ءتىلشىمىز سۋ لۋپيڭ
2 - اقپان تۇستەن كەيىن، ءاليمان ءومار جۇمىستان تۇسە سالىپ، توتە ءۇرىمجى قالاسى سايباق رايونى چاڭجياڭ كوشەسى اۋماعىن باسقارۋ كوميتەتى پارتيا قىزمەتى كوميتەتىنىڭ ورىنباسار شۋجيى ۋ شىڭنىڭ كەڭسەسىنە كەلدى. «ۇلىم ەڭبەكاقىسىن مەنسىنبەي، كوپ - كورىم قىزمەتىن تاستاپ كەتكەن ەدى. ەندى بۇرىنعى قىزمەت ورنىنا قايتقىسى كەلە قالىپتى، اشۋىم قاتتى كەلدى، بۇل بالانى قايتەرىمدى بىلمەدىم»، - دەدى ءاليمان تىقىرشىپ.
«مەن ۇلىڭىزدىڭ بۇرىنعى ىستەيتىن جەرىنە جاقسىلاپ ءتۇسىندىردىم، بالاڭىزدىڭ قايتىپ بارىپ قىزمەت ىستەۋىنە بولادى، ءسىز ۇلىڭىزعا جاقسىلاپ اقىل ايتىڭىز، 24 جاسقا كەلگەن اتپال ازامات ەكەن، وتباسىنىڭ قامىن جەيتىن جەرگە كەلدى، ول كىتاپ وقۋعا قۇمار ەكەن عوي، ءسىز دە كىتاپتاعى مىسالداردى ايتىپ بالاڭىزعا جول كورسەتىڭىز»، - دەدى ۋ شىڭ.
چاڭجياڭ كوشەسى اۋماعىن باسقارۋ كوميتەتىندەگى كادرلاردىڭ تۋىستارىنىڭ ىشىندە ۋ شىڭنىڭ تۋىسى ءاليمان ءسال ەرەكشەلەۋ ەدى. ءاليمان تولىق ورتا ماعلۇماتىنا يە، ۇلى ەكەۋى ءبىرىن - ءبىرى سۇيەنىش ەتىپ، ءۇپى - ءتاپى تۇرمىس كەشىرىپ كەلەدى، كىتاپ ساتىپ الاتىن ارتىق اقشالارى بولماعانىمەن، كىتاپ وقۋدى ەش ۋاقىت تاستاعان ەمەس. ءاليمان ءوزىنىڭ بالا كەزىنەن كىتاپ وقۋعا قۇمار ەكەندىگىن، شارشاعاندا كىتاپ وقىپ ميىن سەرگىتەتىندىگىن ايتادى. ول بىلاي دەدى: «بۇرىن چاڭجياڭ كوشەسى اۋماعىن باسقارۋ كوميتەتىندە تازالىقشى بولىپ جۇمىس ىستەگەن كەزىمدە، ءار كۇنى تاڭ بوزىنان جۇمىسقا كەتەمىن، كەشتە جۇمىستان كەلىپ، شاي ىشە وتىرىپ كىتاپ وقيتىنمىن. مەن تاعى اۆتونوميالى رايوندىق كىتاپحانادان كىتاپ الىپ وقۋ كۋالىگىن بىتىرگەم، اپتاسىنا بارىپ تۇرامىن».
ۋ شىڭ ءاليماننىڭ ۇيىنە تۇڭعىش بارعان كەزىندە بۇل ايەلگە تاڭىرقاعان بولاتىن. «ول جۋىقتان بەرى <قۇرىش قالاي شىنىقتى> دەگەن كىتاپتى وقىپ جاتىر ەكەن، وقىپ وتىرىپ كەيدە كوزىنە جاس الادى، ول مەنەن ۇلىنىڭ قوعامعا جارامدى ادام بولىپ شىعا الاتىن - المايتىندىعىن سۇرادى»، - دەيدى ۋ شىڭ. ول ءاليماننىڭ كىتاپ وقۋ ارقىلى كەيىنگى ۇرپاقتارعا جاقسى تاربيە بەرىپ، ءجون سىلتەيتىن جاقسى امال تابۋدى ويلايتىندىعىن ايتتى.
ۋ شىڭ اليمانمەن 2016 - جىلى قاراشادا تانىسىپ، تۋىس بولعاننان باستاپ، قولى بوساي قالسا بولعانى ءاليمانعا كىتاپ ساتىپ الىپ بەرىپ تۇردى، گۋمانيتارلىق، قوعامدىق عىلىمدار كىتاپتارىنان تارتىپ تاريحي كىتاپتارعا، ايگىلى شىعارمالارعا دەيىن ءتۇرلى كىتاپ بار، ۋ شىڭ ودان حال سۇراپ بارعان سايىن ەكەۋى كىتاپ وقۋدان العان اسەرىنەن وتباسىنداعى ۇساق - تۇيەك ىستەرگە دەيىن ايتىپ اڭگىمەلەسەدى. ءاليمان بىلاي دەدى: «قازىر پەنسياعا شىقتىم، تەك ۇلىمدى جارامدى ادام بولىپ شىقسا، تەرىس جولعا تۇسپەسە ەكەن دەپ تىلەيمىن. قۋاناتىنىم، قازىر ۇلىم مەنىڭ اسەرىمدە كىتاپ وقۋعا قىزىعاتىن بولدى».
ءبىر جىلدان استام ۋاقىتتان بەرى، ۋ شىڭ ۇنەمى بالاسىن ەرتىپ ءاليماننىڭ ۇيىنە بارىپ قوناق بولىپ، بىرگە كىتاپ وقىپ، العان اسەرلەرىن ايتىپ، جاقىننان بەرگى جاڭالىقتار جونىندە اڭگىمەلەسىپ تۇردى. ۋ شىڭ كىتاپ وقۋ ارقىلى ولارعا تۇسىنبەگەن ماسەلەلەرىن ءتۇسىندىردى، ءاليماننىڭ ۇلى دا بىرتە - بىرتە كەيىنگى بولاشاعىن جوسپارلايتىن بولدى. «بۇرىن ول مەيلى نە قىزمەت ىستەسە دە، بىرنەشە كۇن عانا ىستەپ، ەڭبەكاقىسى قولىنا تيگەننەن كەيىن - اق قىزمەتىن تاستاپ كەتە بەرەتىن. اقشاسى تاۋسىلعاندا تاعى بارىپ، بىرەر كۇن كۇندىك جۇمىس ىستەيتىن. قازىر ءالى دە جالقاۋلىعىن قويعان جوق، الايدا ءوزىنىڭ قىزمەت ىستەمەسە بولمايتىندىعىن ءبىلدى، ول تاعى بىرنەشە جىل قىزمەت ىستەپ، اقشا جيعاننان كەيىن دەربەس شارۋاشىلىق قۇرۋدى ويلاپ ءجۇر»، - دەدى ءاليمان. ۇلىنا بىرتە - بىرتە اقىل كىرىپ، تۇرمىسىنا نىسانا، باعىت بەلگىلەگەنىنە قاراپ، ءاليمان ىشتەي قاتتى قۋاندى. ول پارتيا مەن ۇكىمەت قامقورلىق جاساپ تاۋىپ بەرگەن تۋىسى ۋ شىڭ ءوزىنىڭ كەدەيلىكتەن قۇتىلۋىنا كومەكتەسۋمەن بىرگە، رۋحاني جان دۇنيەسىنىڭ بايۋىنا دا كوپ كومەك كورسەتتى دەپ ويلايدى.
قازىر ءاليمان ۇيىنە كەلگەن قوناقتارعا كىتاپ سورەسىندەگى تىزىلگەن كىتاپتارىن كورسەتىپ، ءوزىنىڭ تۋىسىمەن بولعان اڭگىمەسىن ايتىپ، پارتياعا شەكسىز العىس جاۋدىرادى.
