− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 77 جىلدىعىن قۇتتىقتاۋ قوناعاسىندا سويلەگەن ماڭىزدى ءسوزى شينجياڭدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
”ءبىز سەنىمدى بەكەمدەپ، نىسانانى كوزدەپ، نىق قاداممەن بىرتىندەپ العا باسساق بولعانى، تابىس، ءسوز جوق، ۇلى جۇڭگو كوممۋنيستىك پارتياسىنا، ۇلى جۇڭگو حالقىنا، ۇلى جۇڭحۋا حالىق رەسپۋبليكاسىنا ءتان بولادى“. 9 - ايدىڭ 30 - كۇنى كەشتە باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 77 جىلدىعىن قۇتتىقتاۋ قوناعاسىندا سويلەگەن ماڭىزدى ءسوزى شينجياڭداعى ءار ۇلت كادرلارى مەن بۇقاراسىنىڭ كوڭىلىن كولدەي تولقىتتى. كوپشىلىك دۇنيە ءجۇزىن جالت قاراتقان دامۋ تابىستارىن ايرىقشا ماقتانىش سەزىنىپ، جۇڭگو ۇلگىسىندەگى وسىزامانداندىرۋدىڭ نۇرلى بولاشاعى جونىندە كامىل سەنىمدە بولىپ، جابال مىنالاردى ءبىلدىردى: ىقىلاستى تاپسىرمانى جوعارى ساپالى دامۋدى ىلگەرىلەتۋدىڭ ءىس جۇزىندىك ارەكەتىنە اينالدىرىپ، جاڭا ۇلى جورىقتا جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن كۇش قوسامىز.
10 - ايدىڭ 1 - كۇنى ”جۇڭگونىڭ باتىس ۇيەگىندەگى“ ۇلۇقشات اۋدانى ەركەشتام شەكارا وتكەلىندە مەملەكەت قاقپاسى جابۋلى، شەكارادان وتەتىن اۆتوكولىكتەر جوق بولعانىمەن، شەكارالىق تەكسەرۋ حالىق ساقشىلارى قىزمەت ورىندارىنان تاپجىلماي، كەدەننىڭ جابىق كەزىنەن پايدالانىپ اسپاپ - جابدىقتاردى تەكسەرىپ، رەمونتتادى. ”باس شۋجي شي جينپيڭ بىلاي دەپ اتاپ كورسەتتى: 77 جىلدان بەرى پارتيامىز حالىقتى ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى. بۇل ءبىزدى شەكسىز تەبىرەنتتى جانە ماقتانىش سەزىمىنە يە ەتتى!“، - دەدى شينجياڭ شەكارادان كىرىپ - شىعۋ شەكارا قورعانىس تەكسەرۋ باس پۋنكتى ەركەشتام شەكارادان كىرىپ - شىعۋ شەكارا قورعانىس تەكسەرۋ پۋنكتى مىندەت اتقارۋ 2 - اترەتىنىڭ باستىعى جوۋ چيبو.
جوۋ چيبونىڭ بۇل ارادا شەكارا كۇزەتكەنىنە 15 جىل بولدى، ول شەكارا وتكەلىنىڭ قۇرىلىسى مەن دامۋىنا كۋا بولدى. ”جاڭا كەلگەن كەزدە، ءبىر جىلدا كەدەننەن وتەتىن اۆتوكولىك نەبارى نەشە ون مىڭ (رەت) قانا بولاتىن، بيىل 9 - ايدىڭ سوڭىنا دەيىن ءبىز جيىنى 300 مىڭنان (رەت) استام شەكارادان كىرىپ - شىققان جۇك اۆتوكولىگىن تەكسەرىپ وتكىزدىك، بۇل تاريحتاعى ەڭ جوعارى دەڭگەيدى جاراتتى“. ول بىلاي دەدى: باس شۋجي شي جينپيڭنىڭ ماڭىزدى ءسوزىن تىڭداعاننان كەيىن، كوپشىلىكتىڭ قايراتى ءتىپتى دە تاسقىندادى، ىقىلاستى تاپسىرمانى شەكارا وڭىرگە تامىر تارتىپ، وتاندى قورعاپ شەكارانى كۇزەتۋدىڭ ءىس جۇزىندىك ارەكەتىنە اينالدىرىپ، شەكارادان كىرىپ - شىعۋ بويىنشا كەدەننەن وتۋگە قىزمەت وتەۋ ساپا - ونىمدىلىگىن ۇزدىكسىز جوعارىلاتىپ، شەكارا وتكەلىنەن كىرىپ - شىعاتىن ادامداردىڭ، جۇكتەردىڭ حاۋىپسىز، جوعارى ءونىمدى ءوتۋىن قامتاماسىز ەتەمىز.
سول كۇنى قۇلجا اۋدانىنداعى ىلە تيانشان گۇلدى القاپ ساياحات كورىنىس وڭىرىندە قىزىل تۋلار جەلبىرەپ، ءار ۇلت بۇقاراسى شاتتانا گۇلدى القاپتى تاماشالادى، دۋماندى بەينە تيانشان الابىنىڭ تىنىش، بەرەكەلى بولۋىنىڭ، مادەنيەت - ساياحاتتىڭ گۇلدەنگەندىگىنىڭ جاندى ىقشام كورىنىسى. تيانشان گۇلدى القاپ كورىنىس ءوڭىرى جاڭا مەديا ىستەرى ءبولىمىنىڭ جاۋاپتىسى جاۋ زىشان بىلاي دەدى: ”تيانشان گۇلدى القابىنىڭ قۇرىلۋ بارىسى ءار ۇلت بۇقاراسىنىڭ بىرگە كۇرەس جۇرگىزۋ بارىسى سانالادى. باس شۋجيدىڭ ماڭىزدى ءسوزى سەنىمىمىزدى اناعۇرلىم بەكەمدەدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەيدى. ۇلى وتانىمىزدىڭ گۇلدەنىپ - كوركەيۋىن تىلەيمىز!“.
جۇڭگو ۇلگىسىندەگى وسىزامانداندىرۋدىڭ تەتىگى عىلىم - تەحنولوگيانىڭ وسىزاماندانۋىندا. ”باس شۋجي شي جينپيڭ: جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ەكونوميكانىڭ ۇزدىكسىز جاڭالانۋعا، ساپالىلانۋعا، جاقسارۋعا قاراي دامۋىن ىلگەرىلەتۋ كەرەك، - دەپ باسا دارىپتەدى. بۇل شينجياڭنىڭ عىلىم - تەحنولوگيا قىزمەتىنە ايقىن بەتالىس كورسەتتى“. اۆتونوميالى رايوندىق عىلىم - تەحنولوگيا مەڭگەرمەسى پارتيا باسشىلىق گرۋپپاسىنىڭ شۋجيى جۋ داگاڭ بىلاي دەدى: شينجياڭنىڭ عىلىم - تەحنولوگيا جۇيەسى ”بەس ۇلكەن ستراتەگيالىق ورىندى“ كوزدەپ، عىلىم - تەحنولوگيا ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، عىلىم - تەحنولوگيادا جاڭالىق اشۋدىڭ ”شەشۋشى اينىمالى شاماسىن“ جوعارى ساپالى دامۋدىڭ ”ەڭ ۇلكەن ارتۋ مولشەرىنە“ اينالدىرادى. ءبىر جاعىنان، حۋايروۋ تاجىريبەحاناسى شينجياڭ بازاسى سياقتى جوعارى قابىلەت دەڭگەيىندەگى جاڭالىق اشۋ تۇعىرلارىن جەدەل قۇرىپ، مۇناي، گاز بارلاۋ - اشۋ، جاسىل كەن كاسىبى سياقتى ەرەكشەلىككە، ارتىقشىلىققا يە كاسىپ سالاسى شوعىرىن ارقاۋ ەتە وتىرىپ كەلەلى عىلىم - تەحنولوگيا مىندەتتەرىن ورنالاستىرىپ، عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتەمىز. ەندى ءبىر جاعىنان، ”جاساندى زەردە +“ جاڭالىق اشۋ ارەكەتىن اتقارۋدى تۇتقا ەتىپ، سيفر تەحنولوگياسى مەن ناقتى ەكونوميكانىڭ جالپى تىزبەك بويىنشا توعىسۋىن ىلگەرىلەتىپ، اناعۇرلىم كوپ عىلىم - تەحنولوگيا جەتىستىكتەرىن جەدەل رەال وندىرگىش كۇشكە اينالدىرامىز.
”باس شۋجي شي جينپيڭ: حالىق تۇرمىسىن شىنايى قامتاماسىز ەتىپ جانە جاقسارتىپ، تۇتاس جىلدىق نىسانا - مىندەتتەردى قۇلشىنا ورىنداۋ كەرەك، - دەپ باسا دارىپتەدى. بۇل ايەلدەر مەن بالالار قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى“. اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتورايىم لي ليڭحۇي مىنالاردى ءبىلدىردى: اۆتونوميالى رايوننىڭ ايەلدەر مەن بالالار ىستەرى دامۋىنىڭ ”15 - بەسجىلدىق“ جوباسى رەسمي جاريالاندى، ءبىز نىسانا - مىندەتتەردى كوزدەپ، ەر - ايەل تەڭدىگى سىندى نەگىزگى مەملەكەت ساياساتىنا جانە بالالاردى الدىمەن ەسكەرۋ پرينسيبىنە تاباندى بولىپ، نەگىزگى ساتىنىڭ ۇقىق - مۇددەنى قورعاۋ قىزمەت وتەۋىن بەكەمدەپ، دالمە - ءدال قامقورلىق جاساۋدى، كومەكتەسىپ سۇيەمەلدەۋدى تەرەڭدەتىپ، ايەلدەردىڭ دامۋ ورتاسىن ساپالىلاندىرىپ، ءار ۇلت ايەلدەرى مەن بالالارىنىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا شەشىپ، ايەلدەر مەن بالالار ىستەرىنىڭ جوعارى ساپالى دامۋى ارقىلى حالىق تۇرمىسىن جاقسارتۋعا كۇش ۇستەپ، ”15 - بەسجىلدىقتىڭ“ تاماشا باستاماسىن قۇلشىنا جۇزەگە اسىرامىز.
بىرنەشە كۇننەن بەرى، كەلپىن اۋدانى اچال قالاشىعى پارتكومىنىڭ شۋجيى شۋە جىن كادرلاردى باستاپ ەگىنجايلاردى، كاسىپورىن سەحتارىن ارالاپ، بۇقارانىڭ ۇنىنە قۇلاق ءتۇرىپ، ءىس جۇزىندىك ماسەلەلەردى شەشتى. ول مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى تۇتاس قالاشىقتاعى كادرلار مەن بۇقارانى ايرىقشا جىگەرلەندىرىپ، سەنىمدەرىن ەسەلەپ ارتتىردى. الداعى ۋاقىتتا كەلپىن قويى ەتى، شامعۇر سياقتى ەرەكشەلىككە يە اۋىل شارۋاشىلىق ونىمدەرى بايلىعىن تياناق ەتىپ، ءار ۇلت بۇقاراسىن كاسىپ سالاسى تىزبەگىمەن كىرىگۋگە جەتەكتەپ، مەملەكەت تاس جولى ەكونوميكاسىن جانداندىرىپ، ەرەكشەلىككە يە كاسىپ سالاسىن كۇشەيتىپ، كوپشىلىكتى اۋىل - قىستاقتى گۇلدەندىرۋدەگى بىرگە بايۋ جولىنا تۇسۋگە باستايمىز.
دارىندىلار − ءبىرىنشى بايلىق، جوعارى مەكتەپتەر − دارىندى باۋلۋدىڭ نەگىزگى شەبى. ”باس شۋجي شي جينپيڭنىڭ ماڭىزدى ءسوزى وقۋ - اعارتۋ قىزمەتكەرلەرىن پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ سىندى وسكەلەڭ بورىشتى اناعۇرلىم ويداعىداي ارقالاۋعا جىگەرلەندىردى“. شينجياڭ ينجەنەريا شۋەيۋانى مەحانيكالىق ينجەنەريا شۋەيۋانى پارتكومىنىڭ شۋجيى جوۋ زىلۇڭ مىنالاردى ءبىلدىردى: شۋەيۋان ءمورال ارقىلى تاربيەلەۋ ءتۇبىرلى مىندەتىن جاپپاي تياناقتاندىرىپ، ”ينجەنەريالىق پاندەر + يدەيا - ساياسي“ توعىستىرىلعان ادام تاربيەلەۋ ۇلگىسى سياقتىلاردى تەرەڭدەتۋ ارقىلى وقۋشىلاردى جاساۋ كاسىبىنە ارالاسىپ، ناقتى ەكونوميكادا قىرپۋلى ەڭبەك ەتىپ، ونەركاسىپتە قۋاتتى ەل بولۋعا قىزمەت وتەۋ نىساناسىن ورناتۋعا جەتەكتەپ، سوتسياليستىك وسىزاماندانعان شينجياڭ قۇرۋعا اناعۇرلىم كوپ ينجەنەريالىق پاندەر دارىندىلارىن قۇلشىنا تاربيەلەيدى.
شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتى ورگانى ءتارتىپ تەكسەرۋ كوميتەتىنىڭ شۋجيى جۋ شۋشيان مىنالاردى ءبىلدىردى: ىقىلاستى تاپسىرمانى ەستە بەرىك ساقتاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋعا تاباندى بولىپ، تاۋقىمەت تانىمىن ونان ارى كۇشەيتىپ، تومەنگى شەكتە ويلاۋدى كۇشەيتىپ، ءورت ءسوندىرۋ، ورتتەن ساقتانۋ قىزمەتى جاۋاپكەرشىلىك جۇيەسىن بىرتىندەپ اقاۋسىزداندىرىپ، ساپالىلاندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا كەپىلدىك ەتەمىز.
(ءتىلشى جاڭ يانفاڭ، قاتىناسقان تىلشىلەر ۋاڭ نا، سۇڭ ۋيگو، شيە حۇيبيان، سى لۋلۋ، جاڭ جىلي، گو ليڭ، ەرىكتى ءتىلشى ديڭ مەي، لەي ميڭحۇي)
