بەيبىت دامۋ جولىنا تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ

　　− شي جينپيڭ جولداستىڭ ج ك پ 18 - كەزەكتى ورتالىق كوميتەتى اتىنان قۇرىلتايعا جاساعان بايانداماسىنان ۇزىندىلەر

　　شينحۋا اگەنتتىگىنىڭ 18 − قازاندا بەيجيڭنەن بەرگەن حابارى. شي جينپيڭ جولداس 19 − قۇرىلتايدىڭ بايانداماسىندا مىنالاردى العا قويدى: بەيبىت دامۋ جولىنا تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ كەرەك.

　　ول بىلاي دەدى: جۇڭگو كوممۋنيستىك پارتياسى ادامزاتقا تىڭ دا اناعۇرلىم زور ۇلەستەر قوسۋدى باستان − اياق ءوزىنىڭ بورىشى ساناپ كەلدى.

　　جۇڭگو بەيبىتشىلىك، دامۋ، ىنتىماقتاستىق، تەڭ يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگىن قورعاۋ، قاتار دامۋدى دەمەۋ ديپلوماتيالىق ساياساتىنىڭ تۇپكىلىكتى ماقساتىنا بويسۇنىپ، بەيبىت قاتار تۇرۋدىڭ 5 پرينسيبىنەن اۋىتقىماۋ نەگىزىندە، ءار ەلمەن دوستىق سەلبەستىگىن دامىتىپ، ءبىرىن − ءبىرى قۇرمەتتەيتىن، ءادىل دە ادىلەتتى سەلبەستىك جاساپ، تەڭ يگىلىكتەنەتىن جاڭاشا حالىقارالىق قاتىناس ورناتۋدى جەبەيدى.

　　شي جينپيڭ بىلاي دەپ اتاپ كورسەتتى: دۇنيە ءجۇزى قارىشتاپ دامۋ، ۇلكەن وزگەرۋ، زور رەتتەلۋ كەزەڭىندە تۇر، بەيبىتشىلىك پەن دامۋ ءالى دە ءداۋىردىڭ باستى تاقىرىبى. سونىمەن قاتار، دۇنيە ءجۇزى ءدوپ كەلگەن ورنىقسىزدىق، تۇراقسىزدىق جايتى كورنەكتىلەنىپ، ادامزات كوپتەگەن ورتاق سىن − سىناققا ءدوپ كەلدى.

　　شي جينپيڭ بىلاي دەدى: ءبىز جاساپ جاتقان دۇنيە ۇمىتكە دە، سىنعا دا تولى. ءومىردىڭ قيىندىعىنا بولا ارماننان قول ۇزۋىمىزگە، مۇرات − ماقساتىمىز ورىندالمادى دەپ تالاپتانباي قويۋىمىزعا بولمايدى. ادامزات ءدوپ كەلىپ وتىرعان ءتۇرلى سىن − سىناقتارعا ەشقانداي ءبىر مەملەكەت جالعىز توتەپ بەرە المايدى، ءارقانداي ەل ءوزىن − ءوزى تۇمشالاپ، وقشاۋ ارال سياقتى كۇيگە تۇسە المايدى.

　　ول بىلاي دەدى: ءبىز ءار ەل حالقىن ءبىر نيەتپەن سەلبەسىپ، ادامزاتتىڭ تاعدىرلاس ورتاق تۇلعاسىن قالىپتاستىرىپ، باياندى بەيبىتشىلىك ورناعان، بىرگە كوركەيىپ − گۇلدەنەتىن، اشىق ۇستالاتىن، بۇكىلدەي حاۋىپ − قاتەرسىز، كەشىرىمشىل، كىرشىكسىز، كوركەم دۇنيە قۇرۋعا ۇندەيمىز. مۇندا ءبىرىن − ءبىرى قۇرمەتتەيتىن، تەڭ تۇرعىدا كەڭەسەتىن، قىرعي قاباقتىق وي مەن وكتەمدىك ساياسيدان ادا − كۇدە ارىلعان، قارسىلاسپاي، پىكىرلەسەتىن، وداقتاسپاي، سەرىكتەسەتىن مەملەكەت ارالىق جاڭاشا قارىم − قاتىناس جولىمەن ءجۇرۋ كەرەك. داۋ − شاردى پىكىرلەسۋ ارقىلى شەشۋگە، الاۋىزدىقتاردى كەڭەسۋ ارقىلى جويۋعا تاباندى بولىپ، ءداستۇرلى جانە ءداستۇرلى ەمەس حاۋىپسىزدىك حاۋىپ − قاتەرىنە ءبىر تۇتاس توتەپ بەرىپ، ءارقانداي فورماداعى لاڭكەستىك اتاۋلىعا قارسى تۇرۋ كەرەك. قيىندىقتاردى تىزە قوسا جەڭىپ، ساۋدا مەن قارجى قوسۋدىڭ ەركىن، قولايلى بولۋىن جەبەپ، ەكونوميكانىڭ جاھاندانۋىنىڭ اناعۇرلىم اشىق، كەڭ، جالپىعا ءتيىمدى، تەپە − تەڭ بولۋ، تەڭ يگىلىكتەنۋ باعىتىنا قاراي دامۋىنا دەم بەرۋ قاجەت. دۇنيە ءجۇزى وركەنيەتىنىڭ كوپ تۇرلىلىگىنە قۇرمەت ەتىپ، وركەنيەت اۋىس − كۇيىسى ارقىلى وركەنيەت كىربەڭدىگىن، وركەنيەتتىڭ ءبىر − بىرىنەن ۇلگى الۋى ارقىلى وركەنيەت قاقتىعىسىن جويىپ، وركەنيەتتەردى قاتار ساقتاۋ ارقىلى وركەنيەتتەردىڭ ارتىقشىلىعىن ساۋلەلەندىرۋ كەرەك. ورتانىڭ جاراسىمدى بولۋىنان جازباي، كليمات وزگەرىسىنە سەلبەسە توتەپ بەرىپ، ادامزاتتىڭ تىرشىلىك مەكەنى بولعان جەر شارىن ويداعىداي قورعاۋ كەرەك.

　　شي جينپيڭ مىنالاردى باسا دارىپتەدى: جۇڭگو دەربەس، ءوز − وزىنە قوجا بولاتىن بەيبىت ديپلوماتيا ساياساتىن باتىل اتقارادى، ءار ەل حالقىنىڭ دامۋ جولىن ءوزى تاڭداۋ ۇقىعىنا قۇرمەت ەتەدى، حالىقارالىق ادىلدىك پەن ادىلەتتىلىكتى قورعايدى، ءوز ەركىن وزگەگە زورلاپ تاڭۋعا، باسقا ەلدىڭ ىشكى ىسىنە كيلىگۋگە، كۇشتىنىڭ ءالسىزدى باسىنۋىنا قارسى تۇرادى. جۇڭگو ءوزىن وركەندەتۋگە بولا، باسقا ەلدىڭ مۇددەسىن استە بوداۋ ەتپەيدى، ءوزىنىڭ ورىندى ۇقىق - مۇددەسىنەن دە استە كەشپەيدى، ءارقانداي ادامنىڭ جۇڭگو ءوز مۇددەسىن قۇرىدىمعا جىبەرەدى، ءوزىن − ءوزى سورلاتادى دەگەن قۇر قيالعا سالىنباۋى كەرەك. جۇڭگو قورعانۋ سيپاتىندىق قورعانىس ساياساتىن جۇرگىزەدى. جۇڭگونىڭ دامۋى ەشبىر ەلگە حاۋىپ توندىرمەيدى. جۇڭگو مەيلى دامىپ قاي دارەجەگە جەتسىن، ماڭگى زورەكەر بولمايدى، ماڭگى ىرگە كەڭەيتپەيدى.

　　شي جينپيڭ بىلاي دەدى: جۇڭگو الەمدىك ارىپتەستىك قاتىناستى بەلسەنە دامىتىپ، ءار ەلمەن مۇددە جاعىنداعى توعىسۋ تۇيىندەرىن كەڭەيتىپ، ءىرى ەلدەرمەن سايكەسۋدى جانە سەلبەسۋدى ىلگەرىلەتىپ، جالپى جاقتان ورنىقتى، بىركەلكى داميتىن ءىرى ەلدەر قاتىناسى جۇلگەسىن ورناتىپ، جاقىن − جان اشىر، ادال بولۋ، تيىمدىلىك جاساۋ، كەشىرىمشىل بولۋ كوزقاراسى مەن كورشىلەس ەلدەرگە قايىرىمدى بولۋ، ىرگەلەس ەلدەرمەن سەرىك بولۋ سىندى توڭىرەكتىك ديپلوماتيا باعىتى بويىنشا، اينالاسىنداعى ەلدەرمەن قاتىناسىن جاقسارتىپ، دۇرىس ادىلەتتىلىك − مۇددە كوزقاراسىن جانە سىنشىل، باۋىرمال، ادال بولۋ تانىمىن ۇستانىپ، دامۋ جولىنداعى ەلدەرمەن ىنتىماقتاستىقتى، سەلبەستىكتى كۇشەيتەدى.

　　ول بىلاي دەدى: جۇڭگو سىرتقا ەسىك اشۋ سىندى نەگىزگى مەملەكەت ساياساتىنا، ەسىكتى اشىق ۇستاي وتىرىپ قۇرىلىس جۇرگىزۋگە تاباندى بولىپ، «ءبىر بەلدەۋ، ءبىر جول» حالىقارالىق ىنتىماقتاستىعىن بەلسەنە جەبەپ، ساياساتتىق سايكەسۋدى، قۇرىلعىلاردى تۇتاستىرۋدى، ساۋدا ىركىلىسسىزدىگىن، قارجى اينالىمىن، حالىق تىلەگىن توعىستىرۋدى كۇش سالا جۇزەگە اسىرىپ، جاڭا حالىقارالىق ىنتىماقتاستىق تۇعىرىن ورناتىپ، قاتار دامۋعا تىڭ قوزعاۋشى كۇش قوسادى. دامۋ جولىنداعى ەلدەرگە، اسىرەسە، دامىماعان ەلدەرگە كومەك بەرۋ تەبىنىن ارتتىرىپ، تۇستىك پەن تەرىستىكتىڭ دامۋ پارقىن ازايتۋعا كۇش سالادى. جۇڭگو كوپ جاقتى ساۋدا ءتۇزىلىسىن قولداپ، ەركىن ساۋدا رايونىن قۇرۋدى جەبەپ، اشىق ۇستالاتىن الەمدىك ەكونوميكانىڭ دامۋىن ىلگەرىلەتەدى.

　　ول بىلاي دەدى: جۇڭگو بىرگە اقىلداسۋ، بىرگە دامىتۋ، تەڭ يگىلىكتەنۋ سىندى جاھاندىق باسقارۋ كوزقاراسىن ۇستانىپ، حالىقارالىق قاتىناستىڭ دەموكراتيالانۋىن دارىپتەپ، مەملەكەتتەردىڭ ۇلكەن − كىشى، كۇشتى − ءالسىز، باي − كەدەي دەپ بولىنبەۋىنە، تەرەزەسى تەڭ بولۋىنا تاباندى بولىپ، بىرلەسكەن مەملەكەتتەر ۇيىمىنىڭ بەلسەندى رول اتقارۋىنا، دامۋ جولىنداعى ەلدەردىڭ حالىقارالىق ىستەردەگى ۋاكىلدىك ورنى مەن وي − پىكىرىن ايتۋ ۇقىعىنىڭ جوعارىلاۋىنا قولداۋ كورسەتەدى. جۇڭگو جاۋاپكەرشىلىگىن ارقالاي بىلەتىن ءىرى ەلدىك رولىن ۇزدىكسىز ساۋلەلەندىرىپ، جاھاندىق باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، جۇڭگونىڭ اقىل − پاراساتى مەن كۇش − قۋاتىن ۇزدىكسىز ارنايدى.
　شي جينپيڭ مىنالاردى اتاپ كورسەتتى: دۇنيە ءجۇزىنىڭ تاعدىرى ءار ەل حالقىنىڭ قولىندا، ادامزاتتىڭ بولاشاعى ءار ەل حالقىنىڭ تالعامىنا بايلانىستى. جۇڭگو حالقى ادامزاتتىڭ تاعدىرلاس ورتاق تۇلعاسىن ءار ەل حالقىمەن بىرگە قۇرىپ، جارقىن بولاشاعىن بىرگە جاراتۋدى قالايدى.