− اۆتونوميالى رايونىمىزداعى كادر - جۇرتشىلىق پارتيا 19 - قۇرىلتايىنىڭ بايانداماسىن ۇيرەندى، قىزۋ تالقىلادى
ءداۋىر − يدەيانىڭ اناسى، اماليات − نازاريانىڭ قاينارى. جۇڭگودا تاريحي وزگەرىس جارىققا شىعىپ، تاريحي جەتىستىككە قول جەتىپ، جاڭا داۋىرگە قادام تاستالۋىنىڭ تەتىگى جاڭا يدەيانىڭ جەتەكشىلىگى بولعاندىعىنان. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ قالىپتاسۋى وتكەن 5 جىلداعى ەڭ تەرەڭ مانگە يە جەتىستىك، سونداي - اق پارتيا 19 - قۇرىلتايىنىڭ بايانداماسىنداعى ەڭ جارقىن ءتۇيىن. بىرنەشە كۇننەن بەرى، اۆتونوميالى رايونىمىزداعى ءار ۇلت كادر - جۇرتشىلىعى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ رۋحاني ءمانىن، باي مازمۇنىن كەۋدە كەرنەگەن ىستىق ىقىلاسپەن ۇيرەندى جانە تىڭ اسەر الدى، ولار شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا جاڭا ۇلەس قوساتىندىقتارىن جابال ءبىلدىرىستى.
يدەيانىڭ ۇلى كۇشىن ايگىلەدى
اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشىسى دولقۇن توحتى بىلاي دەدى: يدەيا − ارەكەتتىڭ قىبلاناماسى، نازاريا − امالياتتىڭ جەتەكشىسى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ جۇڭگونىڭ ءىس جۇزىندىك امالياتىمەن ۇشتاسۋىنىڭ تاعى ءبىر رەتكى تاريحي سەكىرىسى. وسى جاڭا يدەيا جۇڭگوشا سوتسياليزمنىڭ جاڭا ءداۋىرىن اشىپ، جۇڭگو كوممۋنيستىك پارتياسىنىڭ جاڭا مىندەتتەرىن جيناقتاپ كورسەتىپ، سوتسياليستىك وسىزاماندانعان قۇدىرەتتى ەلدى جاپپاي قۇرۋدىڭ جاڭا ساپارىنا باستاپ وتىر.
شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيامىزدىڭ ۇلى جاسامپازدىق قابىلەتىن پارمەندى تۇردە ايگىلەدى. اۆتونوميالى رايوندىق پارتكوم وقۋ - اعارتۋ قىزمەت كوميتەتىنىڭ ورىنباسار شۋجيى، اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ شۋجيى لياڭ چاۋ بىلاي دەپ قارادى: ارىدان ايتار بولساق، جاڭا يدەيا − جۇڭگو حالقى مەن جۇڭحۋا ۇلتىنىڭ «قوس 100 جىلدىق» نىساناسىن ىسكە اسىرۋىنىڭ ارەكەت قىبلاناماسى؛ بەرىدەن ايتار بولساق، جاڭا يدەيا − بىزدەگى ءاربىر ادامنىڭ كوركەم دە باقىتتى ءومىرىنىڭ تۇبەگەيلى كەپىلى.
نەگىزگى ساتىداعى كوپتەگەن كادرلار اۋىلدارىنىڭ وتكەن 5 جىلداعى دامۋى مەن وزگەرىستەرىن تىلگە تيەك ەتكەندە، ءبىر اۋىزدان «وسى ناتيجەلەرگە قول جەتۋى، تۇبىرىنەن ايتقاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگى بولعاندىعىنىڭ ارقاسى» دەپ قارادى. اقسۋ قالاسى ىگەرشى اۋىلى جوعارعى كوكباش قىستاعى پارتيا ياچەيكاسىنىڭ شۋجيى تۇنياز باحى بىلاي دەدى: مەن باس شۋجي شي جينپيڭنىڭ ءاربىر اۋىز سوزىنە مۇقيات قۇلاق ءتۇردىم، كوڭىلىم ەرەكشە كوتەرىلىپ، توتەنشە تەبىرەندىم. 2012 - جىلى قىستاعىمىزدىڭ كىسى باسىنا تۋرا كەلەتىن ورتاشا كىرىسى 9800 يۋاننان اسسا، وتكەن جىلى 16 مىڭ 321 يۋانعا جەتتى، كوپشىلىكتىڭ تۇرمىسى كۇننەن - كۇنگە جاقسارىپ كەلەدى، بۇنىڭ بارلىعىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا قول جەتىپ وتىر. باس شۋجي شي جينپيڭنىڭ بايانداماسى ءبىزدىڭ سەنىمىمىزدى نىعايتتى، الداعى جەردە تەبىنىمىز ءتىپتى كۇشەيە تۇسپەك.
اۆتونوميالى رايوندىق پارتكوم ساياسات زەرتتەۋ كەڭسەسى جالپىلىق باسقارماسىنىڭ ورىنباسار باستىعى ديڭ نيڭ بىلاي دەپ قارادى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ماركسيزمنىڭ جۇڭگوداعى دامۋىنىڭ جاڭا ءورىسىن اشتى، 21 - عاسىردا جۇڭگوداعى ماركسيزمنىڭ شۇعىلالى امالياتى اقيقاتتىڭ اناعۇرلىم زور كۇشىن ايگىلەيتىنى دە داۋسىز. جۇڭگوشا سوتسياليزمنىڭ جاڭا داۋىرگە وتكەنى تۋرالى جاڭا تۇجىرىمدى تەرەڭ ۇيرەنىپ جانە ءتۇسىنىپ، ەلىمىز قوعامىنداعى باستى قايشىلىقتا وزگەرىس تۋىلعان جاڭا ەرەكشەلىكتى تەرەڭ ۇيرەنىپ جانە ءتۇسىنىپ، 2 ساتىعا ءبولىپ ءجۇرىپ، سوتسياليستىك وسىزاماندانعان قۇدىرەتتى ەلدى جاپپاي قۇرۋ جاڭا نىساناسىن تەرەڭ ۇيرەنىپ جانە ءتۇسىنىپ، بۇكىل پارتيانى، بۇكىل ەلدەگى ءار ۇلت حالقىن جۇدىرىقتاي جۇمىلىپ، ءورىس اشا العا ىلگەرىلەۋگە ىنتالاندىرىپ، جاڭا داۋىردەگى جۇڭگوشا سوتسياليزمدى العا ىلگەرىلەتۋ كەرەك.
ۇلى ىستەرگە جەتەكشىلىك ەتتى
جاڭا داۋىرگە اياق باسىپ، جاڭا ساپارعا قادام تاستاۋ جاڭا يدەيانىڭ جەتەكشىلىگىن قاجەت ەتەدى. شينجياڭ قوعامدىق عىلىمدار اكادەمياسى جۇڭگوشا سوتسياليزم نازاريالىق جۇيەسىن زەرتتەۋ ورتالىعىنىڭ مەڭگەرۋشىسى گو تايشان بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن «سەگىزدى ايقىنداۋ» ارقىلى بايىمداپ، جۇڭگونىڭ جاڭا دامۋ باعدارىن «3 بۇرىن بولماعان» ارقىلى بەلگىلەپ، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ جاڭا جالپى جوباسىن «ون تورتكە تاباندى بولۋ» ارقىلى قالىپتاپ، جۇڭگونىڭ «جاپپاي دوڭگەلەك داۋلەتتى قوعام قۇرىپ شىعۋدان وسىزاماندانۋدى نەگىزىنەن ىسكە اسىرۋعا، ونان سوتسياليستىك وسىزاماندانعان قۇدىرەتتى ەلدى جاپپاي قۇرۋعا دەيىنگى» جاڭا ساپاردى باستاۋىنا «2 ساتىعا ءبولىپ ءجۇرۋ» ارقىلى جەتەكشىلىك ەتتى، ۇلى كۇرەستەر جۇرگىزۋ، ۇلى ينجەنەريالار اتقارۋ، ۇلى ىستەردى ىلگەرىلەتۋ، ۇلى ارماندى ورىنداۋ ۇدەرىسىندە شي جينپيڭنىڭ جاڭا داۋىردەگى جۇڭگوشا سوتسياليزم يدەياسى وراسان زور كوش باستاۋ جانە ىلگەرىلەتۋ رولىن اتقارىپ وتىر، سانالى تۇردە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتۋ كەرەك.
نەگىزگى ساتىعا تەرەڭدەگەن سايىن، وزىق نازاريانىڭ ناقتى قىزمەتتەرگە جاسايتىن جەتەكشىلىك رولىن ءتىپتى ايقىن سەزىنۋگە بولادى. اراسان اۋداندىق پارتكومنىڭ شۋجيى سۇكا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ءتۇرلى قىزمەت بارىسىندا تياناقتاندىرۋ باس نىسانانى ىسكە اسىرۋدىڭ تەتىگى دەپ قارادى. ول شارۋالاردىڭ تابىسىن ارتتىرۋ دەگەن وزەكتى تىعىز ارقاۋ ەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋ ۇدەرىسىن ىلگەرىلەتۋ؛ بۇكىل قوعامنىڭ كۇشىن ۇزدىكسىز جۇمىلدىرىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى ىلگەرىلەتىپ، 2020 - جىلعا دەيىن وسى اۋداننىڭ اۋىل - قىستاقتارىنداعى تۇرمىسى قازىرگى قولدانىستاعى ولشەمنەن تومەن كەدەي حالىقتى تولىقتاي كەدەيلىكتەن قۇتىلدىرىپ، كەدەي قىستاقتاردىڭ بارلىعىنىڭ قالپاعىن الۋعا كەپىلدىك ەتۋ؛ جاڭا دامۋ ۇستانىمىن شىنايى دايەكتىلەندىرىپ، ەكولوگيالىق وركەنيەت قۇرىلىسىن كۇشەيتىپ، اراسان اۋدانىن ەكولوگيانىڭ كورىكتى بيىگى، ساياحاتتىڭ التىن بەسىگى جانە دەنساۋلىقتى كۇتىمدەۋدىڭ جايلى ورتاسى ەتىپ قۇرىپ شىعۋعا قۇلشىنۋ كەرەكتىگىن ءبىلدىردى.
«حالىقتى وزەك ەتكەن دامۋ يدەياسى پارتيا 19 - قۇرىلتايىنىڭ بايانداماسىنا ارقاۋ بولعان، حالىق تۇرمىسىن قامتاماسىز ەتۋ مەن جاقسارتۋ دەڭگەيىن كوتەرۋ باياندامادا باسا كورسەتىلگەن، - دەدى لياڭ چاۋ، - وقۋ - اعارتۋ − حالىق تۇرمىسىنىڭ نەگىزى، الداعى قىزمەتتەردە اۆتونوميالى رايوندىق وقۋ - اعارتۋ مەڭگەرمەسى پارتيانىڭ 19 - قۇرىلتايىندا العا قويىلعان نازاريالىق كوزقاراستى، ستراتەگيالىق يدەيانى، قىزمەت ورنالاستىرۋىن اۆتونوميالى رايوننىڭ وقۋ - اعارتۋ قىزمەتىنىڭ ءتۇرلى جاقتارىندا ايگىلەپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، جاڭا جاعدايلاردى زەرتتەپ، جاڭا ماسەلەلەردى شەشىپ، اۆتونوميالى رايوننىڭ وقۋ - اعارتۋ ىستەرىنىڭ رەفورماسى مەن دامۋىندا جاڭا جاعداي اشىپ، وقۋ - اعارتۋ ءىسىن پارتيا مەن حالىقتى رازى ەتەرلىكتەي جۇرگىزەدى.
جەڭىسكە نىق سەنىمدى بەكەمدەدى
«ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا ءارقانداي تاريحي كەزەڭدەگىدەن دە اناعۇرلىم جاقىنداي تۇستىك، جۇڭحۋا ۇلتىنىڭ ۇلى گۇلدەنۋى سىندى نىسانانى جۇزەگە اسىرۋعا سەنىمىمىز كامىل، قۋاتىمىز قاپتال جەتەدى». باس شۋجي شي جينپيڭنىڭ پارتيانىڭ 19 - قۇرىلتايىنا جاساعان بايانداماسىنداعى وسى ءسوز جۇرەكتى تەبىرەندىرەدى. اۆتونوميالى رايوندىق پارتكوم پارتيا مەكتەبىنىڭ ۇنەمىلىك ىستەرگە جاۋاپتى ورىنباسار باستىعى ليۋ چۋانشان بىلاي دەپ قارادى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى، ءسوز جوق، جۇڭگونىڭ رەفورما جاساۋ، ەسىك اشۋ ىستەرى مەن جۇڭگوشا سوتسياليزم قۇرىلىسىنىڭ جاڭا باعدارىنا جەتەكشىلىك ەتىپ، جۇڭگوشا سوتسياليزمنىڭ نازارياسىندا، امالياتىندا، تۇزىمىندە، مادەنيەتىندە جاڭالىق اشۋدى جانە باسقا جاقتاردا جاڭالىق اشۋدى ۇزدىكسىز ىلگەرىلەتىپ، پارتيانىڭ دۇرىس يدەيانىڭ جەتەكشىلىگىندە جۇڭگو حالقىنىڭ ۇلى ارمانى تيەلگەن اق كەمەمەن تولقىن جارا العا ىلگەرىلەپ، جارقىن جاعالاۋعا جەڭىسپەن بەت تۇزەۋىنە كەپىلدىك ەتەدى.
دولقۇن توحتى بىلاي دەدى: قازىر ۇلى ءداۋىر ءبىزدى گۇلدەنۋ ارمانىن ىسكە اسىرۋعا شىن ىقىلاسپەن قۋزاۋدا. اۆتونوميالى رايوننىڭ دامۋ جانە رەفورما جۇيەسىندەگى كادر - قىزمەتكەرلەر پارتيا 19 - قۇرىلتايىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، مۇرات - سەنىمدى بەكەمدەپ، جاۋاپكەرشىلىك پەن مىندەتكەرلىكتى قاتايتىپ، ەكونوميكالىق اينالىم، تۇراقتى مۇلىك، ءتۇيىندى نىسان، قوعامدىق دامۋ، باعا باسقارۋ، شينجياڭعا باعىتتامالى كومەكتەسۋ، ەنەرگيا بايلىعى، وزەكتى رايون قۇرىلىسى سياقتى قىزمەتتەردى كۇشتى شوعىرلاندىرا ويداعىداي يگەرىپ، ءتۇرلى قىزمەت نىسانالارىنىڭ جوعارى ساپامەن ورىندالۋىنا كەپىلدىك ەتەدى.
ءۇرىمجى كەدەنى پارتيا باسشىلىق گرۋپپاسىنىڭ شۋجيى، كەدەن باستىعى جاۋ گى مىنالاردى ءبىلدىردى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، كەدەن باس مەكەمەسىنىڭ ءتۇيىندى رەفورما نىساندارىنىڭ شينجياڭدا تامىر تارتۋى مەن قولدانىسقا ەنۋىن مىقتى يگەرۋ كەرەك. «3 ءوزارا» ءىرى ارنا رەفورماسىن ىلگەرىلەتىپ، «ءبىر تەرەزەلىكتىڭ» كەدەن رايونى مەن وتكەلدەردى تولىق قامتۋىن ىسكە اسىرۋ؛ كەدەن رايوندارىنىڭ «2 تۇعىر، 4 ورتالىق» رەفورماسىن جاپپاي اتقارىپ، رەفورمانىڭ ۇلەس پايداسىن ونان سايىن كورنەكتىلەندىرۋ؛ شينجياڭدا كوپ ۇلگىلى بىرلەسكەن تاسىمالدىڭ دامۋىن بەلسەندى تۇردە ىلگەرىلەتىپ، باتىس باعىتتاعى كەزەكشى پويەزداردىڭ شينجياڭدا جيناقتاپ قۇراۋ، جيناقتاپ تاسۋ ءىسى بويىنشا سىناق جۇرگىزۋىن جەدەلدەتۋ؛ شينجياڭدا شەكارا اتتاعان ەلەكتروندىق ساۋدا سياقتى جاڭا باسقارۋ ادىستەرىنىڭ دامۋىن بار كۇشپەن ىلگەرىلەتىپ، شەكارا اتتاعان ەلەكتروندىق ساۋدا اياسىندا تىكە ساتىپ الۋ، يمپورت - ەكسپورت ەتۋ كاسىپتەرىنىڭ شاپشاڭ دامۋىن جەبەۋ كەرەك.
تۇنياز باحى بىلاي دەدى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، قىستاق تۇرعىندارىن ءتىپتى باقىتتى دا باقۋاتتى ومىرگە باستاۋعا سەنىمىمىز كامىل. جۋىقتا ءبىز قىستاقتىڭ الداعى 5 جىلداعى دامۋ جوباسىن جاسادىق، ونىڭ ىشىندە ۇلتتار ىنتىماعى تاربيەسىن قالاي كۇشەيتۋ، قىستاق تۇرعىندارىنىڭ جوعارى ولشەمدى زاماناۋي تەحنيكامەن باۋ - باقشالاردى باپتاپ - باسقارۋىن قالاي ىسكە اسىرۋ، اۋلا شارۋاشىلىعىن قالاي ويداعىداي دامىتۋ، ارتىق ەڭبەككۇشتەردى باسقا سالاعا قالاي ويىستىرۋ، ت.ب قامتىلعان. قىستاق پارتيا ياچەيكاسى قىستاق كادرلارى مەن قىستاق تۇرعىندارىن پارتيا 19 - قۇرىلتايىنىڭ رۋحىن ويداعىداي ۇيرەنۋگە، ويداعىداي تۇسىنۋگە جەتەكتەپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ نەگىزگى ساتىدا تامىر تارتىپ، شەشەك اتىپ، جەمىس بەرۋىن ىسكە اسىرادى.
