مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ پروگرامماسىن جاقتايمىن، پارتيانىڭ ۋستاۆىنا بويسۇنامىن، پارتيا مۇشەسىنىڭ بورىشىن وتەيمىن، پارتيانىڭ قاۋلىلارىن اتقارامىن، پارتيانىڭ تارتىبىنە قاتاڭ بويسۇنامىن، پارتيانىڭ قۇپيالىعىن ساقتايمىن، پارتياعا ادال بولامىن، جۇمىستى بەلسەندىلىكپەن ىستەيمىن، كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي-قاشان دا دايىنمىن، پارتياعا ەشقاشان دا وپاسىزدىق ىستەمەيمىن.
سەرت بەرۋشىلەر: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ
96 جىلدىڭ الدىندا، تەك 10 نەشە ادام عانا بار جۇڭگو كوممۋنيستىك پارتياسى قازىر دامىپ 89 ميلليوننان استام پارتيا مۇشەسى بار دۇنيە جۇزىندەگى ەڭ ۇلكەن پارتياعا اينالدى.
جولداستار:
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الماقشىمىز. ءبىز تەك اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى باقي كۇرەس جۇرگىزگەندە عانا جۇڭگو كوممۋنيستىك پارتياسى جاستىق كوكتەمىن ماڭگى ساقتايدى. بۇكىل پارتيا، بۇكىل ەلدەگى ءار ۇلت حالقى ءبىر نيەتپەن تىعىز ىنتىماقتاسىپ، قاجىرلىلىقپەن قۇلشىنا ىستەگەندە عانا جۇڭگو حالقىنىڭ ۇلى ارمانى تيەلگەن الىپ كەمە تولقىن جارا العا تارتىپ، شۇعىلالى جاعاعا جەڭىسپەن جول الارى حاق!
