گۇلنار ءاۋساي قىزى حابارلايدى. جۋىردان بەرى شىڭگىل اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ۋنيۆەرسال تاربيەلەۋ ورتالىعىندا كاسىپتىك تەحنيكاعا باۋلۋ كۋرسىن اشتى. تۇتاس اۋدانىمىزدان 70 كە جۋىق اۋىل - قىستاق ارتىق ەڭبەككۇشتەرى كۋرسقا قاتىناستى.
كۋرستا كۋرسانتتاردى اسپازدىق، دانەكەرلەۋ، ۇن تاعامدارىن دايىنداۋ جانە اۆتوكولىك جوندەۋ قاتارلى كاسىپتەرگە تاربيەلەپ، ءۇرىمجى قالاسىنداعى كاسىپتىك تەحنيكا مەكتەبىنىڭ وقىتۋشىلارى 15 كۇن ۋاقىتپەن كوپشىلىككە شوعىرلى تۇردە نازاريا مەن امالياتتى ۇشتاستىرىپ ساباق وتەدى.
بۇل جولعى كۋرستا اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى مەن تەحنيكالىق جەتەكشى وقىتۋشىلار بەلسەنە سايكەسىپ، كۋرسقا تاربيەلەۋگە قاتىستى قىزمەتتەردى جاقسى ىستەپ، كۋرسانتتارعا تاماشا ۇيرەنۋ ورتاسىن جاراتىپ قالماستان، ولاردىڭ تەحنيكالىق بىلىمدەر ۇيرەنىپ، كاسىپتەنىپ، كىرىستەرىن ارتتىرۋىنا قولداۋ كورسەتتى.
كۋرستا اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قىزمەتكەرى جاڭ شيۋلان تىلشىگە: «ءبىز قىسقى ءوندىرىستىڭ سايابىر مەزگىلىنەن پايدالانىپ، ءارقايسى اۋىل - قالاشىقتاردا كاسىپتىك تەحنيكاعا باۋلۋ كۋرسىن اشتىق. باستى ماقساتىمىز ولاردىڭ كاسىپتەنۋ ورەسىن جوعارىلاتىپ، باسقا كاسىپكە ويىسۋىنا نەگىز قالاۋ بولىپ تابىلادى»،-دەدى.
ءتىلشىنىڭ قىزمەت ورنى: شىڭگىل اۋداندىق راديو - تەلەۆيزيا مەكەمەسى