□ شينحۋا اگەنتتىگىنىڭ ءتىلشىسى جاڭ يان
9 - ايدىڭ 30 - كۇنى كەشتە، جۇڭحۋا حالىق رەسپۋبليكاسى قۇرىلعاندىعىنىڭ 77 جىلدىعىن قۇتتىقتاۋ قوناعاسى حالىق سارايىندا وتكىزىلدى، باس شۋجي شي جينپيڭ قوناعاسىعا قاتىناستى ءارى ماڭىزدى ءسوز سويلەپ، 77 جىلدىق تىم وزگەشە جورىققا قايىرىلا قاراپ، بيىل جىل باسىنان بەرگى پارتيا مەن مەملەكەت ىستەرىندە قول جەتكەن تىڭ ىلگەرىلەۋشىلىكتەردى، تىڭ تابىستاردى قورىتىندىلاپ، جاڭا جورىقتاعى ەكپىندەي ىلگەرىلەۋ بەتالىسىنا جەتەكشىلىك ەتتى. باس شۋجيدىڭ ماڭىزدى ءسوزىنىڭ رۋحىن ۇيرەنىپ، ءتۇسىنىپ، ءبىز شۇعىلالى وتكەنىمىزدى ماقتانىش ەتتىك، نۇرلى بولاشاققا ەسەلەپ سەنىم ارتتىق.
باستاما جىلداعى ەكپىندەي ىلگەرىلەگەن جۇڭگونى ءتۇسىنۋ ءۇشىن، تاريحي بويلىق پەن ەندىككە نازار اۋدارۋ كەرەك.
قاراماققا قاراپايىم كورىنگەنىمەن، ەڭ كۇردەلى، قاراماققا جەڭىل بولعانىمەن، ەڭ جاپالى. جاڭا جۇڭگونىڭ باسىپ كەلگەن جولى قامال الۋ، قيىندىقتاردى جەڭۋ بارىسىندا ءورىس اشا العا ىلگەرىلەگەن ۇلى ەپوس. باس شۋجي شي جينپيڭ پارتيامىزدىڭ حالىقتى باستاپ قاجىماي - تالماي كۇرەس جۇرگىزىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتقان ۇلى امالياتىن تەرەڭ قورىتىندىلادى. سان قيلى زور وزگەرىستەر كەزدەيسوقتىق ەمەس، پارتيا قۇرىلعاندىعىنىڭ 105 جىلدىعى ۋاقىت كەزەڭىندە تۇرىپ شۇعىلالى جىلدارعا قايىرىلا قاراساق، جۇڭگونىڭ ىستەرىن ويداعىداي ىستەۋدىڭ تەتىگى پارتيادا دەگەن بۇلجىماس اقيقاتتىڭ تەرەڭ اشىپ كورسەتىلگەندىگىن سەزىنەمىز.
باس شۋجي شي جينپيڭ سوزىندە بىلاي دەپ اتاپ كورسەتتى: ۇزاق ۋاقىت ىزدەنىس جاساۋ جانە امالياتتان وتكىزۋ ارقىلى جۇڭگوشا سوتسياليستىك ءتۇزىم وراسان زور ارتىقشىلىعىن ايگىلەدى، ەلىمىزدىڭ مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيى ۇزدىكسىز جوعارىلادى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەيدى.
سان كاسىپ كوركەيتۋدى كۇتىپ تۇرۋدان گۇلدەنىپ - كوركەيۋگە، باي - قۇدىرەتتى بولۋعا دەيىن، داۋىرگە ىلەسۋدەن داۋىرگە جەتەكشىلىك ەتۋگە دەيىن، جۇڭگو ۇلگىسىندەگى وسىزامانداندىرۋ نەشە ۇرپاق كوممۋنيستەردىڭ حالىقتى باستاپ قاجىرلىلىقپەن ىستەۋىنىڭ، ۇزدىكسىز ايانباي شايقاسۋىنىڭ ناتيجەسى، سونداي - اق ”15 - بەسجىلدىق“ مەزگىلىندەگى جاندى اماليات بارىسىندا مازمۇنىن ۇزدىكسىز بايىتىپ، تىڭ ءورىس اشاتىندىعى ءشۇباسىز، سوندىقتان ”ءبىز جاڭا جۇڭگو قول جەتكىزگەن دۇنيەنى جالت قاراتقان تابىستاردى شەكسىز ماقتانىش ەتەمىز، جۇڭگو ۇلگىسىندەگى وسىزامانداندىرۋدىڭ نۇرلى بولاشاعىنا كامىل سەنەمىز“.
باستاما جىلداعى ەكپىندەي ىلگەرىلەگەن جۇڭگونى ءتۇسىنۋ ءۇشىن، ءداۋىر كوورديناتاسىن تياناق ەتۋ كەرەك.
باس شۋجي شي جينپيڭ سوزىندە بىلاي دەپ اتاپ كورسەتتى: بيىل جىل باسىنان بەرى، بۇكىل پارتيا، بۇكىل ەل جوعارىدان تومەنگە دەيىن قايراتتانا العا ۇمتىلىپ، قۇلشىنا ايانباي شايقاسىپ، ”15 - بەسجىلدىق“ جوبانى جاساپ جانە اتقارىپ، ءار جاقتاعى قىزمەتتەردى تىڭعىلىقتى ىلگەرىلەتتى، ەلىمىز ەكونوميكاسى قىسىمعا توتەپ بەرىپ العا ىلگەرىلەپ، جاڭالانۋعا، ساپالىلانۋعا قاراي بەت الىپ، قۋاتتى سەرپىمدىلىك پەن ومىرشەڭ كۇشىن ايگىلەدى، پارتيا مەن مەملەكەت ىستەرىندە تىڭ ىلگەرىلەۋشىلىكتەرگە، تىڭ تابىستارعا قول جەتتى.
بيىل جىل باسىنان بەرى، ءتۇيىندى سالالارعا، وڭىرلەرگە، كاسىپتەرگە مەڭزەس، باس شۋجي ءبىر قىدىرۋ ايقىن تالاپتاردى العا قويىپ، ءبىر قىدىرۋ ماڭىزدى شارالاردى ورنالاستىرىپ، ”15 - بەسجىلدىقتىڭ“ باستاما جىلىنداعى ەكونوميكالىق، قوعامدىق دامۋدىڭ ءتۇرلى قىزمەتتەرىن ويداعىداي ىستەۋگە ايقىن بەتالىس كورسەتتى. ”15 - بەسجىلدىقتىڭ“ باستاما جىلىندا دۇنيە جۇزىندەگى ەكىنشى ۇلكەن ەكونوميكالىق تۇلعانىڭ دامۋ تابىستارى دۇنيەنى جالت قاراتتى. الدىڭعى جارتى جىلدا ىشكى ءوندىرىستىڭ جالپى قۇنى سايكەس مەزگىلدەگىدەن ％7. 4 ارتىپ، ارتۋ مولشەرى 3 تريلليون 600 ميلليارد يۋانعا جەتتى، بۇل سوڭعى 5 جىلداعى سول تۇستاعى ەڭ ۇلكەن ارتۋ مولشەرى، جاساندى زەردە سياقتى الدىڭعى لەكتىك تەحنولوگيالار جەدەل جاڭالانىپ، قولدانىلىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارى جەتىلدىرىلىپ، زورايتىلىپ، ەكونوميكانىڭ ۇزدىكسىز جاڭالانۋعا، ساپالىلانۋعا، جاقسارۋعا قاراي دامۋىن ىلگەرىلەتتى.
قىم - قۋىت، كۇردەلى حالىقارالىق جانە ەل ءىشى جاعدايى الدىندا، ەكونوميكالىق، قوعامدىق دامۋ ناتيجەسىنە وڭاي - وسپاق قول جەتكەن جوق، ءبىزدىڭ بارىنشا قاستەرلەۋىمىزگە تاتيدى، جوعارى ساپالى دامۋدى تىڭعىلىقتى ىلگەرىلەتۋ سەنىمىمىز اناعۇرلىم بەكەمدەلدى.
باستاما جىلداعى ەكپىندەي ىلگەرىلەگەن جۇڭگونى تۇسىنۋدە العا باسۋ كۇشىن ءتىپتى دە ارتتىرادى.
باس شۋجي شي جينپيڭنىڭ ءسوزى − ءارى وتانعا تىلەك، ءارى بۇكىل پارتياعا، بۇكىل ەل حالقىنا باعىتتالعان اتتانىسقا كەلتىرۋ بۇيرىعى. قازىر ”15 - بەسجىلدىق“ جوبا اتقارىلدى، باستاما اشۋ، قادام تاستاۋ توتەنشە ماڭىزدى.
الدىڭعى جىلعى مەملەكەت مەرەكەسىن قۇتتىقتاۋ قوناعاسىندا باس شۋجي شي جينپيڭ نانيۋە حىڭشانداعى ءبىر بوساعالىقتان سيتات كەلتىرگەن ەدى: تۋرا جولدى بويلاپ ءجۇرۋ، ورتا جولعا بارعاندا دا تىنباي قۇلشىنۋ قاجەت؛ رياسىز پيعىل مەن كوڭىل توعىساتىن كۇندەر الىستا ەمەس، شىڭنىڭ ۇشار باسىنا شىعۋ ءۇشىن، ءسوزسىز، جاپا - ماشاقاتتى جەڭىپ، تىنباي تالاپتانۋ كەرەك. بىلتىرعى مەملەكەت مەرەكەسىن قۇتتىقتاۋ قوناعاسىندا باس شۋجي بىلاي دەپ اتاپ كورسەتتى: ”ارمان مەن سىن - سايىس ءبىزدىڭ ۋاقىتپەن جارىساتىن، ماڭگى بويكۇيەزدىككە سالىنبايتىن كۇرەس رۋحىمىزدى تاسقىنداتادى“. بيىل باس شۋجي ايبىندى تۇردە: ”ءبىز سەنىمدى بەكەمدەپ، نىسانانى كوزدەپ، نىق قاداممەن بىرتىندەپ العا باسساق بولعانى، تابىس، ءسوز جوق، ۇلى جۇڭگو كوممۋنيستىك پارتياسىنا، ۇلى جۇڭگو حالقىنا، ۇلى جۇڭحۋا حالىق رەسپۋبليكاسىنا ءتان بولادى“، - دەپ جاريالادى. مۇندا قيىندىقتان تايسالماي العا ۇمتىلاتىن باتىلدىق، بوساڭسىمايتىن قوزعاۋشى كۇش، جۇرە بەرسە كوزدەگەن جەرگە جەتەتىن سەنىم قامتىلعان.
بوران - شاشىندى ساپارعا تاۋ - وزەندەر كۋا؛ ساپار ءالى ۇزاق، تەك كۇرەس جۇرگىزۋ كەرەك. ءجۇز ميلليونداعان حالىق ءبىر نيەت، ءبىر تىلەكتە بولىپ، قاجىرلىلىقپەن ناقتى ىستەسە، ءسوز جوق، ”15 - بەسجىلدىقتىڭ“ تاماشا باستاماسىن جۇزەگە اسىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋ ۇلى نىساناسىنا قاراي نىق قاداممەن العا باسا الادى.
(شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى)
