مەملەكەت مەرەكەسىنىڭ العاشقى كۇنى 1000نان استام ساياحاتشى جۇڭگو − پاكيستان دوستىق تاس جولى ارقىلى حونچيراپ مەملەكەت قاقپاسىنا بارىپ مەملەكەت تۋىن شىعارۋ سالتىن تاماشالادى
قىزىل تۋ جەلبىرەدى، وتانعا باقىت تىلەدى
□ انار بۇلت \ شينجياڭ گازەتىنىڭ تىلشىلەرى يۇي جياڭيان، ران حۋ، ۋاڭ نا
ۇستىرتتە تەرىستىك جەلى سوعىپ، بەس جۇلدىزدى قىزىل تۋ جەلبىرەپ تۇر. 10 - ايدىڭ 1 - كۇنى ساعات 10دا كۇن نۇرى پامير ۇستىرتىندەگى قارلى تاۋدىڭ توبەسىنە تۇسكەندە، تەڭىز دەڭگەيىنەن 5100 مەتر بيىكتىكتەگى حونچيراپ مەملەكەت قاقپاسىندا ايبىندى «ەرىكتىلەر مارشى» ورىندالىپ، حونچيراپ شەكارادان كىرىپ - شىعۋ شەكارالىق قورعانىس تەكسەرۋ پۋنكتىنىڭ مەملەكەت قاقپاسى تۋ قورعاۋ اترەتىنىڭ تۋ ۇستاۋشىلارى بەس جۇلدىزدى قىزىل تۋدى شىعاردى. مەملەكەت قاقپاسىنىڭ تۇبىندە بۇكىل ەلدىڭ جەر - جەرىنەن كەلگەن 1000نان استام ساياحاتشى مەملەكەت ءانىن اسقاقتاتا شىرقاپ، باياۋ كوتەرىلىپ بارا جاتقان مەملەكەت تۋىنا قادالا قارادى.
حونچيراپ مەملەكەت قاقپاسى تاشقورعان تاجىك اۆتونوميالى اۋدانى دافتەر اۋىلىنداعى حونچيراپ تاۋ ساعاسىنا ورنالاسقان، جۇڭگو مەن پاكيستاندى تۇتاستىراتىن بىردەن - ءبىر قۇرلىق جولى وتكەلى. جۇڭگو − پاكيستان دوستىق تاس جولى وسى جەردە شەكارادان شىعىپ، وڭتۇستىككە قاراي پاكيستانعا تۇتاسادى.
”شەكارا ساياحاتىنىڭ“، ”مەملەكەت قاقپاسى ساياحاتىنىڭ“ ۇزدىكسىز جاندانۋىنا ىلەسە، پامير ۇستىرتىنە بارىپ حونچيراپ مەملەكەت قاقپاسىنىڭ كەلبەتىن كورەتىن ساياحاتشىلار بارعان سايىن كوبەيدى. سول كۇنى مەملەكەت مەرەكەسى ءارى گۇيجوۋدان كەلگەن ساياحاتشى شۇي جۇڭيۇيدىڭ تۋعان كۇنى. ”تاڭعى ساعات 5تە تۇرىپ، ساعات 6دا تاشقورعان تاجىك اۆتونوميالى اۋدانىنان اتتانىپ، جۇڭگو − پاكيستان دوستىق تاس جولىمەن ءجۇرىپ، ساعات 8دە حونچيراپ مەملەكەت قاقپاسىنا جەتتىم. مەملەكەت قاقپاسىنىڭ الدىندا مەملەكەت تۋىن شىعارۋ سالتىنا قاتىناسقاندا ەرەكشە تەبىرەندىم جانە ماقتانىش سەزىندىم، ۇلى وتانىمىزدىڭ گۇلدەنىپ - كوركەيۋىن تىلەيمىن!“، - دەدى شۇي جۇڭيۇي تەبىرەنە.
”پاميرداعى اسپان جولى“ دەپ اتالعان جۇڭگو − پاكيستان دوستىق تاس جولى سولتۇستىكتە جۇڭگو شينجياڭىنىڭ قاشقارىنان باستالىپ، وڭتۇستىكتە پاكيستاننىڭ تاكوتىنا تۇتاسادى، جالپى ۇزىندىعى 1224 كيلومەتر. تاس جولدىڭ جۇڭگو شەكاراسى ىشىندەگى ۇزىندىعى 415 كيلومەتر، پاكيستان شەكاراسى ىشىندەگى ۇزىندىعى 809 كيلومەتر.
1966 - جىلى 3 - ايدىڭ 18 - كۇنى جۇڭگو − پاكيستان ەكى ەل ۇكىمەتى بەيجيڭدە «جۇڭگو − پاكيستان تاس جولىن سالۋ جونىندەگى كەلىسىمگە» قول قويىپ، جۇڭگو − پاكيستان دوستىق تاس جولى قۇرىلىسىن باستادى. 1978 - جىلى تاس جول سالىنىپ بولىپ، اۆتوكولىك قاتىنادى، بيىل جۇڭگو − پاكيستان دوستىق تاس جولى سالىنعاندىعىنىڭ 60 جىلدىعى.
جۇڭگو − پاكيستان دوستىق تاس جولى قاراقۇرىم تاۋ سىلەمىنەن، ھيندىقۋش تاۋ سىلەمىنەن، پامير ۇستىرتىنەن، گيمالاي تاۋ سىلەمىنىڭ باتىس شەتىنەن وتەدى، قۇرىلىستىڭ قيىندىق دارەجەسى وتە جوعارى، بارىسى توتەنشە جاپالى. بۇگىنگى تاڭدا جۇڭگو − پاكيستان ەكى ەل حالقىنىڭ ومىرىمەن اشىلعان وسى ”اسپان جولى“ جۇڭگو − پاكيستان ساۋداسى ىركىلىسسىزدىگىنىڭ كۇرە تامىرى بولۋمەن بىرگە، شينجياڭ ساياحاتىنىڭ التىن تانىسقىسىنا اينالدى.
”ءبىز شىنجىننان ۇشاققا وتىرىپ قاشقار قالاسىنا جەتتىك، ونان سوڭ اۆتوكولىك جالداپ جۇڭگو − پاكيستان دوستىق تاس جولىمەن تاشقورعان تاجىك اۆتونوميالى اۋدانىنا كەلدىك، جول بويىنداعى كورىنىستەر ءارى قاتەرلى، ءارى كوركەم ەكەن“. شىنجىندىق ساياحاتشى جاڭ شينران تاشقورعان تاجىك اۆتونوميالى اۋدانىندا ءبىر كۇن تىنىعىپ رەتتەلگەننەن كەيىن، مەملەكەت تۋىن شىعارۋ سالتىن كورۋ ءۇشىن اۆتوكولىكپەن ارنايى حونچيراپ مەملەكەت قاقپاسىنا كەلگەنىن ايتتى. ”جەزدە اعام شينجياڭعا كومەكتەسۋ بويىنشا تاشقورعان تاجىك اۆتونوميالى اۋدانىندا بولعان، ول بىزگە، ءسوز جوق، حونچيراپ مەملەكەت قاقپاسىنا بارىپ مەملەكەت تۋىن شىعارۋ سالتىن كورۋدى ايتقان ەدى“، - دەدى ول.
بيىل حونچيراپ شەكارالىق تەكسەرۋ پۋنكتى مەملەكەت قاقپاسى تۋ قورعاۋ اترەتىن قۇرىپ، ءبىرىنشى شەپتەگى مىندەت وتەۋ ورنىنان 16 مۇشەنى تاڭداپ شىقتى. ”تۋ دەگەنىمىز باعىت“. تۋ قورعاۋ اترەتىنىڭ باستىعى شياۋ زىبيڭ وزدەرىنىڭ جايشىلىقتا تەكسەرۋ تاڭباسىن الىپ ءجۇرىپ مەملەكەت قاقپاسىنىڭ حاۋىپسىزدىگىن قورعايتىندىعىن، مەملەكەت تۋىن قورعاعان كەزدە دە مەملەكەت قاقپاسىن قورعاعانداي بار ىنتا - پەيىلىمەن كۇش سالىپ، پارتيا مەن حالىقتىڭ ماڭىزدى تاپسىرماسىن استە جەردە قالدىرمايتىندىقتارىن ايتتى.
قاشقار ايماعى پامير ساياحات ءوڭىرىن باسقارۋ كوميتەتىنىڭ ساناعىنا قاراعاندا، سول كۇنى ساعات 10عا دەيىن حونچيراپ مەملەكەت قاقپاسى كورىنىس ءوڭىرى 1200دەن استام ساياحاتشى (رەت) قابىلداعان. سوڭعى جىلدارى ءوز كولىگىمەن جۇڭگو − پاكيستان دوستىق تاس جولى ارقىلى تاشقورعان تاجىك اۆتونوميالى اۋدانىنا ساياحاتتاي باراتىن ساياحاتشىلار بارعان سايىن كوبەيە ءتۇستى. وسى اۋدان 2024 - جىلى قابىلداعان ساياحاتشى سانى تۇڭعىش رەت 2 ميلليوننان (رەت) استى، بيىل جىل باسىنان قازىرگە دەيىن جيىنى 2 ميلليون 437 مىڭ 100 ساياحاتشى (رەت) قابىلدادى، بۇل سايكەس مەزگىلدەگىدەن ％88. 11 ارتتى.
