بەس جۇلدىزدى قىزىل تۋ باياۋ كوتەرىلدى، تيانشان پەرزەنتتەرى ورتاق سۇيىسپەنشىلىكتەرىن ءبىلدىردى −
”سۇيەم سەنى، جۇڭگو“
□ انار بۇلت \ شينجياڭ گازەتىنىڭ تىلشىلەرى
10 - ايدىڭ 1 - كۇنى جۇڭحۋا حالىق رەسپۋبليكاسى 77 جىلدىق مەرەيتويىن قارسى الدى. بيىل − ”15 - بەسجىلدىقتىڭ“ باستاما جىلى، شينجياڭداعى ءار ۇلت حالقى ءبىر نيەتپەن قول ۇستاسىپ، قۇلشىنا كۇرەس جۇرگىزدى، تيانشان الابى گۇلدەنىپ - كوركەيدى. تاڭعى كۇن شۋاعى كوتەرىلگەن ساتتە، جەر - جەر مەملەكەت تۋىن شىعارۋ سالتىن سالتاناتپەن وتكىزدى. بەس جۇلدىزدى قىزىل تۋلار، ”سۇيەم سەنى، جۇڭگو“ دەگەن سوزدەر تيانشان پەرزەنتتەرىنىڭ وتانعا دەگەن ەڭ شىنايى جۇرەك ءۇنىن، ەڭ تەرەڭ سۇيىسپەنشىلىككە تولى تىلەگىن بەينەلەدى.
تۋدى بىرگە شىعارىپ، وتانعا القاۋ ايتتى
گۇلدەنگەن زامانداعى سالتاناتتى مەرەيتويدا وتانعا ماداق ايتتى. 10 - ايدىڭ 1 - كۇنى ماناس اۋدانى مەملەكەت تۋىن شىعارۋ سالتىن سالتاناتپەن وتكىزدى. اسقاق تا ايبىندى مەملەكەت ءانى شىرقالىپ، بەس جۇلدىزدى قىزىل تۋ تاڭعى شۇعىلاعا شومىلا باياۋ كوتەرىلدى، سول ورىنداعى ءار ۇلت كادرلارى مەن بۇقاراسى قۇرمەتپەن تىگىلە قاراپ، مەملەكەت ءانىن بىرگە اسقاقتاتا شىرقادى.
”بەس جۇلدىزدى نارت قىزىل تۋدىڭ كوتەرىلگەنىن كورگەندە، بويىمدى كۇشتى ۇلتتىق ماقتانىش سەزىمى كەرنەدى، سۇيەم سەنى، جۇڭگو!“، - دەدى ماناس ورتا دارەجەلى كاسىپتىك - تەحنولوگيالىق مەكتەبىنىڭ وقۋشىسى نۇرزاتجان ءيۇسۇپ تەرەڭ سۇيىسپەنشىلىكپەن.
قورعاس 6 - ۇرپاق مەملەكەت قاقپاسى الاڭىندا 1000نان استام ءار ۇلت كادرلارى مەن بۇقاراسى رەتتى قاتارعا تۇردى. قورعاس شەكارادان كىرىپ - شىعۋ شەكارالىق قورعانىس تەكسەرۋ پۋنكتىندەگى مەملەكەت قاقپاسى تۋ قورعاۋ اترەتىنىڭ 24 مۇشەسى دەنەسىن تىك ۇستاپ، نىق قاداممەن بەس جۇلدىزدى قىزىل تۋدى قورعاپ الاڭعا كىردى.
”مەملەكەت تۋى شىعارىلسىن، مەملەكەت ءانى ورىندالسىن“! دەگەن بۇيرىق بەرىلىسىمەن، مەملەكەت ءانى جىبەك جولى شەكارا وتكەلىندە جاڭعىرىپ، تۋ شىعارۋشى تۋدى قولىمەن جەلپىلدەتتى، كوزدىڭ جاۋىن الاتىن جۇڭگو قىزىلى تاڭ ساۋلەسىمەن باياۋ كوتەرىلدى. اق سامايلى قاريالار بار پەيىلىمەن تىگىلە قاراپ، ءوسپىرىم بالالار قولىنداعى قىزىل تۋدى بۇلعاپ، بارلىق ادام مەملەكەت ءانىن بىرگە شىرقادى.
”وتانىمىزدىڭ ەڭ قاربالاس شەكارا وتكەلىندە مەملەكەت تۋىن قورعاۋ − داڭق، اسىرەسە، شابىتتاندىرۋ“. تۋ قورعاۋ اترەتىنىڭ مۇشەسى ۋاڭ يۇيشۋان بىلاي دەدى: وتانعا دەگەن قىزۋ سۇيىسپەنشىلىكتى العا باسۋ قوزعاۋشى كۇشىنە اينالدىرىپ، مەملەكەت قاقپاسىن قورعاۋ، دامۋدى جەبەۋ مىندەتى مەن بورىشىن ويداعىداي اتقارامىز.
تاڭعى شۇعىلادا وتان شەكاراسىن تاپجىلماي قورعاپ جاتقان شينجياڭ اسكەري رايونى چيچار شەكارا قورعانىس ليانى مەملەكەت تۋىن شىعارۋ سالتىن وتكىزدى. 10 - اي كىرىسىمەن، بۇل ارانىڭ تەمپەراتۋراسى 0 سەلتسي گرادۋسقا تايادى، الايدا شەكارالىق قورعانىس وفيتسەر - اسكەرلەرىنىڭ رۋحى كوتەرىڭكى، بەينەسى اسقاق كورىنەدى. ”ءار رەتكى شارلاۋدا شەكارا تاسىن قىزىلعا بوياۋ وتان اناعا دەگەن ەڭ تەرەڭ سۇيىسپەنشىلىك. ءبىز شەكارالىق قورعانىس اسكەريلەرىنىڭ جاۋاپكەرشىلىگىن، بورىشىن ەستە بەرىك ساقتاپ، ءىس جۇزىندىك ارەكەتىمىز ارقىلى وتاننىڭ شەكارا قورعانىس شەبىن ويداعىداي قورعايمىز“، - دەدى لياننىڭ ساياسي جەتەكشىسى نيۋ ۋيرىن.
قاشقار شەكارا باسقارۋ تارماق اترەتى پايىك شەكارا ساقشى بولىمشەسى قىزىل تاربيە بازاسىنىڭ شاعىن اۋلاسىندا ساياحاتشىلار، بۇقارا، سول جەردە تۇراتىن كاسىپورىن، ءىسورىنداردىڭ ۋاكىلدەرى رەتتى قاتار تۇزەپ ءۇنسىز تۇرىپ، باياۋ كوتەرىلگەن بەس جۇلدىزدى قىزىل تۋعا كوزدەرىن الماي قارادى، كوپ ادام كوزىنە ىستىق جاس الدى. مەملەكەت تۋى ۋاحان دالىزىندە جەلبىرەگەندە ادامدار ”سۇيەم سەنى، جۇڭگو“، ”وتانىمىز جاساسىن“ دەپ ايعايلادى... اسقاق ءۇن تاۋ اڭعارىندا ۇزاققا دەيىن جاڭعىردى.
مەملەكەت تۋىن شىعارۋ سالتى اياقتاعاننان كەيىن، ساياحاتشىلار تۋ قورعاۋ اترەتىنىڭ مۇشەلەرىن توپتىق سۋرەتكە تۇسۋگە ۇسىنىس ەتتى، چۇڭچيڭدىق ساياحاتشى جياڭ ۋدى تەبىرەنە بىلاي دەدى: ”بۇل ارادا مەملەكەت تۋىن شىعارۋ سالتىنا قاتىناسىپ، قىزىل تاربيە بازاسىندا شەكارانى قورعاۋ حيكاياسىن تىڭداپ، تىنىش تۇرمىستىڭ ارتىندا سانسىز شەكارا قورعاۋشىلارىنىڭ ءوزىن ارناۋى جاتقانىن شىنايى سەزىندىم، ولارعا قۇرمەت بىلدىرەمىن“.
مەملەكەت سۇيىسپەنشىلىگىن بىرگە بەينەلەپ، ءبىر نيەتپەن ارمانعا قانات قاقتى
ەل امان، جۇرت تىنىش، مەملەكەتكە دەگەن تەرەڭ سۇيىسپەنشىلىك وشپەيدى. تاڭ اتىپ كەلە جاتقاندا ۇلۇقشات اۋدانى جىعىن اۋىلى سىمحانا قىستاعىندا ايبىندى «ەرىكتىلەر مارشى» انىنە ىلەسە بەس جۇلدىزدى قىزىل تۋ وتانىمىزدىڭ باتىس شەكاراسىنداعى ءبىرىنشى قىستاقتا كوتەرىلدى، قويۋ مەملەكەت سۇيىسپەنشىلىگى شەكاراداعى وسىناۋ قۇتتى مەكەندە تاسقىندادى.
سوڭعى جىلدارى پارتيا مەن مەملەكەتتىڭ حالىققا تيىمدىلىك جاساۋ ساياساتىنىڭ قولداۋىندا سىمحانا قىستاعىنىڭ نەگىزدىك قۇرىلعىلارى ۇزدىكسىز كەمەلدەنىپ، ەرەكشەلىككە يە ساياحات كاسىپ سالاسى ورنىقتى قاداممەن دامىپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىردى. قىستاق پارتيا ياچەيكاسىنىڭ شۋجيى ايناگۇل اكىمالى تەبىرەنە بىلاي دەدى: ”اۋىلداستاردىڭ قالتاسى بارعان سايىن قامپايىپ، جۇرەكتەرى العىس سەزىمىنە تولدى، مەملەكەت مەرەكەسىندە ءار ۇلت كادر - بۇقاراسىنىڭ مەملەكەت تۋىن شىعارۋ سالتىنا بىرگە قاتىناسۋى الدەقاشان قىستاقتىڭ داستۇرىنە اينالدى“.
10 - ايدىڭ 1 - كۇنى تاڭەرتەڭ قۇلجا قالاسى ىلە وزەنى جولى ءمالىسى بايكوشە الەۋمەتتىك اۋماعى مەملەكەت تۋىن شىعارۋ سالتىن وتكىزدى. بۇرىن بايكوشە الەۋمەتتىك اۋماعىنىڭ نەگىزدىك قۇرىلعىلارى ءالسىز، قونىس ورتاسى بىلىعىپ جاتاتىن. سوڭعى جىلدارى مەملەكەتتىڭ قالانى جاڭالاۋ ارەكەتىنە سۇيەنىپ، الەۋمەتتىك اۋماق قونىس ورتاسىنىڭ ساپاسىن ارتتىرىپ دارەجەسىن جوعارىلاتۋدى ۇزدىكسىز ىلگەرىلەتتى، قازىر كوشە جولدارى تەگىس، ورتاسى قونىسقا جايلى، كورشىلەر تاتۋ - ءتاتتى، نەگىزگى ساتىنى باسقارۋ اناعۇرلىم كەمەلدەنىپ، ءار ۇلت تۇرعىندارىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
”وتانىمىز گۇلدەنىپ - كوركەيگەندە عانا ءبىزدىڭ باقىتتى تۇرمىسىمىز بولادى، ۇلى وتانعا العىس ايتامىز!“، - دەدى بايكوشە الەۋمەتتىك اۋماعىنىڭ تۇرعىنى جاڭ جيانگو.
ارشىندى قاداممەن العا تارتىپ، ناقتى ىستەپ، جاڭا جاعداي اشتى
10 - ايدىڭ 1 - كۇنى شينجياڭ جۇندۇڭ ەكونوميكالىق - تەحنولوگيالىق اشۋ رايونى مەملەكەت تۋىن شىعارۋ سالتىن سالتاناتپەن وتكىزدى. تاڭعى كۇن شۇعىلاسى توگىلىپ، بەس جۇلدىزدى قىزىل تۋ ايبىندى مەملەكەت انىمەن باياۋ كوتەرىلدى، ءار ۇلت كادر - بۇقاراسى، كاسىپورىن جۇمىسشى - قىزمەتكەرلەرى جانە وقىتۋشى - وقۋشىلار ۋاكىلدەرى مەملەكەت ءانىن اسقاقتاتا شىرقادى، اسقاق ءان اۋەنى اۋەدە جاڭعىردى.
”بۇكىل شينجياڭنىڭ جاڭاشا ونەركاسىپتەندىرۋ قۇرىلىسىنىڭ ’نەگىزگى شايقاس مايدانى‘ رەتىندە، سوڭعى جىلدارى مەملەكەتتىڭ قولداۋىندا جۇندۇڭ اشۋ رايونى جوعارى ساپالى دامۋدى ۇزدىكسىز ىلگەرىلەتىپ، ەكونوميكا كولەمى مەن جالپىلىق ناقتى قۋاتى ۇزدىكسىز جوعارىلاپ، باستى ەكونوميكالىق كورسەتكىشتەر ۇزاق ۋاقىت ەكى ورىندى سانمەن ورنىقتى ارتۋدى ساقتاپ، بۇكىل شينجياڭداعى ءونىم قۇنى 100 ميلليارد يۋاننان اساتىن بىردەن - ءبىر باقشا رايونىنا اينالدى، بۇل جۇندۇڭنىڭ ۇلى وتانعا سيلاعان ەڭ تەرەڭ سۇيىسپەنشىلىككە تولى سيلىعى“. جۇندۇڭ اشۋ رايونى پارتيا قىزمەتى كوميتەتىنىڭ شۋجيى چيۋ دۇڭ بىلاي دەدى: ەندى عانا اياقتاعان سانجى حۇيزۋ اۆتونوميالى وبلىسىنىڭ 13 - رەتكى پارتيا قۇرىلتايىندا ”مەملەكەت بويىنشا ەڭ ۇلكەن كومىردەن گاز ءوندىرۋ ستراتەگيالىق بازاسىن قۇرىپ، كومىردەن تازا، جوعارى ءونىمدى پايدالانۋدىڭ 100 ميلليارد يۋان دارەجەلى كاسىپ سالاسى شوعىرىن كۇشەيتۋ، زورايتۋ“ نىساناسى العا قويىلدى، جۇندۇڭ اشۋ رايونى قايراتتانا العا ۇمتىلىپ، قاجىماي - تالماي ىستەپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ جاۋاپكەرشىلىگى مەن بورىشىن تاباندىلىقپەن، باتىلدىقپەن ارقالايدى.
ءبىر نيەتپەن ەكپىندەي ىلگەرىلەپ، ناقتى ىستەپ، جاڭا جاعداي اشتى. 10 - ايدىڭ 1 - كۇنى شايار اۋدانى مەملەكەت مەرەكەسى الاڭىندا مەملەكەت تۋىن شىعارۋ سالتىن وتكىزىپ، بۇكىل اۋدانداعى ءار ۇلت كادرلارى مەن بۇقاراسىنىڭ وتانشىلدىق ىستىق ىقىلاسىن ونان ارى تاسقىنداتىپ، ەكپىندەي ىلگەرىلەۋ كۇشىن ۇيىستىردى.
”جاڭا جۇڭگو قۇرىلعان 77 جىلدان بەرى، جۇڭگونىڭ بايتاق دالاسىندا وراسان زور وزگەرىستەر تۋىلىپ، تيانشان الابى شىت جاڭا بەينەگە ەندى“. وتاننىڭ العا باسۋ اياق الىسىنا ىلەسىپ، شايار اۋدانىنىڭ ەكونوميكاسى، قوعامى جەدەل دامىپ، قالا، اۋىلداردىڭ بەت - بەينەسى شىت جاڭا تۇسكە ەنىپ، ءار ۇلت بۇقاراسىنىڭ تۇرمىسى بارعان سايىن شالقي ءتۇستى“. شايار اۋداندىق پارتكومنىڭ شۋجيى جوۋ ۋىنحۇي مىنالاردى ءبىلدىردى: جاڭا باستامادا بۇكىل اۋدانداعى كادرلار مەن بۇقارا شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، زەيىن - زەردەنى شوعىرلاندىرىپ، كۇش - قۋاتتى ۇيىستىرىپ، شىنايى يگەرىپ ناقتى ىستەپ، شايار اۋدانىنىڭ ەكونوميكاسىنىڭ، قوعامىنىڭ جوعارى ساپالى دامۋىن بار كۇشپەن ىلگەرىلەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇلەس قوسادى.
(ءتىلشى گى يوۋجۇن، قاتىناسقان تىلشىلەر جاڭ تيڭ، ۋاڭ نا، ياڭ شۋحان، چىن جياڭلين، سۇڭ ۋيگو، جاڭ جىلي، ەرىكتى تىلشىلەر شى سۋچي، سۇڭ لياڭبي، حۋ ۋيجيە، حۋ جۇنشيۋ، شۇي جيشيان، جاڭ حۇڭ، چيۋ تيانلۇن)
