بۇرىن، بۇقارا 12315 نومىرىنە جالعاسا ءۇي ساتۋ ساپاسى، ازىق - تۇلىك ساپاسىندا ماسەلە شىقسا شاعىم ايتاتىن، 12315 لەنياسىنداعى قابىلداعان ادام ادەتتە تۇتىنۋشىلارعا باسقا قاتىستى تاراۋلاردىڭ ءنومىرىن ايتىپ بەرەتىن، ويتكەنى بۇل شاعىم 12315 ءنومىرىنىڭ قىزمەت وتەۋ كولەمىنە جاتپايتىن.
قازىردەن باستاپ، تۇتىنۋشىلار ءۇي ساتىپ الۋ ماسەلەسىندە، ازىق - تۇلىك ساتىپ الۋ ماسەلەسىندە دە 12315 نومىرىنە جالعاۋىنا بولادى، تەلەفون قابىلداۋشى قاتىستى ينفورماتسيانى كىرگىزگەننەن كەيىن اۆتونوميالى رايوندىق تۇتىنۋشىلاردىڭ ۇقىعىن قورعاۋ توراپ قىزمەت وتەۋ تۇعىرى، ۇقىق قورعاۋ مەحانيزمى ارقىلى قاتىستى تاراۋلارعا جەتكىزەدى.
قازىر، رايونىمىز 12315 اۆتونوميالى رايوندىق قاتىناس تاسىمال مەڭگەرمەسى، اۆتونوميالى رايوندىق ازىق -تۇلىك، ءدارى - دارمەك باقىلاۋ مەكەمەسى، اۆتونوميالى رايوندىق پوچتا مەكەمەسى، اۆتونوميالى رايوندىق حابارلاسۋ باسقارۋ مەكەمەسى، اۆتونوميالى رايوندىق ساپا باقىلاۋ - باسقارۋ مەكەمەسى، اۆتونوميالى رايوندىق تۇرعىن ءۇي قالا اۋىل قۇرىلىسى مەڭگەرمەسى قاتارلى 8 كاسىپتىڭ تاراۋلاردىڭ تۇتىنۋشىلارىنىڭ ارىز - شاعىمىن قابىلدايدى، بولاشاقتا 31 تاراۋعا كەڭەيەدى. بيىل اۆتونوميالى رايوندىق ونەركاسىپ مەكەمەسى «ونەركاسىپ ساۋدا كەڭەسشىسىن» ءتۇيىندى قۇردى، تۇتىنۋشىلار 12315 عا جالعاسا تۇتىنۋداعى ارىز-شاعىم ايتىپ قانا قالماي، كاسىپورىندى تىزىمگە الدىرۋ، تىركەۋ، كاسىپورىندى باسقارۋ قاتارلى جۇمىستاردان كەڭەس الۋىنا بولادى.
2017 - جىلى رايونىمىز 12315 قابىلداعان كەڭەس بەرۋ، اشكەرەلەۋ 276 مىڭ 700 پارشا، تۇتىنۋشىلارعا قايتارىپ بەرگەن ەكونوميكالىق شىعىن 60 ميلليون 977 مىڭ 200 يۋان بولعان.