9 - ايدىڭ 1 - كۇنى ءتىلشى بيڭتۋان ءۇرىمجى ەكونوميكالىق - تەحنولوگيالىق اشۋ رايونىنان مۋدان گۇلى كاسىپ سالاسى باقشاسى نىسانىنىڭ كورمە زالى جانە وسىزاماندانعان جىنتىكتەي وڭدەۋ ءوندىرىس جەلىسىنىڭ نەگىزىنەن سالىنىپ بولىپ، سىناق رەتىندە ءوندىرۋ جانە ۇدايىلانعان اينالىمعا ءتۇسۋ الدىندا تۇرعانىن كوردى. وسى نىسان ەگىمشىلىك، وڭدەۋ، مادەنيەت - ساياحاتتى ءبىر تۇلعالاندىرىپ، شينجياڭنىڭ مۋدان گۇلىن جىنتىكتەي وڭدەۋدى جانە اۋىل شارۋاشىلىعى مادەنيەت - ساياحات كاسىپ سالاسىنداعى اقتاڭداقتى تولتىرىپ، وڭىرلىك ەكونوميكاعا جاڭا قوزعاۋشى كۇش ۇستەيدى.
مۋدان گۇلى كاسىپ سالاسى باقشاسى نىسانىن شينجياڭ يۋەرۋ مۋدان گۇلى كاسىپ سالاسىن دامىتۋ شەكتى سەرىكتەستىگى قارجى قوسىپ قۇرىپ وتىر، جالپى 50 ميلليون يۋان قارجى قوسىلعان، نىسان قۇرىلىسى مۋدان گۇلىن جىنتىكتەي وڭدەۋ ءوندىرىس جەلىسىن، مۋدان تۇقىمىنان تارتىلعان ماي، گۇل قاۋىزى شايى، مۋدان گۇلى ازىق - تۇلىكتەرى، كۇندەلىكتى ونىمدەر جانە كەمەلدى قامبادا ساقتاۋ، كورمەلەۋ جانە اۋىل شارۋاشىلىعى تاماشالاي ساياحاتتاۋ قۇرىلعىلارىن قامتيدى، وسى ارقىلى جەرگىلىكتى كولەمدەنگەن، ولشەمدەنگەن مۋدان كاسىبىنەن ۇلگى كورسەتۋ بازاسىن قۇرۋعا كۇش سالادى.
نىسان جاپپاي سالىنىپ بولىپ وندىرىسكە قوسىلعاننان كەيىن، جىلدىق ءوندىرىس قۇنى مەجەمەن 80 ميلليون يۋانعان جەتىپ، 100دەن استام قىزمەت ورنىن ازىرلەيدى، ءارى ماڭايداعى ەگىمشىلىك، وڭدەۋ، قىزمەت وتەۋ سياقتى قاتىستى كاسىپ سالالارىنىڭ دامۋىنا ىقپال جاساپ، بيڭتۋاننىڭ ەرەكشەلىككە يە اۋىل شارۋاشىلىعىنىڭ قوسىمشا قۇنىن ءونىمدى تۇردە جوعارىلاتىپ، اۋىل شارۋاشىلىعى قۇرىلىمىنىڭ ساپالىلانۋىن، جۇمىسشى - قىزمەتكەرلەردىڭ كىرىسىن ارتتىرۋ مەن وڭىرلىك ەكونوميكانىڭ سايكەستى دامۋىن جەبەيدى. سونىمەن قاتار، نىسان وڭىرلىك مادەنيەت - ساياحاتتىڭ جاڭا كاسىپ كۇيىن مولايتىپ، بيڭتۋاننىڭ ەرەكشەلىككە يە اۋىل شارۋاشىلىعىنىڭ ماركاسىن جارقىراتىپ، ”ءبىر بەلدەۋ، ءبىر جول“ وڭىرلىك ورىن باسىمدىعىنا ارقا سۇيەي وتىرىپ، جەرگىلىكتى باسىم ونىمدەردىڭ تۇتاس ەلگە بەتتەۋىن، ورتا ازياعا ەكسپورت ەتىلۋىن ىلگەرىلەتىپ، شينجياڭنىڭ ەرەكشەلىككە يە اۋىل شارۋاشىلىعىنىڭ جوعارى ساپالى دامۋىنا دەم بەرەدى.
