التىن كۇزدىڭ 10 - ايى، بۇكىل ەل مەرەكەنى بىرگە قۇتتىقتادى. 10 - ايدىڭ 1 - كۇنى تيانشان الابىندا قىزىل تۋلار جەلبىرەپ، قۇبا ءتۇز، جاسىل القاپ دۋمانعا بولەندى، شينجياڭداعى ءار ۇلت ۇلاندارى بۇكىل ەل حالقىمەن قول ۇستاسىپ، تىلەكتەس بولىپ، ۇلى وتانىمىزدىڭ تاۋ - وزەندەرىنىڭ كوركەم بولۋىنا، ەل امان، جۇرت تىنىش بولۋىنا بىرگە تىلەكتەستىك ءبىلدىردى.
وتاندى ءسۇيۋ قۇر ۇران ەمەس، ول تىنباي ەرلىكپەن كۇرەس جۇرگىزۋ. مەملەكەت مەرەكەسى قارساڭىندا، شينجياڭ داشىشيا سۋ يگىلىگى تورابى ينجەنەرياسىنىڭ العاشقى توپتاعى گەنەراتور اگراگاتتارى وندىرىسكە قوسىلىپ ەلەكتر تاراتتى، تارىم وزەنى جاعالاۋىندا تاعى ءبىر ەنەرگيا كۇرە تامىرى كوبەيدى؛ شينجياڭنىڭ جازدىق ءبيدايى كوپ تۇردە مەملەكەت بويىنشا جوعارى ءونىم رەكوردىن ءبىر جولدا جاڭالاپ، وتانىمىزدىڭ ”باتىس بولىك استىق قامباسىنىڭ“ نەگىزى بارعان سايىن نىعايدى؛ ۇلتتار ىنتىماعى، العاباسارلىعى ۇگىت اپتالىعىنىڭ ءتۇرلى قيمىلدارى ىشكەرىلەي ورىستەتىلىپ، جۇڭحۋا ۇلتى ورتاق تۇلعا تانىمى ءار ۇلت بۇقاراسىنىڭ جۇرەگىنە تەرەڭ ۇيالادى. شينجياڭنىڭ ءار قادامداعى دامۋى، ءار رەتكى سەرپىلىس جاساۋى تۇگەلدەي پارتيا ورتالىق كوميتەتىنىڭ جول باستاپ، باعدار نۇسقاۋىنان ايرىلا المايدى، ءار ۇلت ۇلاندارىنىڭ كۇش جالعاپ كۇرەس جۇرگىزۋىنەن ايرىلا المايدى.
وتانعا العىس ايتۋ مەن باقىت تىلەۋ تەك مەرەكەدەگى سالت سەزىمى عانا ەمەس، ونان دا ماڭىزدىسى، باسىپ وتكەن جولعا قايىرىلا قاراۋدان كەيىنگى ەكپىندەي العا ىلگەرىلەۋدە، بۇل داڭقتان بىرگە يگىلىكتەنەتىن ءسات، ونان دا ماڭىزدىسى، قايتا رەتتەلىپ، تاعى دا جولعا شىعۋدىڭ جاڭا باستاماسى. ”15 - بەسجىلدىقتىڭ“ باستاما جىلىندا، الدىمىزدا ءارى تاپتىرماس دامۋ ورايى بار، ءارى كوپتەگەن قامال الاتىن سىن - سايىستارعا ءدوپ كەلەمىز. تەك باستان - اياق كۇرەسكەرلىك بەينەنى ساقتاپ، وتاندى ءسۇيۋ سۇيىسپەنشىلىگىن ءىس تىندىرىپ ناتيجە شىعارۋدىڭ سارقىلماس قوزعالىس قۋاتىنا اينالدىرىپ، العىس ايتۋ پەيىلىن ىنتىماقتاسا كۇرەس جۇرگىزۋدىڭ تەلەگەي بىرىككەن كۇشى ەتىپ ۇيىستىرىپ، شەكارانى قورعاۋدىڭ، قورعانىستى بەكەمدەۋدىڭ ءبىرىنشى شەبىندە تاپجىلماي جاۋاپكەرشىلىك ارقالاپ، جوعارى ساپالى دامۋدىڭ جارىس جولىندا قامال الىپ، سەرپىلىس جاساپ، حالىق تۇرمىسىنا قىزمەت وتەۋ جۇمىس ورنىندا ءۇن - ءتۇنسىز ۇلەس قوسقاندا عانا ناقتى دامۋ ناتيجەسى ارقىلى وتانعا تىڭ جاۋاپناما تاپسىرۋعا بولادى.
ساپار الىس، تەك كۇرەس جۇرگىزۋ كەرەك. تيانشان الابىنىڭ بارلىق جەرىندە ايانباي كۇرەس جۇرگىزۋدىڭ بەينەسى، بارلىق جەرىندە ءوسىپ - جەتىلۋدىڭ كۇشى مەن مۇندالايدى. اناردىڭ دانىندەي تىعىز ۇيىسىپ، كۇرەس جۇرگىزۋدى قالام ەتىپ، كورىكتى شينجياڭ قۇرىلىسىنىڭ جاڭا تاراۋىن ۇزدىكسىز جازىپ، وتاندى ءسۇيۋ ءتۇپ بوياۋىنىڭ ناقتى ىستەپ ەكپىندەي ىلگەرىلەۋ بارىسىندا ءتىپتى دە ايشىقتالا تۇسۋىنە مۇمكىندىك جاسايىق!
(”جياڭ شياۋيان“ ماقالا جولداۋ حات ساندىعى: xjrbplb@126.com)
