انار بۇلت \ شينجياڭ گازەتىنىڭ حابارى (ءتىلشى جاۋ شييا حابارلايدى). 9 - ايدىڭ 15 - كۇنى 2026 - جىلعى رۋانكى دۇنيە جۇزىلىك ماڭداي الدى پاندەر ءتىزىمى جاريالاندى، شينجياڭ جوعارى مەكتەپتەرىنەن 3 ءپان دۇنيە جۇزىندەگى ءجۇز ەگەيدىڭ قاتارىنان بوي كورسەتتى. ولار جەكە - جەكە شينجياڭ داشۋەسىنىڭ توقىماشىلىق عىلىمى جانە ينجەنەرياسى (دۇنيە ءجۇزى بويىنشا 38 - ورىندا)، شىحىزى داشۋەسىنىڭ اگرونوميا عىلىمى (دۇنيە ءجۇزى بويىنشا 76 — 100 - ورىندا) جانە ازىق - تۇلىك عىلىمى جانە ينجەنەرياسى (دۇنيە ءجۇزى بويىنشا 76 — 100 - ورىندا).
شينجياڭ جوعارى مەكتەپتەرىنىڭ تاقتادا ءتىزىلۋ احۋالى. سۋرەتتى رۋانكى قامداعان
بيىلعى رۋانكى دۇنيە جۇزىلىك ماڭداي الدى پاندەر تىزىمىندە شينجياڭ جوعارى مەكتەپتەرىنىڭ بەينەسى ورنىقتى بولدى، 4 جوعارى مەكتەپتەن 22 ءپان تىزىمدە بوي كورسەتتى.
تىزىمگە ىلىنگەن پاندەردىڭ جالپى سانى بويىنشا قاراعاندا، 13 ءپانى تىزىمگە ىلىنگەن شينجياڭ داشۋەسى تۇتاس رايون بويىنشا قارا ءۇزىپ العا شىعىپ، شينجياڭنىڭ ماڭداي الدى ورنىندا تۇر. 5 ءپانى تىزىمگە ىلىنگەن شىحىزى داشۋەسى ەكىنشى ورىنعا جايعاستى. تارىم داشۋەسى مەن شينجياڭ اۋىل شارۋاشىلىق داشۋەسىنىڭ ەكەۋىنەن ەكى ءپان تىزىمگە ىلىنگەن.
بۇدان تىس، شينجياڭ جوعارى مەكتەپتەرىنەن 3 ءپان دۇنيە ءجۇزىنىڭ الدىڭعى ەكى ءجۇز قاتارىنان ورىن الدى، ولار جەكە - جەكە شينجياڭ داشۋەسىنىڭ حيميا ينجەنەرياسى (دۇنيە ءجۇزى بويىنشا 101 — 150 - ورىندا)، قاشىقتان بارلاۋ تەحنولوگياسى (دۇنيە ءجۇزى بويىنشا 151 — 200 - ورىندا)، جانە شينجياڭ اۋىل شارۋاشىلىق داشۋەسىنىڭ مال شيپاگەرلىگى عىلىمى (دۇنيە ءجۇزى بويىنشا 151 — 200 - ورىندا).
وسى رەتكى قاتارعا تۇرعىزۋ شينجياڭ جوعارى مەكتەپتەرىنىڭ ينجەنەريا، جاراتىلىستىق عىلىم، اگرونوميا جانە تىرشىلىك عىلىمى سياقتى ءتۇرلى سالادا كوپ تۇيىننەن قامال العانىنىڭ بەينەسى، سونداي - اق شينجياڭ جوعارى مەكتەپتەرىنىڭ ءپان قۇرىلىسى سالاسىنداعى ۇزبەي ىزدەنىس جاساپ، وڭىرلىك ەكونوميكالىق، قوعامدىق دامۋعا قىزمەت وتەۋىنىڭ پارمەندى دالەلى سانالادى.
