بۇگىن (9 - ايدىڭ 20 - كۇنى) ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كەڭسەسى حابارلاندىرۋ جاريالادى.
ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى بىرلەسىپ جاريالاعان «2026 – جىلعى جەكەلىك ينفورماتسيانى قورعاۋ جەلىلەس ارناۋلى ارەكەتىن ورىستەتۋ جونىندەگى حابارلاندىرۋعا» ساي، «ينتەرنەت حاۋىپسىزدىگى زاڭى»، «جەكەلىك ينفورماتسيانى قورعاۋ زاڭى»، «ينتەرنەت دەرەكتەرى حاۋىپسىزدىگىن باسقارۋ ەرەجەسى»، «App دىڭ جەكەلىك ينفورماتسيانى زاڭسىز جيناۋ، پايدالانۋ ارەكەتىن تۇراقتاندىرۋ ءادىسى» سياقتى زاڭدار مەن زاڭ - ەرەجەلەر جانە قاتىستى بەلگىلەمەلەرگە ساي، ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كەڭسەسى App دىڭ (شاعىن باعدارلامانى قامتيدى) جەكەلىك ينفورماتسيانى جيناۋ، پايدالانۋ ارەكەتىن تەكسەرۋدى ۇيىمداستىرىپ، قاتىستى ماسەلەلەر جونىندە حابارلاندىرۋ شىعاردى:
ٴبىرىنشى ، Flow Fit، حۋابانچى بەيسۇڭ قاتارلى 6 ٴتۇرلى App دەتالى جەكەلىك ينفورماتسيانى جيناۋ، پايدالانۋ ەرەجەسىن اشىق جاريالاماعان (تومەندەگى كەستەگە قاراڭىز).
ەكىنشى، iNAP Care، جۇڭيىڭ فان - يتۇڭ قاتارلى 4 ٴتۇرلى App دەتالى قاجەتتەن تىس ۇقىق كولەمىن زورلىقتى تۇردە نەمەسە ٴجيى تالاپ ەتكەن (تومەندەگى كەستەگە قاراڭىز).
ٴۇشىنشى، GPS مۋ ولشەۋ اپپاراتى، ROI ەسەپتەگىشى قاتارلى 9 ٴتۇرلى App دەتالى جەكەلىك ينفورماتسيانى جيناۋ، پايدالانۋ جاعدايىن تولىق، دۇرىس كورسەتپەگەن (تومەندەگى كەستەگە قاراڭىز).
ٴتورتىنشى، حۇڭجۋان لىدۋ، داۋچىن جىيۇن قاتارلى 11 ٴتۇرلى App دەتالى كۇشكە يە ەسەپ ٴنومىرىن كۇشىنەن قالدىرۋ يقۋاتىن ىسكە قوسپاعان (تومەندەگى كەستەدەن كورىڭىز).
