ءتىلشىمىز جيا چۇنشيا
22 - جەلتوقسان − قىسقى توقىراۋ كۇنى. «بايىرعى قىستاقتى ارالاۋ، ءدامدى تاعامداردان اۋىز ءتيۋ، اۋىلدى ەسكە الۋ» تاقىرىبىنداعى موريدىڭ ءداستۇرلى سالت - سانا ساياحات مەرەكەسى جانە 2 - كەزەكتى اۋىل - قىستاق تانىمال اسپاز جارىسى موري قازاق اۆتونوميالى اۋدانى ىڭگىبۇلاق اۋىلىنىڭ يۋەلياڭدي قىستاعىندا وزگەشە سالتاناتپەن باستالدى. شوشىرە ءتۇيىپ، قىسقى توقىراۋ اسىن ءىشۋ؛ شارۋالار وتباسىندا تۇستەنىپ، اۋىل - قىستاقتىڭ قۋىرماشتارىنان اۋىز ءتيۋ؛ اۋەلەگەن چينچياڭ تەاترىن، شينجياڭنىڭ ءان - جىرىن تاماشالاۋ... وسى سياقتى جەلىلەس، باي مازمۇندى قيمىلدار بۇكىل قىستاقتى دۋمانعا بولەپ، ساياحاتشىلاردى قىزىققا باتىردى.
ءىس جۇزىندە، مۇنداي قىزىقتى ساياحات كورىنىستەرى بيىل شينجياڭنىڭ جەر - جەرىندە ءورىس الدى. 2017 - جىلى شينجياڭنىڭ ساياحات شارۋاشىلىعى تاريحي دامۋدىڭ ەڭ تاماشا مەزگىلىنە قادام تاستادى.
اۆتونوميالى رايوندىق ساياحات شارۋاشىلىعىن دامىتۋ كوميتەتىنىڭ قاتىستى ساندى مالىمەتتەرىنە قاراعاندا، 5 - قازانعا دەيىن شينجياڭ بويىنشا جالپى 100 ميلليون 250 مىڭ (رەت) ساياحاتشى قابىلدانىپ، 2017 - جىلى ەل ءىشى - سىرتىنان 100 ميلليون (رەت) ساياحاتشى قابىلداۋ نىساناسى كۇنى بۇرىن ورىندالعان؛ بيىل قاڭتاردان قاراشاعا دەيىن اۆتونوميالى رايون رايون بويىنشا 105 ميلليون 610 مىڭ (رەت) ساياحاتشى قابىلدانىپ، بىلتىرعى سول تۇستاعىدان %32 ارتىپ، ساياحاتتىق جالپى تۇتىنۋ 179 ميلليارد 100 ميلليون يۋانعا جەتىپ، بىلتىرعى سول تۇستاعىدان %27 ارتىپ، قابىلدانعان جالپى ساياحاتشى سانى مەن ساياحاتتىق جالپى تۇتىنۋ مولشەرى تاريحتاعى ەڭ جوعارى دەڭگەيگە جەتكەن.
جاڭا سالا، جاڭا قالىپ، جاڭا ءونىم ارقىلى قامداۋدى بايىتتى
كەزەكتە اۆتونوميالى رايونىمىزدىڭ ساياحات بازارىندا وزگەشە جالىندى، ومىرشەڭ بەينە بايقالۋدا. بيىل اۆتونوميالى رايونىمىزدىڭ ساياحات شارۋاشىلىعى «جالپى وڭىرلىك ساياحاتتى» ءتۇيىن ەتىپ، ساياحاتتىڭ دامۋ فورماسىندا جەدەل بۇرىلىس جاساپ، ساياحاتتىڭ قامداۋ جاعىنداعى قۇرىلىمدىق رەفورماسىن كۇش سالا العا ىلگەرىلەتىپ، جاڭا سالا، جاڭا قالىپ، جاڭا ءونىم ارقىلى قامداۋدى ۇزبەي بايىتىپ، «ءىرى ساياحات جاعدايىن» تۇلعالادى.
2017 - جىلى كوكتەم مەرەكەسى كەزىندەگى التىن اپتالىقتا جالپى ساياحاتشى مولشەرى مەن ساياحات كىرىسى تۇگەلدەي تاريحتاعى ەڭ جوعارى دەڭگەيگە جەتتى؛ قۇربان ايت كەزىندەگى قىسقا دەمالىس كەزىندە شينجياڭنىڭ جالپى ساياحاتشى مولشەرى مەن ساياحاتتىق تۇتىنۋ مولشەرى تاعى دا تىڭ دەڭگەيگە جەتتى؛ «1 - قازان» ۇزاق دەمالىس كەزىندە، شينجياڭنىڭ جالپى ساياحاتشى مولشەرى مەن ساياحاتتىق تۇتىنۋ مولشەرى تاعى تاريحتاعى ەڭ بيىك دەڭگەيگە جەتتى...
بيىل شينجياڭنىڭ ساياحات شارۋاشىلىعىندا مەيلى ارتۋ قارقىنى جاعىنان بولسىن، الدە ساپالىق قۇرىلىمى جاعىنان بولسىن، تۇگەلدەي اقاۋسىز، تاماشا جاعداي ايگىلەندى.
شينجياڭنىڭ ساياحات بايلىعى مەن بازارىنىڭ كومەسكى كۇشىن بايقاعان ءىرى كاسىپورىندار، توپتار، ساياحاتتىق جەتەكشى كاسىپورىندار شينجياڭعا ىركەس - تىركەس ىرگە تەۋىپ، ساياحات نىساندارىنا بەلسەنە قارجى قوستى. 2017 - جىلى شينجياڭدا ساياحات نىسانىنان 436سىن سالۋ، ءبىر جىلدىڭ ىشىندە 25 ميلليارد 300 ميلليون يۋان قارجى سالۋ جوسپارلانعان. ءبىر جىلدىڭ ىشىندە 73 نىسانعا 100 ميلليون يۋاننان استام قارجى قوسىلعان. بيىل قازان ايىنا دەيىن جالپى 20 ميلليارد 500 ميلليون يۋان قارجى سالىنعان. مۇنىڭ ىشىندە حالىقتىق كاپيتالمەن قارجى قوسۋ مولشەرى شامامەن %70تى ۇستاعان. وسى نىسانداردىڭ سالىنىپ بولىپ پايدالانۋعا بەرىلۋىنە ىلەسە شينجياڭنىڭ ساياحات شارۋاشىلىعىنىڭ دامۋ ساپاسى كورنەكتى جوعارىلايتىن بولادى.
سونىمەن قاتار، رايونىمىزداعى بۇقارانىڭ تۇرمىس ساپاسىنا ىقپال جاسايتىن ولقىلىقتاردى ونان ارى تولىقتىرۋ ءۇشىن، اۆتونوميالى رايوندىق ساياحاتتى دامىتۋ كوميتەتى «دارەتحانا توڭكەرىسىنىڭ» جاڭا 3 جىلدىق ارەكەت جوسپارىن باستادى، 2018 - جىلدان 2020 - جىلعا دەيىن بۇكىل رايونىمىزدا ساياحات دارەتحاناسىنان 653ىن جاڭادان سالاتىن بولدى.
«ساياحاتتى دامىتۋ ءۇشىن، دارەتحانا توڭكەرىسىن جۇرگىزۋ كەرەك». اۆتونوميالى رايوندىق ساياحاتتى دامىتۋ كوميتەتىنىڭ قاتىستى جاۋاپتىسى: رايونىمىز دارەتحانا قۇرىلىسىن تۇتقا ەتە وتىرىپ، ساياحات نەگىزدىك قۇرىلعىلارىنداعى ولقىلىقتاردى قۇلشىنا تولىقتىرۋ كەرەك. ساياحات كاسىبىنە قاتىستى سايكەستى نەگىزدىك قۇرىلعىلاردى كۇش سالا سالىپ، ساياحات الەۋمەتتىك قىزمەت وتەۋدىڭ كەمەلدى جۇيەسىن ۇزدىكسىز ورناتىپ، ساياحاتشىلاردىڭ ءتىپتى حاۋىپسىز، جايلى، ءونىمدى ءجۇرىپ - تۇرۋىنا مۇمكىندىك جاساۋ كەرەك، - دەدى.
كوپ ءتۇرلى كاسىپتەر توعىسا وتىرىپ «ساياحات +» تى دامىتتى
ساياحاتتىڭ زور دامۋىن ءتىپتى جاقسى ىلگەرىلەتۋ ءۇشىن، اۆتونوميالى رايوندىق ساياحاتتى دامىتۋ كوميتەتى قاتىناس، تەمىر جول، ازاماتتىق اۆياتسيا، مەملەكەت جەر بايلىعى، دەنە تاربيە، مادەنيەت سياقتى كوپتەگەن تاراۋمەن بايلانىستى ىرىقتىلىقپەن كۇشەيتىپ، «ساياحات +»تى كۇش سالا دامىتتى، كوپ ءتۇرلى كاسىپ سالاسىنىڭ توعىسا دامۋ اۋقىمى تەز قالىپتاسىپ كەلەدى.
ساياحات سالاسىنداعى كاسىبي تۇلعالاردىڭ نازارىندا، «ساياحات +» قامداۋ جاعىنداعى ولقىلىقتاردى ءونىمدى تۇردە تولىقتىرىپ، ەكونوميكانىڭ جاڭا ارتۋ تۇيىندەرىن جەتىلدىرە الادى.
شينجياڭنىڭ ساياحات تاراۋلارى مەن تەمىر جول تاراۋلارى سەلبەسىپ، «شينجياڭدى پويەزبەن ساياحاتتاۋ» سىندى ساياحات ماركاسىن جارىققا شىعاردى، بيىل «سولتۇستىك شينجياڭعا ساياحات»، «عاجايىپ وتتى القاپ» سياقتىلار اتىنداعى ەل ءىشى ساياحات پويەزىنەن بەسەۋىن ىركەس - تىركەس جولعا شىعارىپ، شينجياڭ ساياحاتىنىڭ دۋمانىن ونان ارى اسىردى. «جينحى»، «يۋەشين»، «ىبو»، «لۇڭتاي» «جىجياڭ - اقسۋ»... بيىل جىل باسىنان بەرى ساياحات ارناۋلى پويەزدارى تيانجين، گۋاڭدۇڭ، حۋبەي، حيلۇڭجياڭ، سانشي، جىجياڭ سياقتى شينجياڭعا كومەكتەسۋشى ولكە، قالالاردان شينجياڭعا ساياحاتشىلاردى تاسىدى؛ «<سولتۇستىك شينجياڭعا ساياحات> اتتى ارناۋلى ساياحات پويەزى بيىل 260 رەت قاتىناپ، 300 مىڭعا (رەت) تاياۋ جولاۋشىنى تاسىدى». ءۇرىمجى تەمىر جول حالىقارالىق ساياحات كووپەراتيۆىنىڭ ورىنباسار باس مەڭگەرۋشىسى جۋ لەي مىنانى ايتتى: كەلەر جىلى «سولتۇستىك شينجياڭعا ساياحات» ارناۋلى ساياحات پويەزى 500 رەت قاتىنايدى، قاتىنايتىن ساياحات ارناۋلى پويەزدارىنىڭ جالپى سانى 1000عا جەتىپ، «تەمىر جول + ساياحات» توعىسپالى دامۋىنىڭ جاڭا ۇلگىسى قالىپتاسادى؛
تارىمدى اينالۋ راللي جارىسى، سايرام كولىن اينالۋ ۆەلوسيپەد جارىسى سياقتى ءبىر قىدىرۋ سپورتتىق جارىستار ارقىلى اۆتونوميالى رايوندىق ساياحاتتى دامىتۋ كوميتەتى مەن اۆتونوميالى رايوندىق دەنە تاربيە مەكەمەسى ساياحات پەن سپورتتىڭ تەرەڭ توعىسپالى دامۋىن ىلگەرىلەتەدى؛
جۇڭگو جىلجىمالى حابارلاسۋ سەرىكتەستىگىمەن، جۇڭگو تەلەگراف سەرىكتەستىگىمەن سەلبەسىپ، ساياحاتتىڭ ينفورماتسيالانۋ قۇرىلىسىن بىرگە ىلگەرىلەتەدى؛ اۋىل شارۋاشىلىعى تاراۋلارىمەن سەلبەسىپ، اۋىل - قىستاق ساياحاتىنان ۇلگى كورسەتۋ ورىندارىن قۇرۋ قىزمەتىن بىرگە باستايدى؛
تۇرعىن ءۇي، قالا قۇرىلىسى تاراۋىمەن سەلبەسىپ، ەرەكشە شاعىن قالاشىق قۇرىلىسىن قاۋىرت ىلگەرىلەتەدى؛
كەدەيلەردى سۇيەمەلدەۋ تاراۋىمەن سەلبەسىپ، ساياحات جاعىندا كەدەيلەردى دالمە - ءدال سۇيەمەلدەۋدەن ۇلگى كورسەتۋ جانە سىناق ءتۇيىن قىزمەتىن ىلگەرىلەتەدى؛
...
مىنە مۇنىڭ بارلىعى شينجياڭنىڭ ساياحات كاسىبىنىڭ دامۋىن پارمەندى تۇردە ىلگەرىلەتتى.
بۇگىندە ساياحات پەن وعان قاتىستى كاسىپتەردىڭ تەرەڭ توعىسپالى دامۋى جەدەل ىلگەرىلەتىلىپ، ۇلكەن ساياحات اۋقىمى جەدەل قالىپتاسۋدا. «كەڭ - بايتاق دالا، شەكسىز كورىنىس! شينجياڭ جاقسى جەر» سىندى ساياحات ماركاسى جۇرت جۇرەگىنە تەرەڭ ۇيالاپ كەلەدى.
جالپى ءوڭىر ساياحاتىنان جالپى حالىق تەڭ يگىلىكتەندى
كەزەكتە اۋىل شارۋاشىلىعى ساياحاتى، جەكە كولىكپەن ساياحاتتاۋ، تىنىعىپ كۇتىنۋ، جوعارى قارقىندى تەمىر جول، كەرۋەن ساراي سياقتى جاڭا كۇي، جاڭا ونىمدەردىڭ مولداپ ازىرلەنۋىنە بايلانىستى، رايونىمىزدىڭ ساياحات كاسىبى جالپى حالىق ساياحاتىنا جانە جەكە ساياحاتتى، دەربەس ساياحاتتى نەگىزگى ەتكەن جاڭا كەزەڭگە قادام تاستادى.
«ءداستۇرلى كورىنىستىك تۇيىندەر ساياحاتى ۇلگىسى وسى زامانعى ۇلكەن ساياحاتتىڭ دامۋ قاجەتىن قاناعاتتاندىرا المايتىن بولدى، بۇل ءبىزدىڭ ساياحاتتى دامىتۋ ستراتەگياسىنىڭ ورنىن تاعى دا تۇراقتاندىرىپ، كورىنىستىك تۇيىندەر ساياحاتى ۇلگىسىنەن جالپى ءوڭىر ساياحاتى ۇلگىسىنە قاراي ويىسۋدى جەدەل ىلگەرىلەتۋدى تالاپ ەتەدى»، - دەيدى اۆتونوميالى رايوندىق ساياحاتتى دامىتۋ كوميتەتىنىڭ جاۋاپتىسى. ءار دارەجەلى پارتكومدار، ۇكىمەتتەر جالپى ءوڭىر ساياحاتىن دامىتۋ جونىندە جالپى بەتتىك ورتاق تانىم قالىپتاستىردى، جالپى ءوڭىر ساياحاتىنان ۇلگى كورسەتۋ وڭىرلەرىن قۇرۋ ءبىرتالاي ايماق، وبلىس، قالا، اۋدانداردىڭ ءبىرىنشى باسشى ينجەنەرياسىنا اينالىپ، كوپتەگەن تاراۋ بىرلەسىپ ءوزارا توعىسۋ، بىرگە ىلگەرىلەتۋ سىندى دامۋ اۋقىمى قالىپتاستى.
بۇراتالا موڭعۇل اۆتونوميالى وبلىسى «جالپى ءوڭىر ساياحاتى، جالپى كورىنىستى تاماشالاۋ، جالپى فاكتورلار بويىنشا دەمالىس وتكىزۋ» ۇلگىسى بويىنشا جالپى ءوڭىر ساياحاتىن دامىتتى، سوڭعى 4 جىلدان بەرى، ساياحات كىرىسى جىلىنا ورتا ەسەپپەن %40تىڭ ۇستىندە ارتىپ، ساپا مەن تيىمدىلىك بىردەي جوعارىلاتىلدى.
سانجى حۇيزۋ اۆتونوميالى وبلىسى كورىكتى اۋىل - قىستاق ساياحاتى تاقىرىبى توڭىرەگىندە، ەرەكشە ساياحاتتى، ساياحات ونىمدەرىن، سونداي - اق ساياحات جەلىلەرىن بىرىكتىرىپ جالپىلاستىرىپ، ساياحات كاسىبىنىڭ جالپى مەزگىل، جالپى ماۋسىم بويىنشا دامۋىن ىلگەرىلەتىپ، جىك - جىكپەن توعىستىرىپ، بۋىن - بۋىن بويىنشا قابىستىرىپ، جالپى ءوڭىر ساياحاتىنىڭ جاعدايى العاشقى قادامدا قالىپتاستى.
قارامايلى قالاسى ساياحات كاسىبى رەفورماسىندا جاڭالىق اشۋدى الدىمەن جولعا قويۋ رايونى قۇرىلىسىن ىلگەرىلەتىپ، جالپى ءوڭىر بايلىعىن، جاپپاي ورنالاستىرۋدى، جالپى الاپتا جارىققا شىعارۋدى، جالپى حالىقتىڭ ات سالىسۋىن ىسكە اسىردى.
قۇلجا اۋدانى ءتورت ماۋسىم ساياحاتى ءۇردىسىن بەلسەنە ورىستەتتى؛ شيحۋ قالاسى جالپى ءوڭىر ساياحاتىنان ۇلگى كورسەتۋ ءوڭىرىن قالىپتاستىردى...
جالپى ءوڭىر ساياحاتىنا جالپى حالىق ات سالىسىپ، جالپى حالىق بىرگە يگىلىكتەندى. جالپى ءوڭىر ساياحاتىنىڭ دامۋى ساياحاتتىڭ ىلگەرىلەتۋ قۋاتىن، توعىستىرۋ قابىلەتىن مۇمكىندىكتىڭ بارىنشا ساۋلەلەندىرىپ قانا قويماي، قاتىستى كاسىپتەر مەن سالالاردىڭ دامۋىنا دا جاڭا قوزعاۋشى كۇش ۇستەپ، «ءبىر كاسىپتىڭ گۇلدەنۋى ءجۇز كاسىپتى جاندانۋعا جەتەكتەۋ» سىندى دامۋ اۋقىمىن قالىپتاستىردى.
بۋىرشىن اۋدانى ساياحاتقا سايكەستىرىپ قوناقجاي كاسىبىن، اس - سۋ كاسىبىن اشۋ، ساياحات تاۋارلارىن ساتۋ سياقتىلار ارقىلى جەرگىلىكتى ورىننان 10 مىڭعا تاياۋ ادامنىڭ جۇمىسقا ورنالاسۋ ماسەلەسىن شەشتى؛ كوكتوعاي اۋدانى ساياحاتقا سايكەستىرىپ كيىز ءۇي تىگۋ ارقىلى 100دەن استام قازاق مالشى وتباسىنىڭ جۇمىستانىپ كىرىستى ارتتىرۋ ماسەلەسىن شەشتى؛ قاشقار قالاسى ەرەكشە ۇلتتىق عۇرىپ - ادەت كوشەسى ارقىلى 20 مىڭ ادامدى جۇمىسقا ورنالاستىردى...
بۇگىندە ءتىپتى كوپ بۇقارا ساياحاتتان تابىس تاۋىپ، جالپى ءوڭىر ساياحاتىنىڭ دامۋىنىڭ پايداسىنان بىرگە يگىلىكتەنىپ وتىر.
