ارقان تارتۋ جارىسى
21-قاراشادا، ەڭ سوڭعى ءبىر مايدان ارقان تارتۋ جارىسىنىڭ اقىرلاسۋىمەن، ءۇش ايعا سوزىلعان 2017-جىلعى ءۇرىمجى قالاسىنىڭ «ۇلتتار ىنتىماعىنىڭ بەرەكەلى شاڭىراعى» اتىنداعى الەۋمەتتىك اۋماقتاردىڭ سپورت جينالىسى حۇڭشان دەنەتاربيە سارايىندا شىمىلدىعىن جاپتى، 2000 نان استام الەۋمەتتىك اۋماق قىزمەتكەرى مەن قاراستى اۋماقتاعى تۇرعىندار بۇل رەتكى جينالسىقا قاتىناستى.
ءۇرىمجى قالاسى «ۇلتتار ىنتىماعىنىڭ بەرەكەلى شاڭىراعى» اتىنداعى الەۋمەتتىك اۋماق دەنەتاربيە جينالىسى 8-تامىزدان باستالدى، قىزىقتى دەنەتاربيە جينالىسى ەسىك دوپ، ءۇش ادامدىق باسكەتبول، تاق-تۇق دوپ، قاۋىرسىن دوپ، ارقان تارتۋ جانە ۆاليبول سىندى جەتى ءتۇر بويىنشا وتكىزىلدى. جارىسقا قاتىناسقان شاباندوزداردىڭ بارلىعى قالانىڭ ءارقايسى الەۋمەتتىك اۋماعىنان كەلگەن قىزمەتكەرلەر مەن قاراستى رايونداعى تۇرعىندار.
ءۇرىمجى قالالىق دەنەتاربيە مەكەمەسىنىڭ پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى گاۋ جىچيڭ: قالا تۇرعىندارىنىڭ دەنە شىنىقتىرۋ تانىمىنىڭ جوعارىلاۋىنا ساي، بۇقارانىڭ دەنە شىنىقتىرۋ قاجەتى بارعان سايىن ارتۋدا. بۇدان بىلاي جالپى حالىقتىق دەنە شىنىقتىرۋ قيمىلدارىن كەڭ كولەمدە ورىستەتىپ، جالپى حالىقتىڭ اقاۋسىزدىعى مەن دەنە شىنىقتىرۋىنىڭ توعىسۋىنا كۇش سالىپ، الاڭ قۇرىلعى قۇرىلىستارىن كۇشەيتەمىز،-دەدى.
«الەۋمەتتىك اۋماق دەنەتاربيە جينالىسىن وتكىزۋدەگى باستاپقى ويىمىز — بۇقارانى دەنەتاربيە قيمىلدارىنا قاتىناستىرىپ، دەنساۋلىعىن جاقسارتىپ، تۇرمىسىن بايىتۋ. كەزەكتە، قىس ماۋسىمىنداعى مالتاۋ، قاردا جاياۋ ءجۇرۋ، مۇزدان سىرعاناۋ، شاڭعى قاتارلى مولشەرمەن ون نەشە قيمىل ءتۇرى بار، قىستاعى مول قار-مۇز بايلىعىنان بارىنشا پايدالانىپ، لايىقتى دەنەتاربيە قيمىلدارىن ورىستەتەمىز»،-دەدى گاۋ جىچيڭ.