ءۇرىمجى قالاسىنىڭ تۇرعىنى جاڭ حانىم: مەن 2016 - جىلى 3 - جەلتوقساندا ءبىر نەسيە كارتچكاسىن بىتىرگەن ەدىم، قازىر بۇعان قارىزدانعان اقشام 50 مىڭ يۋانعا جەتىپ، قايتارۋعا شامام كەلمەدى، بانكە كوپ رەت قارىزدى قايتارۋىمدى قۋزادى، قازىر بانكە قوعام حاۋىپسىزدىگى ورگاندارىنا دەلو مالىمدەپ، مەنىڭ قىلمىستىق جاۋاپكەرشىلىگىمدى قۋزاستىرۋدى تالاپ ەتىپ وتىر. نەسيە كارتچكاسىنان قارىز الىپ قايتارماسام، راسىندا، جازاعا تارتىلامىن با؟
بەيجيڭ مىڭكى (شاڭحاي) ادۆوكاتتار ءىسورنىنىڭ ادۆوكاتى لۋ جيانپيڭ بىلاي دەدى: «ەڭ جوعارى حالىق پروكۋراتۋراسىنىڭ، قوعام حاۋىپسىزدىگى مينيسترلىگىنىڭ قوعام حاۋىپسىزدىگى ورگاندارىنىڭ باسقارۋىنداعى قىلمىستىق ىستەر دەلولارىنا دەلو تۇرعىزۋعا ۇستەمە ارىز بەرۋ ولشەمى تۋرالى» بەلگىلەمەسىنە نەگىزدەلگەندە، بوتەن نيەتپەن قارىز الىپ، مولشەرى 10 مىڭ يۋاننان جوعارى بولسا، نەسيە كارتچكاسى الدامشىلىعىن قالىپتاستىرادى. وسى تارماقتا بەلگىلەنگەن «بوتەن نيەتپەن قارىز الۋ» دەگەندە، نەسيە كارتچكا يەسى زاڭسىز يەمدەنۋدى ماقسات ەتىپ، بەلگىلەنگەن شەكتەن نەمەسە بەلگىلەنگەن مەرزىمنەن اسىرىپ قارىز الۋدى ءارى بانكەنىڭ 2 رەت قۋزاۋىنان كەيىن 3 ايدان اسسا دا قايتارماۋدى مەڭزەيدى. «زاڭسىز يەمدەنۋ» دەگەندە، قارىز الۋشى قارىزىن قايتارماي، حالىق سوتى مەكەمەسى زاڭسىز يەمدەنۋ دەپ تۇراقتاندىرسا، نەسيە كارتچكاسى الدامشىلىعىن قالىپتاستىرادى. ەگەر قارىز الۋشى قىلمىس قالىپتاستىرسا، «نەسيە كارتچكاسىن باسقارۋعا كەدەرگىلىك جاساعان قىلمىستىق ىستەر دەلولارىنا زاڭ قولدانۋداعى بىرنەشە ماسەلەلەرگە تۇسىنىكتىڭ» 6 - تارماعىنداعى بەلگىلەمەلەرگە ساي، قوعام حاۋىپسىزدىگى ورگاندارى دەلو تۇرعىزۋدان بۇرىن قارىز الۋشى بارلىق قارىزىن وسىمىمەن قوسا قايتارعان بولسا، ەشقانداي قىلمىس ەستەلىگى قالمايدى؛ قوعام حاۋىپسىزدىگى ورگاندارى دەلو تۇرعىزىپ، حالىق سوتى مەكەمەسى ۇكىم شىعارۋدىڭ الدىندا، قارىز الۋشى العان بارلىق قارىزىن وسىمىمەن قوسا قايتارعان بولسا، كوپ بولعاندا جەڭىلدەتىپ جازالانادى نەمەسە جازاسى كەشىرىم ەتىلەدى. سوندىقتان اقشانى ەرتەرەك قايتارعان سايىن، جاۋاپكەرشىلىك تە ازايادى.
