22-قاراشادا، تيانشان رايونى حۋدۇڭ الەۋمەتتىك اۋماعىنا قاراستى تۇرعىنى جاڭ جيڭ (سولدان ءبىرىنشى) پسيحيكالىق ورنالاستىرۋ جاساۋدا
كەلىن مەن ەنەنىڭ قايشىلىعى، ەرلى-زايىپتىلار اراسىنداعى ۇرىس-كەرىس، قىزمەت تۇرمىسىنىڭ باسىمدىلىعى ... تيانشان رايونى باقىت جولى اۋماعىن باسقارۋ كوميتەتى حۋدۇڭ الەۋمەتتىك اۋماعىنداعى تۇرعىندار وسىنداي ىستەرگە جولىققاندا الەۋمەتتىك اۋماقتاعى پسيحيكالىق كەڭەس بەرۋ ورنىنا بارىپ كەڭەس الۋىنا بولادى.
26-قاراشادا، ءۇرىمجى كاسىپتىك ۋنيۆەرسيتەتىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن شينجياڭ تاينىڭ پسيحيكالىق تاربيەلەۋ مەكتەبى بىرلەسىپ قۇرعان بۇكىل قالا بويىنشا تۇڭعىش رەتكى الەۋمەتتىك اۋماق پسيحيكالىق قىزمەت كورسەتۋ پۋنكتى حۋدۇڭ الەۋمەتتىك اۋماعىندا ماڭدايشالىعىن استى.
الەۋمەتتىك اۋماق پسيحيكالىق قىزمەت كورسەتۋ پۋنكتى قۇرىلعانىن ەستىپ، جاڭ فىن قاتارلى 20 دان استام تۇرعىن كورۋگە كەلدى.
قىزمەت كورسەتۋ پۋنكتىندە الەۋمەتتىك اۋماق قيمىل ءۇيى قۇرىلدى، ەكى پسيحيكالىق قۇم تاباعى ورنالاستىرىلدى، پسيحيكالىق كەڭەس بەرەتىن ءۇش مۇعالىم قىزمەت كورسەتەدى.
ساناققا نەگىزدەلگەندە، ەلىمىزدەگى ادامداردىڭ رۋحاني ناۋقاسقا شالدىعۋ مولشەرى %17.5 ەكەن. ال شينجياڭ رۋحاني دەنساۋلىق ساقتاۋ ورتالىعى، قالالىق ءتورتىنشى حالىق شيپاحاناسى بيىل قاڭتاردان قىركۇيەككە دەيىن امبالاتورياعا كەلگەندەردىڭ سانى 160 مىڭ بولعان.، سوڭعى جىلدارى امبالاتوريا مولشەرى جىلىنا %10 بويىنشا ارتقان.
«ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءۇرىمجى كاسىپتىك ۋنيۆەرسيتەتىنىڭ پارتكوم شۋجيى اسانجان مامەتتىڭ تانىستىرۋىنشا، پارتيا 19-قۇرىلتايىنىڭ بايانداماسى اتاپ كورسەتكەن «قوعامنىڭ پسيحولوگيالىق قىزمەت كورسەتۋ جۇيەسى قۇرىلىسىن كۇشەيتىپ، نامىستى، سەنىمدى جەتىلدىرىپ، ۇستامدى، بەلسەندىلىكپەن العا ۇمتىلاتىن قوعامدىق نيەتتى جەتىلدىرۋ»، بۇدان پسيحيكالىق اقاۋسىزدىققا قىزمەت كورسەتۋ — الەۋمەتتىك اۋماق دەنساۋلىق ساقتاۋ قىزمەت كورسەتۋ قىزمەتىنىڭ ماڭىزدى مازمۇنى ەكەنىن كورۋگە بولادى.
قىزمەت كورسەتۋ پۋنكتى كاسىپتىك ۋنيۆەرسيتەتتىڭ پسيحيكالىق كەڭەس بەرۋ كەڭسەسى كاسىپتىك جابدىقتارىنان پايدالانىپ، كاسىپتىك ۋنيۆەرسيتەت پەن شينجياڭ تاينىڭ پسيحيكالىق تاربيە مەكتەبى ءاركۇنى پسيحيكالىق اقىل-كەڭەس بەرۋشى اقىسىز كەڭەس بەرۋگە ۇيىمداستىرادى، تۇرعىندار الدىن-الا كەلىسۋىنە دە بولادى.
ءبىر تاباق قۇم، ءبىر تەگەنە تازا سۋ، ىشكاپ تولى مودەل. جاڭ فىن سەنبەسەدە تاڭىرقاپ، قۇم تاباقشاسىنىڭ اينالاسىنا ەمدەۋشىنىڭ جەتەكشىلىگىندە مودەلدەردى تىزە باستادى، ول مودەلدەردى تىزە ءجۇرىپ، ەمدەۋشىمەن اڭگىمەلەستى.
مودەلدەردى ءتىزىپ بولىپ، تەرەڭ تىنىستاعان جاڭ فىڭ: «جەڭىلدەپ قالعاندايمىن، عىلىمعا سەنۋ كەرەك، بۇدان كەيىن بىرەر ءىس بولسا وسىندا كەلىپ مودەل تىزەمىن»،-دەدى.
ۇعىسۋعا قاراعاندا، ءۇرىمجى مەملەكەتتىك رۋحاني دەنساۋلىق ساقتاۋ ۋنيۆەرسال باسقارۋ سىناق ءتۇيىنى، بيىل قازاندا، حانزۋ ءتىلى ۇيعۇر ءتىلى پسيحيكالىق كومەك كورسەتۋ لەنياسىن رەسمي اشتى ءارى نەگىزگى ساتى پسيحيكالىق اقاۋسىزدىق قىزمەت كورسەتۋ ورگانىن قۇرا باستادى.
