جۋىردا، التاي ايماقتىق ەرلەر فۋتبول كومانداسى اۆتونوميالى رايوندىق 15 - كەزەكتى سپورت جارىسى جانە 11 - كەزەكتى ۇلتتار ءداستۇرلى دەنە تاربيە سپورت جارىسى بۇقارالىق جارىسىنىڭ بەس كىسىلىك فۋتبول جارىسىندا جۇلدەگەرلىككە يە بولىپ، شينجياڭعا ۋاكىل رەتىندە گانسۋ ولكەسى بايين قالاسىندا وتكىزىلەتىن 2 - كەزەكتى مەملەكەتتىك جالپى حالىقتىق دەنە شىنىقتىرۋ جارىسىنىڭ (باتىس سولتۇستىك رايونى) بەس كىسىلىك فۋتبول جارىسىنا قاتىناساتىن بولدى.
ۇعىسۋعا قاراعاندا، 2 - كەزەكتى مەملەكەتتىك جالپى حالىقتىق دەنە شىنىقتىرۋ جارىسىن مەملەكەتتىك دەنە تاربيە باس مەكەمەسى باس بولىپ وتكىزگەن، باتىس سولتۇستىك جارىس رايونىنا باتىس سولتۇستىكتەگى ءارقايسى ولكە، رايوننىڭ سىعايلانعان فۋتبول كوماندالارى جينالادى، بۇقارالىق دەنە تاربيەنىڭ دامۋ جەتىستىكتەرىن كورمەلەيتىن ماڭىزدى تەكشە. وسى رەتكى بەس كىسىلىك فۋتبول جارىسى 9 - ايدىڭ ورتا شەنىندە گانسۋ ولكەسىنىڭ باييىن قالاسىندا وتكىزىلەدى، ناقتىلى جارىس 9 - ايدىڭ 12 - كۇنىنەن 16 - كۇنىنە دەيىن ورنالاستىرىلدى.
