16 – مامىردا مەملەكەتتىك ارىز – شاعىم مەكەمەسى ۇكىمەت تورابىندا قامتاماسىزداندىرۋ سيپاتىندىق تۇرعىن ءۇي سالاسىنداعى 48 ارىز – شاعىمنىڭ باقىلانۋ – تەكسەرىلۋ جاعدايى جاريالاندى. بۇل ورتالىق ارىز – شاعىم باقىلاۋ – تەكسەرۋ گرۋپپاسىنىڭ قامتاماسىزداندىرۋ سيپاتىندىق تۇرعىن ءۇي ماسەلەلەرىنە قاراتا ورىستەتكەن تۇڭعىش رەتكى ارناۋلى باقىلاپ – تەكسەرۋى سانالادى.
ءساۋىردىڭ ورتا شەنىندە مەملەكەتتىك ارىز – شاعىم مەكەمەسى قاتىستى تاراۋلارمەن بىرگە ورتالىق ارىز – شاعىم باقىلاۋ – تەكسەرۋىنىڭ 6 گرۋپپاسىن حىبەي، لياۋنيڭ، ىشكى موڭعۇل، شاندۇڭ، حىنان، حۋبەي قاتارلى جەرلەرگە اتتاندىرىپ، قامتاماسىزداندىرۋ سيپاتىندىق تۇرعىن ۇيگە قاتىستى 48 ارىز – شاعىمعا ناقتى باقىلاۋ – تەكسەرۋ جۇرگىزدى. ءاربىر تەكسەرۋ گرۋپپاسىنا اقپارات مەديالارىنىڭ ءتىلشىسى، حالىق قۇرىلتايى ۋاكىلدەرى جولسەرىك بولدى.
ءۇيى شاعىلىپ كوشىرىلەتىن وتباسىلاردى ءوز ۋاعىندا كوشىرمەۋ، ورنالاستىرۋ تولەم قاراجاتىن قالىپتان تىس كەشەۋىلدەتۋ، كوشىپ كەلگەننەن كەيىن تۇرعىن ءۇي كۋالىگىن كەشەۋىلدەتىپ ءبىتىرىپ بەرمەۋ سياقتى كەلەڭسىز جايتتەرگە باقىلاۋ – تەكسەرۋ جۇرگىزۋ بارىسىندا تىلشىلەر كۋا بولدى، بۇلار قامتاماسىزداندىرۋ سيپاتىندىق تۇرعىن ءۇي سالاسىنداعى ءبىرشاما كورنەكتى ماسەلەلەر سانالىپ، بۇقارانىڭ اڭىسى كۇشتى ەدى. ورتالىق ارىز – شاعىم باقىلاۋ – تەكسەرۋ گرۋپپاسى حىبەي ولكەسىنە تۇسكەن گرۋپپاسىنىڭ جاۋاپتىسى، مەملەكەتتىك ارىز – شاعىم مەكەمەسى باقىلاۋ – تەكسەرۋ كەڭسەسىنىڭ ورىنباسار مەڭگەرۋشىسى ليۋ ياڭ تانىستىرىپ بىلاي دەدى: باقىلاپ – تەكسەرىلگەن ماسەلەلەرگە قاراتا جەرگىلىكتى ورىن ءمىنىن تۇزەتۋ جاعدايىن ءوز ۋاعىندا جوعارىعا جولدايدى، مەملەكەتتىك ارىز – شاعىم مەكەمەسى وسىعان ساي باقىلاپ – تەكسەرىپ، جەر - جەردىڭ تياناقتاندىرۋ جاعدايىن مەرزىم بويىنشا ءىز قۋالاپ تەكسەرەدى ءارى اۋىر دەلولاردى قايتا ساراپتان وتكىزەدى؛ ناقتى ورىن تەپكەن سالماقتى ماسەلەلەردىڭ، بۇقارانىڭ زاڭدى ۇقىق – مۇددەسىنە اۋىر سۇعاناقتىق جاساعان ماسەلەلەردىڭ جاۋاپكەرلىگى قۋزالىپ، قوعامعا جاريا ەتىلەدى.
