ءتىلشىنىڭ 20 - شىلدەدە ەڭ جوعارى حالىق سوت مەكەمەسىنەن ۇعىسۋىنشا، ەڭ جوعارى حالىق سوت مەكەمەسى، ورتالىقتىڭ قوعام اماندىعىن جان - جاقتى وڭاۋ كەڭسەسى سياقتى 15 تاراۋ جانە ورىن تاياۋدا «وتباسىلىق ىستەردە سوت جۇرگىزۋ تاسىلىندە جانە قىزمەت مەحانيزمىندە رەفورما جۇرگىزۋ بىرلەسپە ءماجىلىس ءتۇزىمىن ورناتۋ جونىندەگى پىكىردى» باسىپ تاراتىپ، 15 تاراۋدىڭ وزىندىك مىندەتىن جانە جۇمىس ءبولىسىن ايقىنداعان.
«پىكىردە» بىلاي دەلىندى: وتباسىلىق ىستەردە سوت جۇرگىزۋ تاسىلىندە جانە قىزمەت مەحانيزمىندە رەفورما جۇرگىزۋدەگى ۇيىمدىق باسشىلىق پەن ءبىر تۇتاس سايكەستىرۋدى كۇشەيتىپ، تاراۋلار ارا سەلبەسۋدى نىعايتىپ، قىزمەتتە ءدوپ كەلگەن كەلەلى ماسەلەلەردى ۋاعىندا زەرتتەپ شەشۋ ءۇشىن، وتباسىلىق ىستەردە سوت جۇرگىزۋ تاسىلىندە جانە قىزمەت مەحانيزمىندە رەفورما جۇرگىزۋ بىرلەسپە ءماجىلىس ءتۇزىمىن ورناتۋ ۇيعارىلدى.
ۇعىسۋعا قاراعاندا، ەڭ جوعارى حالىق سوت مەكەمەسى قوعام جان - جاقتى قاتىناساتىن وتباسىلىق ىستەر داۋ - شارىن كوپ ۇيەكتەندىرىپ جاراستىرىپ شەشۋ مەحانيزمىن ورناتۋعا جاۋاپتى بولىپ، وتباسىلىق ىستەرگە سوت اشۋ تارتىبىنە رەفورما جۇرگىزۋ جاعىنان ىزدەنىس جاسايدى ەكەن. نەكە قاتەرى مەن «ءولى نەكەنى» ايىرۋعا، نەكە قاتەرىن بەلسەندىلىكپەن باسەيتىپ، نەكە ەركىندىگىن قورعاۋ مەن وتباسىنىڭ بەرەكەسىن قورعاۋدىڭ قاتىناسىن دۇرىس ءبىر جاقتى ەتۋگە نازار اۋدارادى ەكەن. نەكەدەن اجىراسۋ كۋالىك ءتۇزىمىن اتقارىپ، حالىق ىستەرى تاراۋىمەن سەلبەسىپ ينفورماتسيادان بىرگە يگىلىكتەنۋ مەحانيزمىن قۇرۋ جاعىندا ىزدەنىس جاسايدى ەكەن.