ەركىنبەك وكەن ۇلى حابارلايدى. نىلقى اۋدانىنىڭ مىس اۋىلى ۇتى قىستاعىنداعى ءار ۇلت حالقى اۆتونوميالى رايوننىڭ ۇلتتار ىنتىماعى بويىنشا «تۋىستاسۋ اپتالىعى» قيمىلى بايلانىسىمەن ۇيلەرىنە كەلگەن تۋىستارىن قۇشاق جايا قارسى الىپ، قىستاق ۇيىمىنىڭ ءبىر تۇتاس ورنالاستىرۋىمەن بارلىعى ءبىر اراعا باس قوسىپ، جاڭا جىل قۋانىشىن بىرلىكتە تويلادى.
قيمىلدا، قىستاق تۇرعىندارى وزدەرى دايىنداعان الۋان ءتۇرلى، باي مازمۇندى ويىن نومىرلەرى ارقىلى پارتيا 19 - قۇرىلتايىنىڭ باستى تاقىرىبىن، 5 جىلدان بەرگى قولعا كەلتىرگەن تابىستاردى، ەكولوگيالى اۋىل - قىستاق قۇرۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مازمۇندارىن، پارتيا 18 - قۇرىلتايىنان بەرگى ءار ۇلت حالقىنىڭ «توننىڭ ىشكى باۋىنداي» تىعىز ىنتىماقتاسىپ بۇكىل الەمدى جالت قاراتقان كەرەمەت تابىستارىن، مەكەندەگى زور وزگەرىستەردى، ەكونوميكا مەن قوعام دامۋىن، ۇلتتاردىڭ ۇلى ىنتىماعىن، پارتيانىڭ باسشىلىعىنا دەگەن شىنايى سۇيىسپەنشىلىگىن، بۇگىنگى «قوي ۇستىنە بوزتورعاي جۇمىرتقالاعان» بەيبىت كۇندى، پارتيانىڭ شۇعىلالى تاريحىن، پارتياعا، وتانعا دەگەن شەكسىز العىستارىن، پارتيا مەن ۇكىمەتتىڭ اۋىل - قىستاققا باعىتتاعان ءتۇرلى ءتيىمدى ساياساتىنىڭ جەبەۋىندە، تۇرمىسى بارعان سايىن جاقسارعان ەگىنشى - مالشىلاردىڭ باي - باقىتتى، شالقىعان داۋلەتتى تۇرمىسىن اسقاقتاتا جىرلادى ءارى ازاتتىق پەن باقىت جولىندا كۇرەسىپ بۇگىنگى بەيبىت كۇنگە قول جەتكىزگەن، پارتيانىڭ شۇعىلالى تاريحىن ەسكە الىپ، پارتياعا، وتانعا دەگەن شەكسىز العىستارىن، پارتيامەن ماڭگى بىرگە بولاتىن بەرىك سەنىمدەرىن ءبىلدىردى.
ۇتى قىستاعىنداعى قارت پارتيا مۇشەسى جۇماقان: «بۇگىن قىستاقتاعى جاڭا جىلدى قارسى الۋ بايلانىسىمەن وتكىزىلگەن قيمىلعا قاتىناسىپ قاتتى قۋانىپ تۇرمىن، قىستاعىمىزداعى ونەرپازداردىڭ وزدەرى دايىنداعان ويىن نومىرلەرى ارقىلى ورتامىزداعى وزگەرىستەر مەن دامۋدىڭ زور ەكەندىگىن ءتۇسىندىم. اسىرەسە، پارتيا 19 - قۇرىلتايىندا ورتاعا قويىلعان ءتيىمدى ساياساتتاردى، ماڭايداعى تىڭ وزگەرىستەرمەن بىرلەستىرىپ، قاراپايىم دا ۇعىنىقتى ولەڭ جولدارىمەن جەتكىزدى. تۋىستار ءوزارا سىرلاسىپ، ءبىر - ءبىرىمىزدىڭ قيىنشىلىعىمىزعا كومەكتەسىپ، دامۋدىڭ داڭعىل جولىنا تۇسۋگە سەنىم بايلاستىق. پارتيا مەن ۇكىمەتتىڭ قامقورلىعىنا العىسىم شەكسىز»،- دەدى.
ءتىلشىنىڭ قىزمەت ورنى : نىلقى اۋدانى مىس اۋىلدىق پارتكوم ۇگىت كەڭسەسى
