10 - ايدىڭ 1 - كۇنى مەملەكەتتىك ەنەرگيا توبى شينجياڭ ەلەكتر شەكتى سەرىكتەستىگىنىڭ كۇشار قالاسى وچا قالاشىعى چيڭشۇي قىستاعىندا تۇراتىن قىزمەت اترەتىنىڭ مۇشەلەرى، قىستاق كادرلارى جانە ءار ۇلت بۇقاراسى ءبىر ارادا قۋانىشپەن باس قوسىپ، جۇڭحۋا حالىق رەسپۋبليكاسى قۇرىلعاندىعىنىڭ 77 جىلدىعىن بىرگە قۇتتىقتادى.
□ سۋرەتتى يۋان حۋانحۋان تۇسىرگەن
10 - ايدىڭ 1 - كۇنى قىزىلسۋ قىرعىز اۆتونوميالى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى وتكىزگەن ”مەملەكەت مەرەكەسىن قۇتتىقتاۋ · كىتاپ وقۋ لەبىمەن گۇلدەنگەن زاماندى كەسكىندەۋ“ تاقىرىبىنداعى مادەنيەت قيمىلىندا بالاقايلار قالام تەربەپ سۋرەت سىزىپ، باقىت كارتيناسىن سالدى.
□ سۋرەتتى شيە جى تۇسىرگەن
10 - ايدىڭ 1 - كۇنى ساياحاتشىلار بۋىرشىن اۋدانىنداعى جىكبەلەڭ حالىقارالىق شاڭعى تەبۋ، دەمالىس اۋماعىندا سەيىل - سەرۋەن قۇرىپ، كۇزگى كوركەم كورىنىستى تاماشالاپ، دەمالىس كۇندەرىن كوڭىلدى وتكىزدى.
□ سۋرەتتى لي ۋيپيڭ تۇسىرگەن
10 - ايدىڭ 1 - كۇنى قالا تۇرعىندارى قاشقار قالاسى حالىق الاڭىندا قولدارىنا مەملەكەت تۋىن ۇستاپ ەستەلىك سۋرەتكە ءتۇستى. ”مەملەكەت مەرەكەسى“ دەمالىسى كەزىندە قاشقار قالاسىنىڭ كوشەلەرى شىت جاڭا بەينەگە ەنىپ، بارلىق جەر مەرەكەلىك مەرەيگە شومدى.
□ سۋرەتتى حوۋ ليچاۋ تۇسىرگەن
10 - ايدىڭ 1 - كۇنى ساياحاتشىلار حوتان كەشكى بازارىندا ادەبيەت - كوركەمونەر ويىندارىن تاماشالادى. حوتان قالاسىنىڭ مادەنيەت - ساياحاتىنىڭ جاڭا تانىسقىسى رەتىندە، حوتان كەشكى بازارى ساياحاتشىلاردىڭ قىزۋ قارسى الۋىنا بولەنىپ قانا قويماي، تىپتەن، جەرگىلىكتى ورىنداعى بۇقارانىڭ جۇمىستانۋىن، شارۋاشىلىق قۇرۋىن جەبەيتىن ”ساحناعا“ اينالدى.
□ سۋرەتتى شۇي شياۋلۇڭ تۇسىرگەن
10 - ايدىڭ 1 - كۇنى ءۇرىمجى قالاسى تيانشان رايونى قۇرىلىس مەكەمەسىنىڭ شينحۋا وڭتۇستىك جولى وڭتۇستىك باقشا الەۋمەتتىك اۋماعىندا تۇراتىن قىزمەت اترەتى الەۋمەتتىك اۋماقپەن بىرلەسىپ، مەملەكەت مەرەكەسىن قۇتتىقتاۋ قىزىقتى قيمىلىن وتكىزدى، قيمىل ورنىندا كوڭىلدى كۇلكى، شاتتىق ءۇنى تولاستامادى.
□ سۋرەتتى سۇن جىنسۇڭ تۇسىرگەن
التىن كۇزدىڭ سالقىن سامالى ەسىپ، بۇكىل ەل بىرگە قۇتتىقتادى. جاڭا جۇڭگو قۇرىلعاندىعىنىڭ 77 جىلدىعى مەرەيتويىن قارسى الۋ قارساڭىندا، تيانشان الابىنىڭ بارلىق جەرىندە مەملەكەت تۋى جەلبىرەپ، شاتتىق لەبى ەستى. جەر - جەر فورماسى الۋان ءتۇرلى، باي مازمۇندى مەملەكەت مەرەكەسىن قۇتتىقتاۋ تاقىرىپتىق قيمىلدارىن وتكىزدى، ءار ۇلت بۇقاراسى شاتتىققا شومىپ، مەملەكەتىمىزدىڭ مەرەيتويىن بىرگە قۇتتىقتاپ، تاسقىنداعان ىنتامەن جانە شىنايى سۇيىسپەنشىلىكپەن ۇلى وتانعا قۇرمەت ءبىلدىردى، ەل امان، جۇرت تىنىش بولعان تاماشا كارتينانى كەستەلەدى.
كادرلار مەن بۇقارا تىلەكتەس بولىپ، مەيىر سيلادى. جەر - جەر بىرلەسكەن دوستىق قيمىلىن ورىستەتىپ، كادرلار مەن بۇقارانىڭ قارىم - قاتىناسىنىڭ، اۋىس - كۇيىسىنىڭ مەيىرلى تۇعىرىن ورناتتى، نەگىزگى ساتى كادرلارى، قىستاقتا تۇراتىن قىزمەت اترەتتەرى ءار ۇلت بۇقاراسىمەن ءبىر ارادا شاتتىقپەن باس قوسىپ، مەكەنىنىڭ دامۋ وزگەرىسىن تىلگە تيەك ەتىپ، ۇلتتار ىنتىماعى سۇيىسپەنشىلىگىن اڭگىمەلەپ، نەگىزگى ساتىنى باسقارۋ نەگىزىن ونان ارى بەكەمدەپ، ۇلتتار ىنتىماعى گۇلىن مەرەكەدە قۇلپىرتتى.
مادەنيەت، دەنە تاربيە سالتاناتى جۇرت جۇرەگىن جىلىتىپ، الۋان ءتۇرلى قيمىلدار گۇلدەنىپ - كوركەيگەن ءداۋىردى جىرلادى. جەر - جەر شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، نەگىزگى تاقىرىپتىق سۋرەت سالۋ قيمىلى، قىزىقتى سپورت جارىسى، ادەبيەت - كوركەمونەر كورمەلىك قويىلىمى سياقتى مادەنيەت، دەنە تاربيە قيمىلدارىن ۇيىمداستىرىپ وتكىزدى. ورەندەر مەن بالالار كوڭىلىندەگى تاۋ - وزەندەردى قالاممەن ورنەكتەپ، گۇلدەنگەن زاماننىڭ كورىنىسىن جىرلادى؛ ءار ۇلت بۇقاراسى قىزىقتى سپورت جارىستارىنا، ادەبيەت - كوركەمونەر قويىلىمدارىنا بەلسەنە ات سالىسىپ، رۋحاني مادەنيەت تۇرمىسىن بايىتىپ، جالپى حالىق بىرگە شاتتىققا شومعان، مەرەيتويدى بىرگە قۇتتىقتاعان قويۋ راي قالىپتاستىردى.
قازىر ءدال ساياحاتتىڭ تاماشا مەزگىلى، جەر - جەردە مادەنيەت - ساياحات بازارىنىڭ ومىرشەڭ كۇشى تاسقىندادى. قالا الاڭى شىت جاڭا تۇسكە ەندى، ەرەكشەلىككە يە كەشكى بازار دۋمانعا بولەندى، تيانشان الابىنداعى كۇزگى كورىنىس كوڭىلدى كوتەردى، ساياحاتشىلار تاۋ - وزەندەردى ارالاپ، شينجياڭنىڭ كۇزگى كورىنىسى مەن دامۋ جاڭا بەينەسىن ەلىتە سەزىنىپ، گۇلدەنىپ - كوركەيۋگە كۋا بولدى.
