تاپسىرمانى ەستە بەرىك ساقتاپ، سوتسياليستىك وسىزاماندانعان شينجياڭدى ءبىر نيەتپەن بىرگە قۇرايىق
□ گازەتىمىزدىڭ شولۋشىسى
تيانشان الابى، بەينە، اسەم سۋرەتتەي، تاعى ءبىر جىلدىڭ كوركەم كۇز كورىنىسى كەلىپ جەتتى.
شينجياڭ حالقىنىڭ ءالى انىق ەسىندە: بىلتىر التىن كۇزدە 9 - ايدىڭ 23 - كۇنىنەن 25 - كۇنىنە دەيىن، شينجياڭداعى ءار ۇلت حالقى تاريحي ءساتتى قارسى الدى، باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناستى، بۇل پارتيا مەن مەملەكەت تاريحىندا تۇڭعىش رەت بولىپ، پارتيا ورتالىق كوميتەتى مەن باس شۋجي شي جينپيڭنىڭ شينجياڭ قىزمەتىنە وسكەلەڭ ءمان بەرەتىندىگىن، شينجياڭداعى ءار ۇلت كادرلارى مەن بۇقاراسىنا شىنايى قامقورلىعىن تولىق ايگىلەدى. باس شۋجي شي جينپيڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، ماڭىزدى ءسوز سويلەپ، قۇتتىقتاۋ تاقتاسىنا ماڭىزدى ارناۋ ءسوز جازىپ، شينجياڭ قىزمەتىن اناعۇرلىم ويداعىداي ىستەۋگە ايقىن العا باسۋ بەتالىسىن كورسەتىپ، ءار ۇلت كادرلارى مەن بۇقاراسىنىڭ جاڭا باستامادا سوتسياليستىك وسىزاماندانعان شينجياڭدى كۇش سالا قۇرۋ سەنىمى مەن بەكىمىنە بارىنشا شابىت بەردى.
ۋاقىت جىلجىپ ءوتىپ، تاۋ - وزەندەر كورىكتەنە ءتۇستى. وسى ءبىر جىلعا قايىرىلا قاراساق، بۇكىل شينجياڭداعى كادرلار مەن بۇقارا تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەدى، قوعامدىق كەلەلى جاعداي ۇزدىكسىز ورنىقتىلىقتى ساقتادى، جۇڭحۋا ۇلتى ورتاق تۇلعا قۇرىلىسى تىڭعىلىقتى ىلگەرىلەپ، ەكونوميكالىق دامۋ ورنىقتىلىق بارىسىندا العا باسىپ، ورنىقتىلىق بارىسىندا جاقسارىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، ”14 - بەسجىلدىق“ تابىسپەن اياقتالىپ، ”15 - بەسجىلدىق“ ءساتتى باستالىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى.
ۇلتتار ىنتىماعى تەرەڭ تامىر تارتىپ، جاپىراعى جايقالىپ، انار گۇلى قۇلپىرىپ، حوش ءيىسى اڭقىدى. «جۇڭحۋا حالىق رەسپۋبليكاسىنىڭ ۇلتتار ىنتىماعىن، العاباسارلىعىن جەبەۋ زاڭى» ىشكەرىلەي اتقارىلىپ، ۇلتتار ىنتىماعىن، العاباسارلىعىن ۇگىتتەۋ اپتالىعى قيمىلى باي مازمۇندى بولىپ، ”مەملەكەتتىڭ تۇتاستىعىن قورعاپ، ۇلتتار ىنتىماعىن، العاباسارلىعىن جەبەۋدە بارلىق ادامنىڭ جاۋاپكەرشىلىگى بار“ دەيتىن كوزقاراس جۇرت جۇرەگىنە تەرەڭ ۇيالادى؛ ”جارتى حىناندىق ەسەپتەلەتىن“ شينجياڭدىق 8 جاستاعى ۇيعۇر ءبۇلدىرشىن ءار ۇلت بىرگە تۇرىپ، بىرگە ۇيرەنگەن، بىرگە ىستەپ، بىرگە شاتتانعان مەيىرلى اڭگىمەلەردى باقىتتى تۇردە باياندادى؛ گۋاڭشيدەگى تاسقىن اپاتىندا شينجياڭدىق ەرلى - زايىپتىلار ءوز اتتارىمەن اپات تۋىلعان رايونعا زاتتىق ماتەريال تاسىپ، ”كوپشىلىك بارلىعىمىز ءبىر ءۇيلى جانبىز“ دەگەن ءبىر اۋىز ءسوز ەتەنە سۇيىسپەنشىلىكتى بارىنشا ايگىلەدى؛ زاڭنىڭ اتقارىلۋىنان نەگىزگى ساتى امالياتىنا، ونان قيىن - قىستاۋ، حاۋىپ - قاتەرلەردى جەڭگەن كەزدەگى ءبىر - بىرىنە قارايلاسۋعا دەيىن شينجياڭنىڭ بايتاق دالاسىندا بەينەت پەن زەينەتتى بىرگە وتكەرگەن، داڭق پەن نامىستا بىرگە بولعان، اششى - تۇششىنى بىرگە تاتقان، تاعدىرلاس بولعان تەرەڭ سۇيىسپەنشىلىك تاسقىندادى.
شينجياڭدى مادەنيەتپەن نارلەندىرۋ ەگجەي - تەگجەيلى ىستەلدى، جۇڭحۋا مادەنيەتىنىڭ تامىرى ۇرپاقتار بويى جالعاستى. بيىل 9 - ايدا «جۇڭگو شينجياڭ ءوڭىرىنىڭ تاريحى»، «جۇڭگو شينجياڭ ءوڭىرىنىڭ ءدىن تاريحى» رەسمي باسپادان شىعىپ تاراتىلىپ، ”كەشەگى شينجياڭنان“ ”بۇگىنگى شينجياڭعا“ دەيىنگى دامۋ وزگەرىسى جاندى ەستەلىككە الىنىپ، دۇنيە جۇزىنە ”قالايشا جۇڭگو“، ”قالايشا شينجياڭ“ سىندى تاريحي لوگيكانى اناعۇرلىم ۇعىندىردى جانە ءتۇسىندىردى. 5 - ايدا 2026 - جىلعى شينجياڭ فۋتبول ەرەن بىرلەسكەن جارىسى دۋماندى باستالىپ، جارىس الاڭىنىڭ ءىشى - سىرتى تۇگەلدەي جىلجىمالى شينجياڭ سالت - سانا سۋرەتىمەن تولىپ، مادەنيەت توعىسۋىنىڭ جاندى ۇلگىسىنە اينالدى. تاريحي كىتاپتار جۇڭگو تىلەگىن ۇيىستىرىپ، جۇڭحۋا رۋحىن بەكەمدەۋدەن مادەنيەت، دەنە تاربيە قيمىلدارى جۇرت جۇرەگىن نارلەندىرىپ، جان دۇنيەنى تولىستىرۋعا دەيىن جۇڭحۋا مادەنيەتى تەرەڭگە تامىر تارتىپ، بۇتاعى قاۋلاپ جاپىراعى جايقالىپ، ءار ۇلت بۇقاراسى مادەنيەتتىڭ توعىسۋى بارىسىندا شىنايى مويىنداۋدى كۇشەيتتى، ورتاق رۋحاني مەكەن بارعان سايىن جاراسىمدى، مەيىرلى بولا ءتۇستى.
جوعارى ساپالى دامۋعا نىق قادام تاستاپ، ءورىس اشا ەكپىندەي ىلگەرىلەۋ قوزعالىس قۋاتى تاسقىندادى. بايلىق ارتىقشىلىعىن تياناق ەتىپ جاڭاشا وندىرگىش كۇشتەردى جەتىلدىرىپ، كەلەلى نىساندار دامۋ تامىرىن ۇزدىكسىز اشتى. ءۇرىمجى − لوپنۇر جوعارى قارقىندى تاس جولىندا تۇتاس لەنيا بويىنشا اۆتوكولىك قاتىناپ، ءار ۇلت بۇقاراسىنىڭ ءجۇرىس - تۇرىسى اناعۇرلىم قولايلى بولىپ، كىرىستى ارتتىرۋ ارناسى اناعۇرلىم كەڭەيدى. داشىشيا سۋ يگىلىگى تورابى تاسقىن مەزگىلىندە ءوز كەرەمەتىن كورسەتتى، تارىم مۇناي الابى سياقتى ءتۇيىندى نىساندار جاپپاي جەدەل ىلگەرىلەتىلىپ، ءبىر توپ ەنەرگيا، سۋ يگىلىگى، وسى زامانعى اۋىل شارۋاشىلىعى نىساندارى ”15 - بەسجىلدىقتىڭ“ باستاما جىلىندا شوعىرلى تياناقتاندى. ”جاساندى زەردە +“ ارەكەتى جاپپاي اتقارىلىپ، ەسەپتەۋ قۋاتى كاسىپ سالاسى جەدەل دامىپ، قۇمىل اراتۇرىك باتىس بولىك ”جاسىل ەسەپتەۋ اڭعارى“ بولىپ قۇرىلدى، قارامايلى مەملەكەت بويىنشا ەسەپتەۋ قۋاتىنىڭ ”ءبىرىنشى شارشى شەبى“ قاتارىنا ءوتتى. قاتىناستان سۋ يگىلىگىنە دەيىن، مۇناي - گازدان ەسەپتەۋ قۋاتىنا دەيىن تيانشان الابى ناقتى ىستەپ، ناقتى ناتيجە جاراتىپ، جوعارى ساپالى دامۋدىڭ جاۋابىن جازۋدا.
جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ قارقىنى تەزدەتىلىپ، اشىلعان ەسىك بارعان سايىن ايقارا اشىلدى. 9 - كەزەكتى جۇڭگو − ازيا − ەۆروپا كورمەسى ۋادە بويىنشا باستالىپ، ساۋداگەرلەردىڭ كولەمى تاعى دا تىڭ دەڭگەيگە جەتتى؛ شاڭحاي سەلبەستىك ۇيىمى سيفرلى ەكونوميكا تالقى مىنبەرى ءساتتى وتكىزىلىپ، ازيا − ەۆروپانى تۇتاستىراتىن سيفرلى سەلبەستىك كوپىرىن سالدى... تالاي رەتكى سالتاناتتى جينالىس، تالاي رەتكى سەلبەستىك ارقىلى شينجياڭ پارتيا ورتالىق كوميتەتى بەلگىلەگەن ”بەس ۇلكەن ستراتەگيالىق ورىندى“ كوزدەپ، اناعۇرلىم سەنىمدى بەينەمەن دۇنيە جۇزىمەن قاۋىشىپ، ەل ءىشى، حالىقارا سىندى قوس اينالىمدا ماڭىزدى رولىن باتىلدىقپەن ارقالاپ، ”ءبىر بەلدەۋ، ءبىر جولدى“ بىرگە قۇرۋدىڭ جىبەك جولى تولقىن ۇنىمەن جۇرت كوڭىلىن جەلپىندىردى.
تاۋ اسىپ، تاس باسسا دا، اۋەلگى ماقساتىنان اينىمادى؛ ايبىندى ساپاردا كۇرەس ۇزدىكسىز جۇرگىزىلدى. وسى ءبىر جىلعا قايىرىلا قاراساق، شينجياڭنىڭ بايتاق دالاسىنداعى قۋانارلىق وزگەرىستەردىڭ بارلىعى پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىنىڭ ارقاسىندا بولدى، بۇعان ءار ۇلت كادرلارى مەن بۇقاراسىنىڭ ءبىر نيەتپەن كۇرەس جۇرگىزگەن ماڭداي تەرى سىڭگەن. جاڭا جورىقتا ەكپىندەي ىلگەرىلەگەن شينجياڭداعى ءار ۇلت پەرزەنتتەرى باس شۋجي شي جينپيڭنىڭ ىقىلاستى تاپسىرماسىن باستان - اياق ەستە بەرىك ساقتاپ، ءبىر جاعادان باس، ءبىر جەڭنەن قول شىعارىپ، ەرلىكپەن العا باسىپ، قۇلشىنا سوتسياليستىك وسىزاماندانعان شينجياڭ قۇرىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە تەلەگەي شينجياڭ كۇشىن قوسادى.
