انار بۇلت \ شينجياڭ گازەتىنىڭ ءتىلشىسى فان چيۇڭيان 9 - ايدىڭ 29 - كۇنى اقسۋدان حابارلايدى. 9 - ايدىڭ 29 - كۇنى اۆتونوميالى رايوننىڭ ”ۇلتتار ىنتىماعىنىڭ بەرەكەلى شاڭىراعى“ قيمىلىن ىلگەرىلەتۋ ءماجىلىسى اقسۋ قالاسىندا اشىلدى. ءماجىلىس قيمىل جۇرگىزىلگەن 10 جىلدان بەرى قول جەتكەن ناتيجەلەردى قورىتىندىلاپ، تاجىريبە، ادىستەردى اۋىستىرىپ، ساپا مەن ونىمدىلىكتى اناعۇرلىم جاقسارتىپ، جوعارىلاتىپ، ۇلتتاردىڭ ارالاسۋىن، ىشتەسۋىن، توعىسۋىن اناعۇرلىم ويداعىداي جەبەدى.
اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ”ۇلتتار ىنتىماعىنىڭ بەرەكەلى شاڭىراعى“ قيمىلىن ورىستەتۋ − جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدىڭ ماڭىزدى شاراسى، جۇڭحۋا ۇلتى ورتاق تۇلعا تانىمىن بەكەمدەۋدىڭ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدىڭ ءونىمدى دانەكەرى. سوتسياليستىك وسىزاماندانعان شينجياڭ قۇرۋ امالياتىندا قۋاتتى ومىرشەڭ كۇشىن ايگىلەدى. قيمىل ىزدەنىس جاساۋ بارىسىندا كەمەلدەنىپ، كەمەلدەنۋ بارىسىندا تەرەڭدەپ، شينجياڭنىڭ ۇلتتار ىنتىماعى، العاباسارلىعى قىزمەتىنىڭ ماركاسىنا اينالىپ، ۇلتتاردىڭ ۇلى ىنتىماعىن بەكەمدەۋدە جانە دامىتۋدا، شينجياڭنىڭ قوعام ورنىقتىلىعى مەن باياندى تىنىشتىعىنىڭ بۇقارالىق نەگىزىن بەكەمدەۋدە بەلسەندى رول اتقاردى.
ءماجىلىس مىنالاردى باسا دارىپتەدى: جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن ارقاۋ ەتىپ، ”ۇلتتار ىنتىماعىنىڭ بەرەكەلى شاڭىراعى“ قيمىلىنىڭ مازمۇنىن، فورماسىن جانە ءادىسىن ۇزدىكسىز تەرەڭدەتىپ، بەكەمدەۋ، جوعارىلاتۋ، تەرەڭدەتۋ، ناقتىلاندىرۋ، سىرلاسۋ، سۇيىسپەنشىلىكتى توعىستىرۋ جاعىنا بارىنشا كۇش سالىپ، قيمىلدىڭ نەگىزگى ساتىنىڭ قاجەتىنە، كادرلاردىڭ قابىلەتىنە، حالىق تىلەگىنە اناعۇرلىم ويداعىداي ۇيلەسۋىن ىلگەرىلەتىپ، جاڭا ومىرشەڭ كۇشىن ۇزدىكسىز تاسقىنداتۋ كەرەك. ۇلتتار ىنتىماعىن، العاباسارلىعىن جەبەۋ زاڭىن ۇيرەنىپ، ۇگىتتەپ، دايەكتىلەندىرىپ، ءار ۇلت كادرلارى مەن بۇقاراسىنىڭ ۇلتتار ىنتىماعى، العاباسارلىعى ىستەرىنە ات سالىسۋ سانالىلىعى مەن بەلسەندىلىگىن ۇزدىكسىز كۇشەيتىپ، سوتسياليستىك وسىزاماندانعان شينجياڭ قۇرۋدىڭ تەلەگەي كۇشىن ۇيىستىرۋ كەرەك.
مۇقيات جارمۇقامەت باسقاردى، لي نيڭپيڭ، پۋ شۋەمەي ماجىلىسكە قاتىناستى.
