شينجياڭ قوعام حاۋىپسىزدىگى ورگاندارىنان 18 كوللەكتيۆ پەن 37 جەكە ماراپاتتالدى
بەيجيڭدە اشىلعان مەملەكەتتىك قوعام حاۋىپسىزدىگى ورگاندارى جۇيەسىندەگى ەرجۇرەك ەگەيلەر مەن ەڭبەك سىڭىرگەن كوللەكتيۆتەردى ماراپاتتاۋ ماجىلىسىنە شينجياڭ ۇيعۇر اۆتونوميالى رايوندىق قوعام حاۋىپسىزدىگى ورگاندارىنان قاتىناسقان ۋاكىلدەر شينجياڭ قوعام حاۋىپسىزدىگى مەڭگەرمەسىنىڭ شۋجيى، مەڭگەرمە باستىعىنىڭ ورىنباسارى حو ليۋجۇن جولداستىڭ جەتەكشىلىگىندە 20 – مامىر كۇنى تۇستەن كەيىن تابىسپەن ورالدى.
مەملەكەتتىك قوعام حاۋىپسىزدىگى جۇيەسىندەگى ەرجۇرەك ەگەيلەر مەن ەڭبەك سىڭىرگەن كوللەكتيۆتەردى ماراپاتتاۋ ءماجىلىسى 19 – مامىر كۇنى تۇستەن بۇرىن بەيجيڭدە اشىلىپ، بەس جىلدان بەرى قوعام حاۋىپسىزدىگىنە قاتىستى ءتۇرلى قىزمەتتەردە كورنەكتى ۇلەس قوسقان ۇزدىك كوللەكتيۆتەر مەن جەكەلەردى سالتاناتتى ماراپاتتادى.
ماجىلىستەن بۇرىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جولداس مەملەكەتتىك قوعام حاۋىپسىزدىگى جۇيەسىندەگى ەرجۇرەك ەگەيلەرمەن جانە ەڭبەك سىڭىرگەن كوللەكتيۆتەرمەن ىقىلاسپەن كەزدەستى ءارى ماڭىزدى ءسوز سويلەدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ليۋ يۇنشان كەزدەسۋدە بىرگە بولدى.
