تاياۋدا تىلشىلەردىڭ مەملەكەتتىك حالىق قۇرىلتايى تۇراقتى كوميتەتىنىڭ زاڭ – ءتۇزىم قىزمەتى كوميتەتىنەن ۇعىسۋىنشا، قازىر زاڭ – ءتۇزىم قىزمەتى كوميتەتى مەملەكەت ءانىنىڭ زاڭ جوباسىن مىقتى ۇستاپ ازىرلەپ، ۇستەگى جىلى ماۋسىمدا اشىلاتىن مەملەكەتتىك حالىق قۇرىلتايى تۇراقتى كوميتەتى ءماجىلىسىنىڭ تۇڭعىش رەت قاراۋىنا ۇسىنباق ەكەن. بۇنىڭ مەملەكەت ءانىنىڭ ورىندالۋى، پايدالانۋ سىندى قيمىلداردىڭ اناعۇرلىم ارنالاسۋىنا سەپتىگى تيەدى.
مەملەكەت ءانى مەملەكەت تۋى، مەملەكەت گەربىنە ۇقساس، ءبىر مەملەكەتتىڭ سيموۆلى. ەلىمىز 1990 – جىلى جانە 1991 – جىلى جەكە – جەكە مەملەكەت تۋى زاڭى مەن مەملەكەت گەربى زاڭىن بەلگىلەگەنىمەن، قازىرگە دەيىن مەملەكەت ءانىنىڭ جۇيەگە تۇسكەن ارناۋلى زاڭى جوق تۇعىن. رەال تۇرمىستا، مەملەكەت ءانى جالپىنىڭ جاپپاي قۇرمەتتەۋى، ايالاۋىنا يە بولا المادى. زاڭدىق تۇرعىدان شاۋجايلاۋ بولماعاندىقتان، قوعامدا مەملەكەت ءانىن الباتى پايدالانۋ، مەملەكەت ءانىن ءجۇردىم – باردىم ايتۋ سىڭايى ورىن تەپكەننەن سىرت، مەملەكەت ءانىنىڭ جاستار مەن ورەندەردى تاربيەلەۋدەگى رولى تولىق ساۋلەلەندىرىلمەگەن - دى. سوڭعى جىلداردان بەرى بۇكىل مەملەكەتتىك ەكى ءماجىلىس كەزىندە، كوپ ساندى حالىق قۇرىلتايى ۋاكىلدەرى، ساياسي كەڭەس مۇشەلەرى مەملەكەت ءانى زاڭىن بەلگىلەۋ جونىندە ۇسىنىس، پىكىر، جوبا ۇسىنىپ تەز ارادا زاڭ شىعارىپ بوستىقتى تولتىرۋدى ورتاعا قويدى.
