شينجياڭ ۇيعۇر اۆتونوميالى رايوندىق 15 - كەزەكتى سپورت جارىسى جانە 11 - كەزەكتى ۇلتتار ءداستۇرلى دەنە تاربيە جارىسى تابىسپەن اياقتادى
ەركىن تۇنياز قاتىناستى ءارى اياقتالعاندىعىن جاريالادى
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 6 - كۇنى قاشقاردان حابارلايدى. تيانشاندا ارماندى ورىنداپ، تارتىمدى جارىستان ءلاززاتتاندى. 9 - ايدىڭ 6 - كۇنى تۇستەن بۇرىن شينجياڭ ۇيعۇر اۆتونوميالى رايوندىق 15 - كەزەكتى سپورت جارىسى جانە 11 - كەزەكتى ۇلتتار ءداستۇرلى دەنە تاربيە جارىسى قاشقار دەنە تاربيە ورتالىعىندا تابىسپەن اياقتادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اياقتاۋ سالتىنا قاتىناستى ءارى اياقتالعاندىعىن جاريالادى.
ساعات 11دە اياقتاۋ سالتى باستالدى، جارىسقا قاتىناسقان ءارقايسى ۋاكىلدەر ۇيىرمەسىنىڭ سپورتشىلار شارشى توبى الاڭعا كىردى. بۇكىل الاڭداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن شىرقادى.
ىلە - شالا اۆتونوميالى رايوندىق15 - كەزەكتى سپورت جارىسى جانە 11 - كەزەكتى ۇلتتار ءداستۇرلى دەنە تاربيە جارىسىنىڭ دەنە تاربيە ءمورال - جوسىن سيلىعىنا، تاڭداۋلى دەنە تاربيە دارىندىلارىن جىبەرگەن ورىن سيلىعىنا يە بولعانداردىڭ ەسىمدىگى وقىلدى. ءۇرىمجى قالاسى، ىلە قازاق اۆتونوميالى وبلىسى، تارباعاتاي ايماعى سياقتى 15 ۋاكىلدەر ۇيىرمەسى دەنە تاربيە ءمورال - جوسىن سيلىعىن الدى، ءۇرىمجى قالاسى، ىلە قازاق اۆتونوميالى وبلىسى، قارامايلى قالاسى سياقتى 9 ۋاكىلدەر ۇيىرمەسى تاڭداۋلى دەنە تاربيە دارىندىلارىن جىبەرگەن ورىن سيلىعىن الدى.
اۆتونوميالى رايوننىڭ ورىنباسار ءتوراعاسى قايسار قيۇم اياقتاۋ ءسوزىن سويلەدى.
ساعات 11دەن 24 مينۋت وتكەندە، ەركىن تۇنياز بىلاي دەپ جاريالادى: شينجياڭ ۇيعۇر اۆتونوميالى رايوندىق 15 - كەزەكتى سپورت جارىسى جانە 11 - كەزەكتى ۇلتتار ءداستۇرلى دەنە تاربيە جارىسى اياقتادى!
ناق مايداندا كەلەسى كەزەكتى دەنە تاربيە سپورت جارىسىن وتكىزۋدى مىندەتىنە العان تارباعاتاي ايماعىنىڭ ۇگىت فيلمى قويىلدى. سپورت جارىسى جارىس ءانىنىڭ اسقاق اۋەنى ىشىندە اۆتونوميالى رايوندىق 15 - كەزەكتى سپورت جارىسىنىڭ جانە 11 - كەزەكتى ۇلتتار ءداستۇرلى دەنە تاربيە جارىسىنىڭ جارىس تۋى باياۋ ءتۇسىرىلدى. سپورت جارىسىنىڭ جارىس تۋى كەلەسى كەزەكتى سپورت جارىسىن وتكىزۋدى مىندەتىنە العان تارباعاتاي ايماعىنا وتكىزىپ بەرىلدى.
وسىدان كەيىن تارتىمدى مادەنيەت، دەنە تاربيە كونسەرتى وتكىزىلدى. بۇكىل الاڭداعىلار «وتاندى جىرلايمىز» ءانىن اسقاقتاتا شىرقاپ، الاڭنىڭ دۋمانىن جوعارى ورلەۋگە كوتەردى.
وسى كەزەكتى جارىس − شينجياڭنىڭ بۇكىل رايوننىڭ جالپىلىق سپورت جارىسى مەن ۇلتتار ءداستۇرلى دەنە تاربيە جارىسىن تۇڭعىش رەت بىرىكتىرىپ وتكىزۋى، مۇندا ىلە، قاشقار سىندى ەكى جارىس رايونى جانە ات ءۇستى ءتۇرى كورلا بولىمشە جارىس الاڭى ورنالاستىرىلدى. بۇكىل شينجياڭنىڭ ءارقايسى ايماق، وبلىس، قالالارىنان جانە بيڭتۋاننىڭ شى - قالالارىنان كەلگەن 14 مىڭ 600 دەنە تاربيە ساڭلاعى جارىس الاڭىندا ماڭداي تەرىن توگىپ، ەرلىكپەن جۇلدەگە تالاستى. ىلە جارىس رايونىندا جاستار مەن ورەندەردىڭ 18 باسەكەلىك دەنە تاربيە ءتۇرى، 13 بۇقارالىق دەنە تاربيە جارىس قيمىلى ورنالاستىرىلدى. قاشقار جارىس رايونىندا 13ۇلتتار ءداستۇرلى دەنە تاربيە باسەكەلىك جارىس ءتۇرى، 10 ۇلتتار ءداستۇرلى دەنە تاربيە ويىن ءتۇرى (جەلىدە ورىندالاتىن 3 ويىن ءتۇرىن قامتيدى) ورنالاستىرىلدى؛ ات ءۇستى ءتۇرىنىڭ كورلا بولىمشە جارىس الاڭىندا 3 ۇلتتار ءداستۇرلى دەنە تاربيە باسەكەلىك جارىس ءتۇرى، 2 ۇلتتار ءداستۇرلى دەنە تاربيە ويىن ءتۇرى ورنالاستىرىلدى. وسى كەزەكتى سپورت جارىسىندا جاستار مەن ورەندەردىڭ باسەكەلىك دەنە تاربيە تۇرىنەن 3125 مەدال، بۇقارالىق دەنە تاربيە جارىس تۇرىنەن 249 مەدال، ۇلتتار ءداستۇرلى دەنە تاربيە باسەكەلىك جارىس تۇرىنەن 724 مەدال تاراتىلدى.
ءانۋار تۇرسۇن، نيە جۋاڭ، ءانۋار يبىرايىم، جۋ شۋەبيڭ، اۆتونوميالى رايونداعى جانە بيڭتۋاننىڭ قاتىستى ورىندارىنداعى، ءارقايسى ايماق، وبلىس، قالالارداعى جانە بيڭتۋاننىڭ شى - قالالارىنداعى جاۋاپتى جولداستار، ءار ۇلت كادر - بۇقارا ۋاكىلدەرى قاتارلىلار اياقتالۋ سالتىنا قاتىناستى.
