گۇلنار ءاۋساي قىزى حابارلايدى. جۋىردان بەرى شىڭگىل اۋداندىق اۋىل شارۋاشىلىعى مەكەمەسى ءارقايسى اۋىل - قالاشىقتارداعى اۋىل شارۋاشىلىق ونىمدەرىن تەكسەرۋ قىزمەتكەرلەرىن تاربيەلەۋ كۋرسىن اشتى. شينجياڭ تيانپۋ ولشەپ - تەكسەرۋ جابدىقتار شەكتەۋلى سەرىكتەستىگىنىڭ ينجەنەرى كوپشىلىككە جاڭادان شىعارىلعان اسپاپتاردى پايدالانۋ ءادىسىن ۇيرەتتى. بۇل جولعى ۇيرەنۋدە كوكونىستەردەگى ەگىس ءدارى قالدىعى جانە كوكونىس قۇرامىن تەكسەرۋ تەحنيكاسى ۇيرەتىلىپ، تەحنيىك قىزمەتكەرلەردىڭ تەحنيكالىق ورەسىن جانە اۋىل شارۋاشىلىق ونىمدەرىنىڭ ساپاسىن باقىلاپ -تەكسەرۋ قابىلەتىن ارتتىردى.
اۋداندىق اۋىل شارۋاشىلىعى مەكەمەسى تەحنيكالىق ساراپتاۋ پۋنكتىنىڭ قىزمەتكەرى تۇرسىن تىلشىگە : «ءبىز ءاربىر ولشەپ - تەكسەرۋ اسپابىن جانە قاتىستى ينفورماتسيالاردى جوعارىعا جولداۋدى ۇيرەنۋىمىز كەرەك. بۇدان بىلاي نەگىزگى ساتىعا بارىپ قىزمەت وتەۋ بارىسىندا جوعارىعا مالىمەت بەرۋ، ازىقتىق اقاۋسىزدىعىن تەكسەرۋ جانە باسقا جاقتاردا ءساتتى جۇمىس جۇرگىزۋىمىزدە سەپتىگى زور»-دەدى.
كوز الدا اۋداندىق اۋىل شارۋاشىلىعى مەكەمەسى تۇتاس اۋدانىمىزدىڭ ءارقايسى اۋىل - قالاشىقتارىنا ازىقتىق اقاۋسىزدىعىن ولشەپ - تەكسەرۋ اسپاپتارىن جانە تەحنيىك قىزمەتكەرلەردى سايكەستىرىپ، ارناۋلى تاربيەلەۋ قىزمەتىن ورىستەتىپ، اۋىل شارۋاشىلىق ونىمدەرىنىڭ اقاۋسىزدىعىن باقىلاپ - تەكسەرۋ جۇيە قۇرىلىسىن كەمەلدەندىرىپ، اۋدانىمىزدىڭ اۋىل شارۋاشىلىعى ونىمدەرىنىڭ ساپا حاۋىپسىزدىگى جۇيە قۇرىلىسىن ىلگەرىلەتكەن ءارى حالىق بۇقاراسىنىڭ اۋىل شارۋاشىلىق ونىمدەرىن حاۋىپسىز تۇتىنۋلارى ءۇشىن بەرىك نەگىز قالاعان.
ءتىلشىنىڭ قىزمەت ورنى : شىڭگىل اۋداندىق راديو-تەلەۆيزيا مەكەمەسى
