ساياحاتتىڭ جاڭا كاسىپتەرى بىرتىندەپ ءتىپتى دە جاقسى ورتاعا يە بولدى
ءالقيسا: شينجياڭ ەجەلدەن بەرى تۇلپار مەكەنى. جۋىقتاعى جىلداردان بەرى، اۆتونوميالى رايون جىلقى شارۋاشىلىعىن دامىتۋعا وسكەلەڭ ءمان بەرىپ، جىلقى شارۋاشىلىعىن دامىتۋدى «13-بەسجىلدىق» جوباعا ەنگىزدى. قازىر، شينجياڭ العاشقى ادىمدا جىلقى شارۋاشىلىعىن قۇرىپ، ءناسىلدى جىلقىنى ءوربىتۋ جۇيەسىن دامىتىپ، وسىزامان جىلقى شارۋاشىلىعىنىڭ وزەكتى باسەكەلىك قۋاتى مەن باياندى دامۋدىڭ نەگىزىن ازىرلەپ بولدى ...
«ماۋسىمنان قازانعا دەيىنگى مەزگىل قاۋىرت كەزەڭ، ورتا ەسەپپەن ءبىر اتتان 500 يۋان تابۋعا بولادى. مالشىلار ءبىر قاۋىرت مەزگىلدە 60 مىڭ يۋان تابا الادى، ماڭىمىزداعى ءتىپتى دە كوپتەگەن مالشىلار ءبىزدىڭ اترەتىمىزگە كەلىپ قوسىلعىسى كەلەدى»،-دەدى 6-جەلتوقساندا قاناس جىلقى اترەتىنىڭ اترەت باستىعى سۋ ي-لى.
جۋىقتاعى جىلداردان بەرى، ەكونوميكا، قوعامنىڭ ءۇردىس دامۋىنا ىلەسە، شينجياڭداعى جىلقى شارۋاشىلىعى مادەنيەت ساياحات، باسەكەلىك جارىس قاتارلى سالالارعا اياق باستى. اۆتونوميالى رايوندىق ساياحات دامىتۋ كوميتەتى 2017-جىلى ءساۋىر ايىندا بەلگىلەپ تاراتقان «ساياحاتتىڭ وسىزامان جىلقى شارۋاشىلىعىن دامىتۋ جونىندەگى اتقارۋ پىكىرىندە» جاڭالىق جاراتىپ جىلقى مادەنيەتىن ساياحات كاسىبىمەن توعىسپالى دامىتۋ، جىلقى مادەنيەتىن ساياحات نىساندارىندا قولداۋ تەبىنىن ارتتىرۋ قاتارلى جاقتارداعى 7 ءتۇيىندى مىندەتتەردى بەلگىلەپ، شينجياڭداعى جىلقى مادەنيەتى ساياحات كاسىبى بۇرىن-سوڭدى بولىپ كورمەگەن ورايلارعا يە بولدى.
سۋ ي-لىنىڭ جىلقى اترەتى سياقتى، 4 ايدا ءبىر جىلقىدان نەشە ون مىڭ يۋان تاباتىن مالشىلار دا از ەمەس. 2017-جىلدىڭ سوڭىندا، التاي ايماعىنىڭ قاناس قومىنداعى جەرگىلىكتى مالشىلاردىڭ جىلقىلارىنان قۇرام تاپقان 530 جىلقى، ساياحاتشىلاردىڭ مىنۋىنە، سۋرەتكە تۇسۋىنە، جۇك تاسۋىنا دايارلانىپ، قاناس، قومداعى ەرەكشە ءبىر كورىنىسكە اينالعان. بۇل شينجياڭداعى جىلقى شارۋاشىلىعى + ساياحات دامىتۋ، حالىقتى يگىلىككە كەنەلتۋدەگى شاعىن كورىنىسى عانا.
ىلە قازاق اۆتونوميالى وبلىسى موڭعۇلكۇرە اۋدانىنا 2003-جىلى مەملەكەتتىك اۋىل شارۋاشىلىق مينيسترلىگى جاعىنان «جۇڭگوداعى تۇلپار مەكەنى» اتاعى بەرىلگەن. 2009-جىلدان باستاپ، موڭعۇلكۇرە اۋدانى «تۇلپار مەكەنىندەگى حالىقارالىق ساياحات مەرەكەسىن» ىلگەرىندى-كەيىندى وتكىزىپ، بۇكىل ەلىمىزدىڭ، ءتىپتى دۇنيە جۇزىندەگى ات ونەرى سپورت اۋەسكەرلەرى مەن ساياحاتشىلاردىڭ نازارىن اۋداردى.
بۇراتالا موڭعۇل اۆتونوميالى وبلىسى، تارباعاتاي ايماعى، سانجى حۇيزۋ اۆتونوميالى وبلىسى، قۇمىل قالاسى باركول اۋدانى قاتارلى جەرلەر ات بايگەسىن نەگىزگى تاقىرىپ ەتكەن ساياحات قيمىلدارىن وتكىزىپ، ات ويىنى، ات ءمىنىپ ساياحاتتاۋ، اتقا ءمىنىپ فوتوعا ءتۇسۋ قاتارلى ساياحات ونىمدەرىن بار كۇشپەن جالىپلاستىردى جانە اشتى.
ءبىز جىلقى مادەنيەتى ساياحات ونىمدەرىن جاراتۋ جاقتارىنا بارىنشا كۇش شىعاردىق. مىسالى: تيانشان تاۋ سىلەمى، التاي تاۋ سىلەمى ارقىلى 5-3 جىلقى ساياحاتىنىڭ سارا ونىمدەر جولىن اشتىق. ساياحات كاسىبىنىڭ دامۋى، «ساياحات +» ينجەنەرياسىن اتقارۋ، ساياحات جانە مادەنيەتتى ورتاق ىلگەرىلەتۋ، دەنەتاربيەنىڭ ىشكەرىلەي توعىسۋى، ساياحات جاڭا كاسىپتەرىن جەتىلدىرۋگە ىلەسە، كوپ ارنامەن جىلقى مادەنيەت ساياحات كاسىبىن دامىتۋ بولاشاقتاعى شينجياڭ جىلقى مادەنيەت ساياحات كاسىبىن دامىتۋدىڭ ماڭىزدى باعدارى.
