(حالىق تۇرمىسىنا نازار)
مەملەكەت تۇرعىسىنان قاراعاندا، زەينەتكە شىعۋدى كەشەۋىلدەتۋ ەكونوميكانىڭ دامۋىن ەڭبەككۇشپەن قامداۋدى ارتتىرسا؛ قوعام تۇرعىسىنان قاراعاندا، بولاشاقتاعى زەينەتكەرلىكتىڭ تولەم قۋاتىن كۇشەيتەدى.
تاياۋدا ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يىن ۋەيمين بىلاي دەدى: ەلىمىز كەزەكتە الەمدەگى زەينەتكە شىعۋ جاسى ەڭ ەرتە مەملەكەت بولىپ، بىرتىندەپ ىلگەرىلەۋ فورماسىنداعى زەينەتكە شىعۋ جاسىن كەشەۋىلدەتۋ ساياساتى بەلگىلەنۋى كەرەك.
ءسوز اۋىزدان شىعىسىمەن، پىكىر دەگەنىڭ قازانداي قاينادى. بۇعان كوپ ساندى ادام قارسى بولدى. ءىس جۇزىندە وبيەكتيۆ تالداۋ جاساپ كورسەك، مۇنىڭ كوپتىڭ مۇددەسىن ويلاعاننان باسقا نارسە ەمەس ەكەندىگىن بايقاۋعا بولادى. قالايشا؟
ەلىمىز قارتتانۋ قوعامىنا الدە قاشان كىرىپ بولدى، زەينەتكەرلىك قامسىزداندىرۋى دەگەنىڭ كۇن وزعان سايىن ماسەلەگە اينالۋدا. شىنىن ايتقاندا، جاستار بارعان سايىن ازايىپ، قارتتار بارعان سايىن كوبەيىپ بارادى؛ تاپقان اقشا ازايىپ، جۇمسايتىن اقشا كوبەيۋدە. بۇنداعى ءبىردىڭ ازايىپ، ءبىردىڭ كوبەيۋى، زەينەتكەرلىك شىعىمىنىڭ قىسىمى كۇن وزعان سايىن ماسەلەگە اينالۋدا.
زەينەتكەرلىك قامسىزداندىرۋى دەگەنىڭ، اشىعىن ايتقاندا، قارتتار مەن جاستار اراسىنداعى ءبىر جاعىن باسساڭ، ءبىر جاعى كوتەرىلەتىن «الپەنشەك» ويىنى بولدى. بارلىعىمىز ءوزىمىزدى شىعار ءتۇيىن ەتىپ وي جۇگىرتسەك، بارلىعى ەرتە جارىقتا زەينەتكە شىعىپ السا، كىمدىكىن جەيمىن دەگەن قاعيدانى تۇسىنە الار ەدى.
ونىڭ ۇستىنە، قارتتاردىڭ ۇعىمى قازىرگى كەزدە تۇرلىشەلەنىپ، بۇرىنعىعا ۇقسامايتىن بولدى. ىلگەرى ەلۋ جاستان اسقان ادامنىڭ شاشى اعارىپ، ءتىسى سارعاياتىن ەدى، قازىرگى ەمدەۋ ورەسى مەن تۇرمىس ورتاسىنىڭ جاقسارۋىنا ىلەسىپ، قارتايعاندا كارى بوزدان تارلان شىعۋدا. سول ءۇشىن مەملەكەتتىڭ زەينەتكە شىعۋ جاسىن كەشەۋىلدەتۋدى ويلاسۋى، ەتىن جەپ، سۇيەگىن كەمىرۋ دەگەندىك ەمەس، ارينە.
زەينەتكە شىعۋدى كەشەۋىلدەتۋدىڭ ەڭ تىكە پايداسى ەڭبەك جاسىنداعى ادام سانى كولەمىن ۇلعايتىپ، ءارقايسى ەڭبەك جاسىنداعى ادامدار باعىپ – قاعاتىن زەينەتكەرلەردىڭ سانىن ازايتۋدا كورىلەدى. مەملەكەت تۇرعىسىنان قاراعاندا، زەينەتكە شىعۋدى كەشەۋىلدەتۋ ەكونوميكانىڭ دامۋىن ەڭبەككۇشپەن قامداۋدى ارتتىرسا؛ قوعام تۇرعىسىنان قاراعاندا، بولاشاقتاعى زەينەتكەرلىكتىڭ تولەم قۋاتىن كۇشەيتەدى؛ جەكە ادام تۇرعىسىنان قاراعاندا، اۋىل باردام بولسا، اۋىزعا جۇعادى.
