندى قامتيدى) 8 ادام تىزىمدىكتەن ورىن الدى.
تىزىمدىكتەن ورىن العان ىزگى جانداردىڭ ىشىندە مىندەت اتقارۋ بارىسىندا باقىتقا قارسى قۇربان بولعان، ومىرىمەن لەي فىڭ رۋحىن امالياتتا ايگىلەگەن لانتيان قۇتقارۋ - كومەكتەسۋ اترەتىنىڭ ورىنباسار باستىعى چىن يانشوۋ؛ 11 جىلدا 11 رەت تەڭىزگە سەكىرىپ 7 ادامدى قۇتقارعان، جاسى 60تان اسقان ورتا تازالىعى جۇمىسشىسى جۇڭ گىڭپيڭ؛ 5 ۇرپاق ادام 92 جىل بويى قىزىل ارميا قۇرباندارىنىڭ قابىرىن كۇزەتۋدى ۇزبەي جالعاستىرىپ كەلگەن شاڭىراقتاعى جياڭ شىلين؛ شەكارا وڭىرگە تامىر تارتىپ اۋىل شارۋاشىلىعىنا كومەكتەسىپ، حالىق ءۇشىن قىزمەت وتەۋ بورىشىن امالياتتا ايگىلەگەن نەگىزگى ساتى كادرى حى جياۋلۇڭ ؛ وكپە - ناز ايتپاي وتباسىنداعىلارعا قارايلاسقان، ءالسىز قوس يىعىمەن بۇكىل وتباسىنداعى ءۇش ۇرپاق ادامنىڭ امان - ساۋلىعىن قورعاپ كەلگەن زەينەتكەر وقىتۋشى دۇڭ حايشيۋ قاتارلىلار بار. ولار قاراپايىم بولعانىمەن، جەر - كوكتى ءدۇر سىلكىندىرگەن ىزگى ىستەرى ارقىلى كەرەمەت جاراتىپ، بۇكىل قوعامدا العا باسۋ، ىزگىلىككە ۇمتىلۋ سىندى ءداۋىر سالتىن قالىپتاستىردى. قيمىل الاڭىندا جۇڭگوداعى ىزگى جاندار ماۋ گو - ۋي، جاڭ جىيۇڭ، گۋ يانليڭ، ۋي حۋاييىن، پىڭ زىۋىن اسەرلى ىزگى ىستەرىن ءبولىستى، مەملەكەتتىك ءمورال ۇلگىلەرى گو ۋانگاڭ، جاڭ يۇنشيا، ۋاڭ دۇڭمەي، لىڭ مۋ، لياڭ چيانجۋان، دوۋ لانيىڭ ولارمەن پىكىر اۋىستىردى.
شينجياڭنان تىزىمدىكتەن ورىن العان 8 ادامنىڭ ىشىندە ايساجان نيزامدين، تيان يە، ما ليڭليڭ باسقالارعا كومەكتەسۋدى قۋانىش سانايتىن ىزگى جاندار تىزىمدىگىنە تاڭدالدى؛ حى جياۋلۇڭ ، ءدىلنۇر تۇرسۇنجان، حاۋ شياڭلي، لي چۋاڭيە، تاڭ پەيكى كاسىبىن ءسۇيىپ ۇلەس قوسقان ىزگى جاندار تىزىمدىگىنە تاڭدالدى.
وسى رەتكى جاريالاۋ سالتىن ورتالىق رۋحاني وركەنيەت قۇرىلىسى كەڭسەسى ۇيىمداستىرعان، جۇڭگو رۋحاني وركەنيەت تورابى، كينو ارناسى باعدارلاما ورتالىعى، جۇڭگو كوممۋنيستىك پارتياسى گانسۋ ولكەلىك پارتكومنىڭ ۇگىت ءبولىمى (گانسۋ ولكەلىك رۋحاني وركەنيەت قۇرىلىسى كەڭسەسى) مىندەتىنە الىپ وتكىزگەن، جۇڭگو كوممۋنيستىك پارتياسى پيڭلياڭ قالالىق پارتكومنىڭ ۇگىت ءبولىمى (پيڭلياڭ قالالىق رۋحاني وركەنيەت قۇرىلىسى كەڭسەسى) وتكىزۋگە سەلبەسكەن.
