چىن شياۋجياڭ، ەركىن تۇنياز، ءزۇمىرات وبۇل، نۇرلان ءابىلماجىن، حى جۇڭيوۋ، ۋاڭ لين قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ ي 9 - ايدىڭ 30 - كۇنى ۇرىمجىدەن حابارلايدى. قاھارمان قۇرباندارعا گۇل تارتۋ ەتتى، اسقاق جىگەر وتانىمىزدىڭ تاۋ - وزەندەرىنە ءتىپتى دە ايبىندى دا كوركەم ءتۇس قوستى. 9 - ايدىڭ 30 - كۇنى تۇستەن بۇرىن قۇربانداردى ەسكە الۋ كۇنىندە حالىق قاھارماندارىنا گۇل شارباق تارتۋ ەتۋ سالتى ءۇرىمجى حالىق الاڭىندا وتكىزىلدى. چىن شياۋجياڭ، ەركىن تۇنياز، ءزۇمىرات وبۇل، نۇرلان ءابىلماجىن، حى جۇڭيوۋ، ۋاڭ لين قاتارلى اۆتونوميالى رايون مەن بيڭتۋاننىڭ باسشىلارى شينجياڭداعى ءار ۇلت، ءار سالا ۋاكىلدەرىمەن بىرگە حالىق قاھارماندارىنا گۇل شارباق تارتۋ ەتىپ، توڭكەرىستىك ارداگەر قۇربانداردى ساعىنا ەسكە الىپ، قاھارمان قۇربانداردىڭ رۋحىن جالعاستىرىپ جانە اسقاقتاتىپ، ءار ۇلت تيانشان پەرزەنتتەرىن ىنتىماقتاسا ەكپىندەي ىلگەرىلەۋگە، ەرلىكپەن العا باسۋعا، سوتسياليستىك وسىزاماندانعان شينجياڭ قۇرۋ جولىندا قاجىماي - تالماي كۇرەس جۇرگىزۋگە جىگەرلەندىردى.
ءۇرىمجى حالىق الاڭى ايبىندى، جىم - جىرتتىققا شومدى، جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشى اسقاق بوي سوزىپ تۇر. ەسكەرتكىشتىڭ ءدال الدىنا اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى، دەموكراتيالىق پارتيا - توپتار، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر، ءۇرىمجى قالاسىنداعى ءار ۇلت، ءار سالا جۇرتشىلىعى، پيونەرلەر اتىنان تارتۋ ەتىلگەن 9 گۇل شارباق قويىلعان. سالتقا قاتىناسقان بارلىق ادام رەتتى قاتارعا تۇرىپ، حالىق قاھارماندارىنا وسكەلەڭ قۇرمەت ءبىلدىردى.
ساعات 11دە سالت باستالدى. اسقاق «ەرىكتىلەر مارشى» ورىندالىپ، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
مەملەكەت ءانى ورىندالعاننان كەيىن، بۇكىل الاڭداعىلار جىم - جىرت تۇرىپ، شينجياڭنىڭ ازاتتىق جانە قۇرىلىس ىستەرىنە ەرلىكپەن ءومىرىن ارناعان قۇرباندارعا، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرگەن، بولشەكتەۋشىلىككە قارسى كۇرەستە جانە لاڭكەستىككە قارسى تۇرىپ ورنىقتىلىقتى قورعاۋ كۇرەسىندە ەرلىكپەن ءوزىن ارناعان قۇرباندارعا ءۇنسىز ازا ءبىلدىردى.
ءار ۇلت ورەندەرى «ءبىز كوممۋنيزم ءىزباسارلارىمىز» ءانىن اسقاقتاتا شىرقاپ، ەسكەرتكىشكە قاراپ تۇرىپ پيونەرلەر وتريادىنىڭ سالەمىن جاسادى.
تەرەڭ سەزىمگە تولى «گۇل تارتۋ ەتۋ مۋزيكاسى» ورىندالىپ، 18 قۇرمەت قاراۋىلى گۇل شارباقتاردى الىپ باسپالداقپەن جوعارى كوتەرىلىپ، گۇل شارباقتاردى ەسكەرتكىش تۇعىرىنا اكەلىپ قويدى.
چىن شياۋجياڭ قاتارلىلار ەسكەرتكىش تۇعىرىنا شىعىپ، گۇل شارباقتاردىڭ تورعىن لەنتاسىن دەن قويا رەتتەدى. اۆتونوميالى رايون مەن بيڭتۋاننىڭ باسشىلارى، سونداي - اق ءار ۇلت، ءار سالا ۋاكىلدەرى رەتىمەن باياۋ اينالىپ، ەسكەرتكىشكە ىزەت - قۇرمەتپەن قارادى، توڭكەرىستىك ارداگەر قۇربانداردىڭ شەكارا وڭىرگە تامىر تارتىپ، قالتقىسىز ۇلەس قوسقان شۇعىلالى ىزگى ىستەرىن تەرەڭ سۇيىسپەنشىلىكپەن ەسكە الىپ، حالىق قاھارماندارىنىڭ پارتياعا ادال بولۋ، حالىققا ادال بولۋ سىندى وسكەلەڭ قاسيەتىن تەرەڭ سەزىندى.
سالتقا قاتىناسقان ءار ۇلت كادرلارى مەن بۇقاراسى مىنالاردى ءبىلدىردى: بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، سونداي - اق جۇڭگو جۇمىسشى - شارۋا قىزىل ارمياسى ۇزاق جورىعى جەڭىسىنىڭ 90 جىلدىعى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قىزىل قان تامىردى جالعاستىرىپ، كۇرەسكەرلىك رۋحتى جالعاستىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتى تىڭعىلىقتى ىلگەرىلەتىپ، ىنتىماقتى دا جاراسىمدى، گۇلدەنگەن ءارى باي، وركەنيەتتى دە العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا ۇلەس قوسامىز.
ۋاڭ جيانشين، ءيۇسۇپجان مامەت، ەلزات احمەتجان، قادەن كابەن، لي گاڭ، ۋاڭ گاڭ، قايسار ابدۇكەرىم، ليۋ چۇنلەي، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القا مۇشەلەرى، شينجياڭ اسكەري رايونىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار قاتارلىلار سالتقا قاتىناستى.
