ءتىلشىنىڭ 9 - ايدىڭ 6 - كۇنى قوعام حاۋىپسىزدىگى مينيسترلىگىنەن ۇعىسۋىنشا، تەلەگراف، ينتەرنەت الدامكوستىگىنەن ساقتانۋ قىزمەتىنىڭ ينفورماتسيالانۋ، زەردەلىلەنۋ دەڭگەيىن اناعۇرلىم جوعارىلاتىپ، بۇقارانىڭ الدامكوستىكتى ءونىمدى تۇردە پارىقتاپ، ودان ساقتانۋىنا كومەكتەسۋ ءۇشىن قوعام حاۋىپسىزدىگى مينيسترلىگى قىلمىستىق بارلاۋ مەكەمەسىنىڭ جەتەكشىلىگى بويىنشا، شاڭحاي قوعام حاۋىپسىزدىگى مەكەمەسى دەربەس زەرتتەپ اشقان ”مەملەكەتتىك الدامكوستىككە قارسى تۇرۋ App “AIى جاقىندا رەسمي ىسكە قوسىلدى.
”مەملەكەتتىك الدامكوستىككە قارسى تۇرۋ App “AIىنىڭ 3 ۇلكەن فۋنكتسياسى بار: ءبىرىنشى، AI ۇلكەن مودەلى ارقىلى زەردەلى سۇراۋ قويۋ، سۇراۋعا جاۋاپ بەرۋ. پايدالانۋشى سۇراۋ قويعان سوڭ، سيستەما الدامكوستىك حاۋىپ - قاتەرىن ساراپتاۋ، الدامكوستىك ءتۇرىن انىقتاۋ، الدامكوستىكتەن ساقتانۋ جاعىندا كەڭەس بەرۋ سياقتى كوپ تۇرعىدان جاۋاپ قايتارادى، ءارى قاتىستى مىسالداردىڭ بەينە جازباسىن جىبەرىپ، پايدالانۋشىعا دەر كەزىندە الدامكوستىككە قارسى تۇرۋ بىلىمدەرىن ۇيرەنۋ جانە الدامكوستىككە ساياتىن جاعدايلارعا تۇجىرىم جاساۋ جاعىندا قىزمەت وتەيدى. ەكىنشى، الدامكوستىككە قارسى تۇرۋ دەرەك - حابارلارى. وندا مەملەكەتتىك الدامكوستىككە قارسى تۇرۋ ورتالىعى جانە شاڭحاي ”803“ الدامكوستىككە قارسى تۇرۋ جاڭا مەديا شەبى قامتىلعان، الدامكوستىككە قارسى تۇرۋ جاڭالىقتارى، ۇنەمى تۋىلاتىن الدامكوستىك تۇرلەرىنەن ساقتانۋ ەسكەرتۋى، سونداي - اق تيپتىك مىسالداردىڭ تاسىلىنە تالداۋ جاساۋ سياقتى مازمۇندار جاڭالانىپ تۇرادى، ”سۋرەت + قىسقا بەينە جازبا“ فورماسى ارقىلى پايدالانۋشىلاردىڭ الدامكوستىكتىڭ جاڭا كۇيىن دەر كەزىندە يەلەۋىنە مۇمكىندىك جاسايدى. ءۇشىنشى، الدامكوستىككە قارسى تۇرۋ سوزدىگى. وندا «تەلەگراف، ينتەرنەت الدامكوستىگىنەن ساقتانۋ ۇگىت قولدانباسى»، «جالپى حالىقتىق الدامكوستىكتەن ساقتانۋ باعدارناماسى»نىڭ ەلەكتروندى نۇسقاسى ساقتالعان، پايدالانۋشىلار تۇرلەر بويىنشا پاراقتاۋ، كىندىك ءسوز ارقىلى تەكسەرۋ، سونداي - اق داۋىستاپ وقىتۋ ۇلگىسى ارقىلى الدامكوستىككە قارسى تۇرۋ بىلىمدەرىن جۇيەلى تۇردە ۇيرەنە الادى.
كەزەكتە ”مەملەكەتتىك الدامكوستىككە قارسى تۇرۋ App “AIىن ءارقايسى ءىرى قول تەلەفون باعدارلاما بازارلارىنان ءتۇسىرىپ قولدانۋعا بولادى، ۋيشين، جىفۋباۋ شاعىن باعدارلامالارى دا قاتار قولدانىسقا بەرەدى، پايدالانۋشىلار الدامكوستىككە قارسى تۇرۋدىڭ ءتۇرلى زەردەلى قىزمەت وتەۋىن سىناپ كورۋىنە بولادى.
