انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ ي 9 - ايدىڭ 30 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ءتوراعاسى ەركىن تۇنياز 9 - ايدىڭ 30 - كۇنى ۇرىمجىدە ۋحان داشۋەسى پارتكومىنىڭ شۋجيى جۋ كۇڭجۇنمەن، مەكتەپ باستىعى جاڭ پيڭۋىنمەن جانە ولاردىڭ ساپارلاستارىمەن كەزدەستى.
چىن شياۋجياڭ اۆتونوميالى رايوندىق پارتكوم، ۇكىمەت جانە بيڭتۋان اتىنان ۋحان داشۋەسىنىڭ شينجياڭ قىزمەتىن قولداعاندىعىنا جانە كومەكتەسكەندىگىنە العىس ايتتى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ زور كۇشپەن قولداۋىندا، شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ەكونوميكالىق، قوعامدىق دامۋدا كۇللى الەمدى جالت قاراتقان كەلەلى تابىستارعا قول جەتكىزىپ، دامۋى ەڭ جاقسى، وزگەرىسى ەڭ زور، ءار ۇلت بۇقاراسى ەڭ كوپ يگىلىككە كەنەلگەن تاريحي مەزگىلگە قادام تاستادى. ۇزاق ۋاقىتتان بەرى ۋحان داشۋەسى سياقتى ەل ىشىندەگى ءبىر توپ جوعارى مەكتەپتەر شينجياڭعا باعىتتامالى كومەكتەسۋ قىزمەتىن ماڭىزدى ورىنعا قويىپ، وقۋ - اعارتۋ ارقىلى شينجياڭعا كومەكتەسۋدى ۇزدىكسىز تەرەڭدەتىپ، شينجياڭنىڭ جوعارى وقۋ - اعارتۋ ىستەرىنىڭ دامۋىندا كەلەلى ىلگەرىلەۋشىلىككە قول جەتكىزۋىن ىلگەرىلەتتى. ۋحان داشۋەسىنىڭ شينجياڭمەن ناقتى ىستەر سەلبەستىگىن ۇزدىكسىز كۇشەيتىپ، پاندەر ارتىقشىلىعىن تولىق ساۋلەلەندىرىپ، نازاردى شينجياڭنىڭ ەنەرگيا، كەن، جاڭا ەنەرگيا، جاڭا ماتەريال، وسى زامانعى ەگىن، مال شارۋاشىلىعى سياقتى ەرەكشەلىككە، ارتىقشىلىققا يە كاسىپ سالالارىنا شوعىرلاندىرىپ، عىلمي زەرتتەۋدى، تەحنولوگيادان قامال الۋدى، دارىندىلاردى تاربيەلەۋدى بىرلەسىپ ورىستەتىپ، شينجياڭنىڭ كاسىپ سالاسىن دامىتۋداعى جاڭالىق اشۋ قوزعالتقىشىن قالىپتاستىرۋىنا دەم بەرۋىن؛ شينجياڭ داشۋەسىنە كومەكتەسۋ سەرپىنىن ۇزدىكسىز ارتتىرىپ، وڭتۇستىك شينجياڭنىڭ جوعارى وقۋ - اعارتۋىنىڭ ساپاسىن ءوسىرىپ كولەمىن كەڭەيتۋىنە قولداۋ كورسەتىپ، وقىتۋشىلار قوسىنى كۇشىن نىعايتىپ، ءپان قۇرىلىمىن ساپالىلاندىرىپ، وقىتۋ دەڭگەيى مەن عىلمي زەرتتەۋ قابىلەتىن جوعارىلاتۋىن؛ ەمدەۋ ارقىلى شينجياڭعا كومەكتەسۋ ىستەستىگىن تەرەڭدەتىپ، شينجياڭنىڭ جەرگىلىكتى ەمدەۋ تىرەكتىلەرىن باۋلىپ، اناعۇرلىم كوپ جوعارى ساپالى ماماندانعان دارىندىلاردى ەنگىزىپ، باۋلىپ، ءار ۇلت بۇقاراسىنىڭ حالىق تۇرمىسى قۇت - ىرىسىن ارتتىرۋعا، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە دارىندىلار تىرەگىن ازىرلەۋىن ءۇمىت ەتەمىن.
جۋ كۇڭجۇن شينجياڭنىڭ ۇزاق ۋاقىتتان بەرى ۋحان داشۋەسىنىڭ دامۋىنا كوڭىل بولگەندىگىنە جانە قولداۋ كورسەتكەندىگىنە العىس ايتتى. ول مىنالاردى ءبىلدىردى: شينجياڭ قوعام ورنىقتىلىعى، ۇلتتار ىنتىماعى، ەكونوميكالىق دامۋ، حالىق تۇرمىسىن جاقسارتۋ، ەكولوگيانى قورعاۋ سياقتى جاقتاردا كورنەكتى تابىستارعا قول جەتكىزىپ، مەكتەپ پەن جەرگىلىكتى ورىننىڭ سەلبەستىگىن اناعۇرلىم كۇشەيتۋگە كەڭ وراي ازىرلەدى. ۋحان داشۋەسىنىڭ ءپان ارتىقشىلىعى شينجياڭنىڭ كاسىپ سالاسى قاجەتىمەن، قولدانىلمالى جاعداياتىمەن بارىنشا سايكەس كەلەدى، مەكتەپ ءوزارا پايدا جەتكىزۋ سەلبەستىگىن تەرەڭدەتۋدى دامۋ قۋات دەڭگەيىن اناعۇرلىم جوعارىلاتۋدىڭ، مەملەكەتتىڭ بورىشىنا اناعۇرلىم ويداعىداي قىزمەت وتەۋدىڭ ماڭىزدى ورايى دەپ قاراپ، ولشەۋ - سىزۋ، الىستان سەزۋ، سۋ يگىلىگى، سۋ ەلەكتر، استىق حاۋىپسىزدىگى، ەنەرگيا، كەن، اۋىل شارۋاشىلىعى ەكولوگياسى، تىرشىلىك - سالاماتتىق، شەكارا ءوڭىردى زاڭمەن باسقارۋ سياقتى ارتىقشىلىققا يە سالالاردى ارقاۋ ەتىپ، عىلمي زەرتتەۋ تۇعىرلارىن جوعارى دەڭگەيدە قۇرىپ جانە ىسكە قوسىپ، زەرتتەۋ جەتىستىكتەرىنىڭ تياناقتانىپ كادەگە جاراۋىن ىلگەرىلەتىپ، اناعۇرلىم كوپ ناقتى ىستەر سەلبەستىگى جەتىستىكتەرى ارقىلى شينجياڭنىڭ جوعارى ساپالى دامۋىنا جانە وسىزامانداندىرۋ قۇرىلىسىنا بەلسەندى ۇلەس قوسادى.
اۆتونوميالى رايون باسشىلارىنان ۋاڭ جيانشين، قادەن كابەن، قايسار ابدۇكەرىم، اۆتونوميالى رايوننىڭ قاتىستى ورىندارىنداعى، جوعارى مەكتەپتەردەگى جانە شيپاحانالارداعى جاۋاپتى جولداستار كەزدەسۋگە قاتىناستى.
