ساۋلەتقان مۇقتاربەك قىزى حابارلايدى. جۋىردا قوبىقسارى موڭعۇل اۆتونوميالى اۋداندىق ورگان ىستەرى قىزمەت كوميتەتى، اۋداندىق ايەلدەر بىرلەستىگى، اۋداندىق جۇمىسشىلار ۇيىمى جانە عىلىم - تەحنيكا مەكەمەسى قاتارلى 4 ورىن بىرلەسىپ، پارتيا 19 - قۇرىلتايى بىلىمدەرىنەن زەيىن سىناۋ جارىسىن وزدىردى. جارىسقا 17 ورىن قاتىناسقان بولىپ، پارتيا 19 - قۇرىلتايىنىڭ بايانداماسى نەگىزگى مازمۇن ەتىلىپ، العاشقى جارىس جانە شەشۋشى جارىس دەپ ءبولىنىپ ءجۇرىلىپ، 8 مەكەمە ورىن شەشۋشى جارىسقا قاتىناستى. جارىس ارقىلى قۇرىلتاي مازمۇنىن ىشكەرىلەي يگەرىپ ۇيرەنىپ، ۇگىتتەپ، دايەكتىلەندىرىلدى.
تۇستەن كەيىنگى شەشۋشى جارىستا «اۆتونوميالى رايوندىق ۇلتتار ىنتىماعىنىڭ وزاتى»، «قوبىقسارى اۋداندىق ەڭبەك وزاتى» دارحانشى سۋپتى، قوبىقسارى اۋداندىق «8 - مارت ايەلدەر قىزىلتۋشىسى» سەرجا، قوبىقسارى اۋداندىق جاستار كوميتەتى ەرىكتىلەر اترەتىنىڭ مۇشەسى سانجىما ۇگىت - لەكسيا جاسادى.
جەكە دارا جاۋاپ بەرۋ، توپتىق جاۋاپ بەرۋ، تۇجىرىم جاساۋ، تالاسىپ جاۋاپ بەرۋ، ۇزىن سۇراقتارعا جاۋاپ بەرۋ سىندى فورمالار ارقىلى ەڭ سوڭىندا شۇيكۋاڭ ساۋىر ەنەرگيا سەرىكتەستىگىنىڭ ۋاكىلدەرى باس جۇلدەرگەرلىكتى جەڭىپ الدى.
ءتىلشىنىڭ قىزمەت ورنى: قوبىقسارى موڭعۇل اۆتونوميالى اۋداندىق پارتكوم ۇگىت ءبولىمى
