9 - ايدىڭ 7 - كۇنى شينجياڭ ۇيعۇر اۆتونوميالى رايونىنىڭ 8 - كەزەكتى مۇگەدەكتەر سپورت جارىسى جانە 5 - كەزەكتى ەرەكشە وليمپيادا سپورت جارىسىنىڭ اقپارات جاريالاۋ ءماجىلىسى ءۇرىمجى قالاسىندا وتكىزىلدى، جارىس 9 - ايدىڭ 10 - كۇنى ىلە وبلىسىنىڭ قۇلجا قالاسىندا باستالادى، بۇل اۆتونوميالى رايوننىڭ 15 - كەزەكتى سپورت جارىسىنان كەيىنگى تاعى ءبىر كولەمدى جارىستىڭ قۇلجا قالاسىندا وتكىزىلۋى ەسەپتەلەدى.
شينجياڭ ۇيعۇر اۆتونوميالى رايونىنىڭ 8 - كەزەكتى مۇگەدەكتەر سپورت جارىسى جانە 5 - كەزەكتى ەرەكشە وليمپيادا سپورت جارىسىنىڭ قۇت بەلگىسى.
شينجياڭ ۇيعۇر اۆتونوميالى رايونىنىڭ 8 - كەزەكتى مۇگەدەكتەر سپورت جارىسى جانە 5 - كەزەكتى ەرەكشە وليمپيادا سپورت جارىسى 4 جىلدا ءبىر وتكىزىلەدى، مۇگەدەكتەر سپورت جارىسى، ەرەكشە وليمپيادا سپورت جارىسى سىندى ەكى ۇلكەن بولىكتى قامتيدى، بۇل تۇتاس شينجياڭ بويىنشا دەڭگەيى ەڭ جوعارى، كولەمى ەڭ اۋقىمدى، ىقپالى ەڭ كەڭ مۇگەدەكتەر جالپىلىق دەنە تاربيە جينالىسى سانالادى.
وسى رەتكى مۇگەدەكتەر سپورت جارىسى جانە ەرەكشە وليمپيادا سپورت جارىسىنىڭ مايدانى ىلە وبلىسىنىڭ قۇلجا قالاسى مەن شاپشال اۋدانىنا ورنالاستىرىلدى، تۇتاس رايون بويىنشا 14 ايماق، وبلىس، قالادان جيىنى 15 ۋاكىلدەر كومانداسى، 668 سپورتشى جارىسقا قاتىناسادى. تۇتاس جاعىنان العاندا جالپى 8 ۇلكەن ءتۇر، 350 شاعىن ءتۇر ورنالاستىرىلادى، جارىسقا قاتىناسۋ كولەمى جاعىنان، تۇرلەردى ورنالاستىرۋ جاعىنان بولسىن بارلىعى الدىڭعى كەزەكتى مۇگەدەكتەر سپورت جارىسى جانە ەرەكشە وليمپيادا سپورت جارىسىنان ورنىقتى تۇردە ىلگەرىلەتىلدى، اسىرەسە، مۇگەدەكتەر سپورت جارىسىنىڭ ساداق ءتۇرى مەن ەرەكشە وليمپيادا سپورت جارىسىنىڭ مالتاۋ ءتۇرى تۇڭعىش رەت اۆتونوميالى رايوننىڭ مۇگەدەكتەر سپورت جارىسى جانە ەرەكشە وليمپيادا سپورت جارىسىنىڭ ۇلكەن تۇرىنە ەنگىزىلىپ وتىر، جارىسقا قاتىناساتىن سپورتشىلاردىڭ سانى جەكە - جەكە 48 جانە 18 ادامعا جەتىپ، رايونىمىز مۇگەدەكتەر سپورتىنىڭ تەبىندەپ كەلە جاتقان كومەسكى كۇش تۇرلەرىنە اينالدى.
