انار بۇلت \ شينجياڭ گازەتىنىڭ حابارى (ءتىلشى ءمۇزاپپار مۇقپۇل حابارلايدى). ”ازيا كىندىگىندە جۇگىرۋ، شينجياڭداعى تاماشا ساتتەردەن كوز ايدىن بولۋ“ اتىنداعى 2026 -جىلعى ٴۇرىمجى مارافون جارىسى 9 - ايدىڭ 13 - كۇنى ساعات 7دەن 30 مينۋت وتكەندە باستالادى. وسى كەزەكتى جارىستا مارافون جانە جارتىلاي ارالىقتى مارافون سىندى ەكى جارىس ٴتۇرى ورنالاستىرىلىپ، جارىس كولەمى 15 مىڭ ادامعا كەڭەيتىلىپ، بۇرىن - سوڭدى جارىستاردىڭ جاڭا جوعارى دەڭگەيىنە جەتكىزىلەدى.
2026 -جىلعى ٴۇرىمجى مارافون جارىسىنىڭ جارياناماسى. سۋرەتتى جارىستى ۇيىمداستىرۋ كوميسسياسى قامداعان
ٴتىلشىنىڭ جارىستى ۇيىمداستىرۋ كوميسسياسىنان ۇعىسۋىنشا، جارىسقا قاتىناساتىن ساڭلاقتار 9 - ايدىڭ 11 - كۇنىنەن 12 - كۇنىنە دەيىن شينجياڭ حالىقارالىق ءماجىلىس - كورمە ورتالىعىنا بارىپ جارىس بۇيىمدارىن الۋىنا بولادى ەكەن، سونىمەن بىرگە، جارىستى ۇيىمداستىرۋ كوميسسياسى جارىس بۇيىمىن قابىلداپ - جونەلتەتىن 2 ارناۋلى لەنياسىن اشتى. 1 - قابىلداپ - جونەلتۋ لەنياسى تەمىر جول مەكەمەسى مەترو بەكەتىنىڭ D ەسىگىنەن شينجياڭ حالىقارالىق ءماجىلىس - كورمە ورتالىعىنىڭ باتىس 1-قاقپاسى ارالىعىندا قاتىنايدى. كولىككە وتىراتىن ورىن مەترو 1 ـ لەنياسى تەمىر جول مەكەمەسى مەترو بەكەتىنىڭ D شىعار اۋىزىنىڭ ارتىندا، بەيجيڭ وڭتۇستىك جولىن بويلاپ وڭتۇستىككە قاراي شامامەن 50 مەتر جول جۇرگەندە، قابىلداپ - جونەلتۋ كولىگىنە شىعۋ ورنىنا جەتۋگە بولادى، قايتاردا كولىككە وتىراتىن ورىن شينجياڭ حالىقارالىق ءماجىلىس - كورمە ورتالىعىنىڭ باتىس 1-قاقپاسىنىڭ وڭتۇستىك الاڭىندا؛ 2 - قابىلداپ - جونەلتۋ لەنياسى ٴۇرىمجى ۆوگزالىنىڭ سولتۇستىك الاڭىنداعى الەۋمەتتىك قاتىناس بەكەتىنەن (باراتىن جول) شينجياڭ حالىقارالىق ءماجىلىس - كورمە ورتالىعىنىڭ باتىس 1 ـ قاقپاسىنا دەيىن، كولىككە وتىراتىن ورىن ٴۇرىمجى ۆوگزالىنىڭ سولتۇستىك الاڭىنداعى الەۋمەتتىك قاتىناس بەكەتىندە، ٴۇرىمجى ۆوگزالىنىڭ سولتۇستىك الاڭىنان شىعىپ، جۇمىستاندىرۋ بەكەتىنەن توتە وتكەننەن كەيىن، سولعا قاراي شامامەن 150 مەتر جاياۋ جۇرگەندە، ٴۇرىمجى ۆوگزالىنىڭ سولتۇستىك الاڭىنداعى الەۋمەتتىك قاتىناس بەكەتىنە جەتىپ، قابىلداپ - جونەلتۋ كولىگىنە شىعاتىن ورىنعا جەتۋگە بولادى. ەكى لەنيانىڭ تاسىمالداۋ ۋاقىتى بىردەي 9 - ايدىڭ 11 - كۇنى ساعات 13:30 - 21:00 ارالىعىنا، 9 - ايدىڭ 12 - كۇنى ساعات 9:30 - 21:00 ارالىعىنا ورنالاستىرىلدى.
جارىس بۇيىمدارىن تەك شاباندوزداردىڭ ٴوزى الاڭعا كىرىپ، ٴوزى بارىپ الۋى ءتيىس، ٴارقانداي فورماداعى ۋاكىلاتىن الۋعا رۇقسات جوق. العان كەزدە تىزىمدەلۋگە قاجەتتى كۇشكە يە كۋالىكتەردىڭ ٴتۇپ نۇسقاسىن الا ٴجۇرۋى ءتيىس. جارىس بۇيىمدارىن تاپسىرىپ العان ناق مايداندا بەت الپەت ينفورماتسياسى ەستەلىككە الىنىپ، جارىس كۇنگى سالاۋاتىن تەكسەرۋگە پايدالانىلادى. جارىسقا قاتىناساتىن 70 جاستان جوعارى شاباندوزدار جارىس بۇيىمدارىن العاندا، وتباسىنداعىلارمەن بىرگە «جارىسقا قاتىناسۋ مالىمدەمەسىنە» قول قويعاننان كەيىن عانا جارىس بۇيىمدارىن تاپسىرىپ الىپ، جارىسقا قاتىناسۋىنا بولادى. جارىستى ۇيىمداستىرۋ كوميسسياسى مىنانى ەسكەرتەدى: جارىسقا قاتىناساتىنداردىڭ جارىس بۇيىمىن الاتىن قاۋىرت مەزگىل ەڭ سوڭعى كۇنگە (9 - ايدىڭ 12 - كۇنى) تۋرالانادى، قاجەتسىز قاتارعا تۇرىپ كوپ كۇتۋدەن ساقتانۋ ٴۇشىن، مۇمكىندىكتىڭ بارىنشا قاۋىرت مەزگىلدەن باسقا ۋاقىتتى تاڭداپ جارىس بۇيىمىن العان ءجون.
