”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“، ”باتىستىڭ گازىن شىعىسقا جەتكىزۋدىڭ 4 - جەلىسى“ سىندى كەلەلى نىسانداردىڭ قۇرىلىس باستاۋ سالتى جانە بۇكىل رايوننىڭ كەلەلى نىساندارىن ورنالاستىرۋ ءماجىلىسى 9 - ايدىڭ 28 - كۇنى تۇستەن بۇرىن ۇرىمجىدە بەينە ەكران ءماجىلىس تاسىلىندە وتكىزىلدى.
نىساندى يگەرۋ ورايدى، دامۋدى يگەرگەندىك، نىساندى جوسپارلاۋ الىستى، بولاشاقتى جوسپارلاعاندىق. پارتيا 18 - قۇرىلتايىنان بەرى، شينجياڭ نىسان قۇرىلىسى سىندى وسى ”بۇيدانى“ مىقتاپ يگەرىپ، نىسان قۇرىلىسى ارقىلى ءونىمدى قارجى قوسۋدى جەتەكتەدى، ءونىمدى قارجى قوسۋ ارقىلى ەكونوميكانىڭ جوعارى ساپالى دامۋىن جەبەدى.
9 - ايدىڭ 28 - كۇنى رايونىمىز بيىلعى جىلعى 3 - رەتكى شوعىرلى تۇردە كەلەلى نىسانداردىڭ قۇرىلىسىن باستاۋ، كەلەلى نىسانداردى ورنالاستىرۋ − ”شينجياڭنىڭ ەلەكترىن چۇڭچيڭگە ەنگىزۋدىڭ سايكەستى ەلەكتر قاينارى“، ”باتىستىڭ گازىن شىعىسقا جەتكىزۋدىڭ 4 - جەلىسى“ كەلەلى نىساندارىنىڭ قۇرىلىسىن باستاۋ سالتىنىڭ جانە بۇكىل رايونداعى كەلەلى نىسانداردى ورنالاستىرۋ ءماجىلىسىنىڭ وتكىزىلۋىن قارسى الدى.