2026 - جىلعى ۇلتتار ىنتىماعى، العاباسارلىعى ۇگىت اپتالىعى قيمىلىنىڭ مەديالاردى حابارلاندىرۋ ءماجىلىسى 9 - ايدىڭ 15 - كۇنى بەيجيڭدە وتكىزىلدى. ورتالىق كوميتەت بىرلىكساپ ءبولىمى، مەملەكەتتىك ۇلت ىستەرى كوميتەتىنىڭ قاتىستى مەڭگەرمە، مەكەمەلەرىندەگى جاۋاپتى جولداستار، سونداي - اق بەيجيڭ ۇلت، ءدىن ىستەرى كوميتەتىندەگى جاۋاپتى جولداستار وسى رەتكى ۇگىت اپتالىعىنا قاتىستى جاعدايلاردى تانىستىردى.
بيىل 7 - ايدىڭ 1 - كۇنى رەسمي اتقارىلعان «جۇڭحۋا حالىق رەسپۋبليكاسىنىڭ ۇلتتار ىنتىماعى، العاباسارلىعىن جەبەۋ زاڭىنىڭ» 56 - تارماعىندا ءار جىلعى 9 - ايدىڭ ءتورتىنشى اپتاسىن ۇلتتار ىنتىماعى، العاباسارلىعى ۇگىت اپتالىعى ەتىپ بەلگىلەگەن. تۇڭعىش رەتكى ۇلتتار ىنتىماعى، العاباسارلىعى ۇگىت اپتالىعى قيمىلى 9 - ايدىڭ 21 - كۇنىنەن 27 - كۇنىن دەيىن وتكىزىلەدى.
تانىستىرۋعا قاراعاندا، ۇگىت اپتالىعى نازاردى ”ۇلتتار ىنتىماعى، العاباسارلىعىن جەبەپ، ۇلى گۇلدەنۋ جورىعىندا ەكپىندەي ىلگەرىلەيىك“ نەگىزگى تاقىرىبىنا شوعىرلاندىرىپ، بۇكىل ەل كولەمىندە ۇلتتار ىنتىماعى، العاباسارلىعى ۇگىت، تاربيە قيمىلىن شوعىرلى ورىستەتىپ، ”مەملەكەتتىڭ تۇتاستىعىن قورعاۋدا، ۇلتتار ىنتىماعى، العاباسارلىعىن جەبەۋدە بارلىق ادامنىڭ جاۋاپكەرشىلىگى بار“ دەيتىن كوزقاراستى جۇرت جۇرەگىنە تەرەڭ ۇيالاتۋدى ىلگەرىلەتەدى.
