8-قاڭتاردا، تۇرپان اۋەجايىنان ۇعىسۋىنشا، تۇرپان اۋەجايىنان تۇرپان جۇردەك پويەز بەكەتى اراسىندا اقىسىز تاسىمال لەنياسى سول كۇنى اينالىمعا قوسىلىپتى.
2017-جىلدان باستاپ،تۇرپان يارعول اۋەجايىندەگى جولاۋشىلاردىڭ سانى تەز قارقىندا ارتتى. ساناققا قاراعاندا، جىل بويى جولاۋشى تاسۋ سانى 140 مىڭ ادام رەتكە جەتكەن. جولاۋشىلار سانىنىڭ كۇن سايىن ارتۋىنا ىلەسە،جولاۋشىلارعا قولايلىلىق جاراتۋ ءۇشىن، جۇردەك پويەز بەكەتى مەن تۇرپان اۋەجايىنىڭ اراسىنداعى ۋاقىتتى قىسقارتىپ، قولايلى قاتىناس اۋىستىرۋدى ماقسات ەتە وتىرىپ، تۇرپان اۋەجايىنىڭ اۋە-تەمىر جول جاياۋلار جولىن سالۋ نەگىزىندە، اقىسىز تاسىمال لەنياسىن ىسكە قوستى.
بۇدان تىس، تۇرپان اۋەجايىنان تۇرپان جۇردەك پويەز بەكەتى اراسىندا جاياۋلار جولىن سالدى، ۋاقىتى جەتكىلىكتى ءارى جاياۋ ءجۇرۋدى قالايتىن جولاۋشىلار جاسىل جاياۋلار جولىمەن ەكى ارانىڭ ورتاسىندا قاتىناس الماستىرا الادى. بۇل جاياۋلار جولىنىڭ ۇزىندىعى 1200 مەتر بولىپ، جاياۋ جۇرۋگە 12 مينۋت ۋاقىت كەتەدى.
