جەڭىسحان اسقار ۇلى، اۋاحان تۇراپ قىزى حابارلايدى. ساۋان اۋداندىق ورمان شارۋاشىلىق مەكەمەسىنەن ۇعىسۋىمىزشا، ساۋان اۋدانى مىڭبۇلاق سازدىق باقشاسى مەملەكەتتىك تەكسەرىپ وتكىزىپ الۋدان ءساتتى ءوتىپ، مەملەكەتتىك ورمان مەكەمەسى جاعىنان شينجياڭ ساۋان مىڭبۇلاق سازدىق باقشاسى دەگەن اتقا يە بولدى.
مەملەكەتتىك مىڭبۇلاق سازدىق باقشاسى 2013 - جىلى مەملەكەتتىك ورمان مەكەمەسىنىڭ بەكىتۋى ارقىلى سىناق ءتۇيىن ورنى بولىپ بەلگىلەنىپ، قۇرىلىس جۇرگىزگەننەن بەرى، ساۋان اۋداندىق پارتكوم مەن ۇكىمەت ەرەكشە ءمان بەرىپ، «ورتانى قورعاۋدى الدىڭعى ورىنعا قويۋ، عىلمي تۇردە قالىپىنا كەلتىرۋ، لايىقتى اشۋ، ۇيلەسىمدى پايدالانۋ» نەگىزگى پرينسيبى بويىنشا، سازدىق جەردى بۇرىنعى قالىپىنا كەلتىرۋگە بارىنشا كۇش شىعاردى.
مەملەكەتتىك مىڭبۇلاق سازدىق باقشاسى تابيعي قالىپتاسقان سازدى جەر. قۇربانتۇڭعۇت ءشولىنىڭ ورتا بولەگىندەگى ەڭ ءىرى ەكولوگيالىق سازدىق جەر كورىنىسى، 3000 نەشە كىشكەنە بۇلاقتان پايدا بولعان ءارى سول ەرەكشەلىگىمەن وسىلاي اتالعان. سازدى جەر مولشەرى 59.9 پايىزدى يەلەيدى، رەسمي ات قويىلعاننان كەيىن، ساۋان اۋدانىنىڭ ەكولوگيالىق وركەنيەت قۇرىلىسىن جەبەپ، قالا قۇرىلىسىنىڭ وبرازىن جوعارىلاتۋدا بەلسەندى رول اتقارادى.
تىلشىلەردىڭ قىزمەت ورنى: ساۋان اۋداندىق مادەنيەت - دەنەتاربيە مەكەمەسى
