ۇلتتار ىنتىماعى سىندى جان تامىردى ويداعىداي قورعايىق
□ شينحۋا اگەنتتىگىنىڭ ءتىلشىسى فان سىشياڭ
ۇلتتار ىنتىماعىن، العاباسارلىعىن جەبەپ، ۇلى گۇلدەنۋ جورىعىندا ەكپىندەي ىلگەرىلەيىك!
9 - ايدىڭ 21 - كۇنى 2026 - جىلعى ۇلتتار ىنتىماعى، العاباسارلىعى ۇگىت اپتالىعى باستالدى − بۇل «جۇڭحۋا حالىق رەسپۋبليكاسىنىڭ ۇلتتار ىنتىماعىن، العاباسارلىعىن جەبەۋ زاڭى» اتقارىلعاننان كەيىنگى تۇڭعىش رەتكى ۇلتتار ىنتىماعى، العاباسارلىعى ۇگىت اپتالىعى، جۇڭحۋا ۇلتى ورتاق تۇلعا تانىمىن بەكەمدەۋ جونىندەگى ءتۇرلى فورماداعى ۇگىت تاربيە قيمىلى بۇكىل ەلدىڭ جەر - جەرىندە شوعىرلى ورىستەتىلەدى.
ۇلت قىزمەتىن ويداعىداي ىستەۋدە ەڭ شەشۋشى ءتۇيىن − ۇلتتار ىنتىماعىن جاقسارتۋ. باس شۋجي شي جينپيڭ بىلاي دەپ تەرەڭ اتاپ كورسەتتى: ”ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى“.
مۇنداي كوڭىل ءبولۋ دايەكتى جالعاسىپ كەلەدى. ەرتەدە جەرگىلىكتى ورىندا قىزمەت ىستەگەن كەزدە، شي جينپيڭ جولداس ۇلتتار ىنتىماعىنا وسكەلەڭ ءمان بەردى −
”ۇلت قىزمەتى − ءتۇبىرلى سيپاتتى قىزمەت، ۇلتتاردىڭ تەرەزەسى تەڭ، ىنتىماقتى بولۋىنا كۇش سالۋ − پارتيامىزدىڭ ۇلت ساياساتىنىڭ نەگىزگى مازمۇنى“، ”از ۇلتتاردىڭ شۇعىل شەشۋدى قاجەت ەتىپ وتىرعان ماسەلەلەردى شەشۋىنە شىنايى كومەكتەسۋ كەرەك“... «كەدەيلىكتەن ارىلۋ» اتتى كىتاپتىڭ ۇلت قىزمەتى جونىندەگى تەرەڭ تۇسىندىرۋىندە شي جينپيڭ جولداستىڭ تەرەڭ تولعانىسى قامتىلعان.
پارتيا 18 - قۇرىلتايىنان بەرى، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ستراتەگيالىق تۇرعىسىن شىعار ءتۇيىن ەتىپ، ۇلت قىزمەتى بۇرىن بولماعان تاريحي تىڭ بيىككە كوتەرىلدى. جاڭا جاعدايدا ۇلتتار ىنتىماعى، العاباسارلىعى ىستەرىنىڭ جاڭا جاعدايىن قالاي اشۋ كەرەك؟
”جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتار ىنتىماعى، العاباسارلىعى ىستەرىن نەگىزدىك ءىس رەتىندە مىقتى، ويداعىداي يگەرۋىمىز كەرەك“. باس شۋجي شي جينپيڭ ايقىن بەتالىس كورسەتتى.
2014 - جىلى 5 - ايدا باس شۋجي شي جينپيڭ 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ”جۇڭحۋا ۇلتى ورتاق تۇلعا تانىمىن“ ايقىن ورتاعا قويدى. جۇڭحۋا ۇلتى ورتاق تۇلعا تانىمى − ۇلتتار ىنتىماعىنىڭ نەگىزى، وتان تۇتاستىعىنىڭ، ۇلتتار ىنتىماعىنىڭ يدەيالىق ىرگە تاسى.
وسىدان كەيىن باس شۋجي شي جينپيڭ جۇڭحۋا ۇلتى ورتاق تۇلعا تانىمىن بەكەمدەۋ سىندى كەلەلى ءتول جاسامپازدىق تۇجىرىمىن ارقاۋ ەتىپ، ءبىر قىدىرۋ ماڭىزدى بايىمداۋلار جاسادى −
2017 - جىلى پارتيا 19 - قۇرىلتايىنىڭ بايانداماسىندا ”جۇڭحۋا ۇلتى ورتاق تۇلعا تانىمىن بەكەمدەۋ“ ايقىن العا قويىلدى؛ 2019 - جىلى مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا ”ءتورت ورتاق“ سىندى جۇڭحۋا ۇلتى تاريح كوزقاراسى جاسامپازدىقپەن ورتاعا قويىلدى؛ 2021 - جىلى ورتالىقتىڭ ۇلت قىزمەتى ماجىلىسىندە ”ءسوز جوق، جۇڭحۋا ۇلتى ورتاق تۇلعا تانىمىن بەكەمدەۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتۋ“ سياقتى ”ون ەكى ءسوز جوق“ ورتاعا قويىلدى؛ 2024 - جىلى مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا جۇڭحۋا ۇلتى تاريح كوزقاراسى ”ءتورت ورتاقتان“ ”بەس ورتاققا“ كەڭەيتىلدى...
چاڭبايشان تاۋىنان، حيلۇڭجياڭ وزەنىنەن قارلى ۇستىرتكە دەيىن، نانحاي تەڭىزى جاعالاۋىنان وتانىمىزدىڭ سولتۇستىك شەكاراسىنا دەيىن، باس شۋجي شي جينپيڭ تالاي رەت ءار ۇلت بۇقاراسىمەن بەتپە - بەت نەمەسە حات ارقىلى اۋىس - كۇيىس جاساپ، حالىقتىڭ جۇرەك ءۇنىن تىڭداپ، كوپشىلىكپەن بىرگە ۇلتتار وڭىرلەرىنىڭ دامۋىن تىلگە تيەك ەتىپ، جۇڭحۋا ۇلتى ورتاق تۇلعا تانىمىنىڭ جۇرەككە تامىر تارتۋىن ىلگەرىلەتتى.
ورتاق مەكەن، ورتاق سالاۋات، ورتاق ەسىم، ورتاق ارمان. 56 ۇلت ءبىر اراعا ۇيىسسا، جۇڭحۋا ۇلتى ورتاق تۇلعاسى بولادى، جۇڭحۋا ۇلتى − ۇلكەن شاڭىراق.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇلتتار وڭىرلەرى بۇكىل ەلمەن بىرگە كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى، ۇلتتاردىڭ ارالاسۋى، ىشتەسۋى، توعىسۋى اناعۇرلىم كەڭەيىپ، تەرەڭدەپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسى ۇزدىكسىز بەكەمدەلدى جانە دامىدى، ۇلت ماسەلەسىن شەشۋدىڭ جۇڭگوشا دۇرىس جولى بەكەمدەلدى جانە كەڭەيدى، ”جۇڭحۋا ۇلتى بەرەكەلى شاڭىراعى، جۇڭگو ارمانىن ءبىر نيەتپەن سومداۋ“ ءار ۇلت حالقىنىڭ ورتاق تىلەگىنە اينالىپ، جۇڭحۋا ۇلتىنىڭ ۇيىسۋ قۋاتى، سەنترگە تارتۋ قۋاتى بارىنشا كۇشەيدى.
باس شۋجي شي جينپيڭ اتاپ كورسەتكەندەي: ”جۇڭگو تاريحى ۇلتتاردىڭ توعىسىپ، توپتالىپ، كوپ نەگىزدى، ءبىر تۇلعالى جۇڭحۋا ۇلتىنا اينالۋ تاريحى، ءار ۇلت بىرگە جاراتقان، دامىتقان، بەكەمدەگەن ءبىر تۇتاس ۇلى وتانىمىزدىڭ تاريحى بولىپ تابىلادى“. وتكەنگە قايىرىلا قاراساق، ءبىز بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنە سۇيەنىپ تاريحتا ماڭگى وشپەيتىن ۇلى تابىستارعا قول جەتكىزدىك؛ بولاشاققا بەت العاندا دا، ءبىز بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنە سۇيەنىپ ۇزدىكسىز تىڭ شۇعىلالى داستان جازۋىمىز كەرەك.
جاڭا جورىقتا ۇلتتار ىنتىماعىن كۇشەيتۋدى ستراتەگيالىق، نەگىزدىك، ۇزاق بولاشاقتىق قىزمەت رەتىندە ىستەپ، ۇلتتار ىنتىماعى سىندى جان تامىردى ويداعىداي قورعاپ، ءار ۇلت بۇقاراسىن اناردىڭ دانىندەي تىعىز ۇيىسۋعا، ۇلتتار ىنتىماعىن كوز قاراشىعىنداي قورعاۋعا جەتەكتەپ، جۇڭحۋا ۇلتى ورتاق تۇلعا تانىمىن ونان ارى بەكەمدەپ، جۇڭحۋا ۇلتى ورتاق تۇلعا قۇرىلىسىن ىلگەرىلەتكەندە، ءسوز جوق، جۇڭحۋا ۇلتىنىڭ كوركەم بولاشاعىن بىرگە جاراتىپ، ۇلتتىڭ گۇلدەنۋى سىندى ۇلى داڭقتان بىرگە يگىلىكتەنەتىن بولامىز.
(شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى)
