سەرىك يمانقان ۇلى حابارلايدى. جاقىندا، «پارتيانىڭ شاپاعاتىن سەزىنىپ، پارتيانىڭ سوزىنە قۇلاق اسىپ، پارتياعا ىلەسىپ، پارتيا 19 - قۇرىلتايىنىڭ رۋحىن تۇرعىنداردىڭ جۇرەگىنە ۇيالاتۋ» اتىنداعى اسەم ءان مەن ءتاتتى كۇي بۋرىلتوعاي اۋدانى قاراماعاي قالاشىعى سارقۇم قىستاعىنىڭ كەڭىستىگىندە قانات قاقتى. ءار ۇلت بۇقاراسى پارتيا مەن وتانعا جۇرەك جاردى تىلەگى مەن العىستارىن ءبىلدىرىپ، ءار ۇلت بۇقاراسىنىڭ مادەني تۇرمىسىن بايىتىپ، جۇرەكتەردى توعىستىردى.
وسى رەتكى پارتيانىڭ شاپاعاتىن سەزىنىپ، پارتيانىڭ سوزىنە قۇلاق اسىپ، پارتياعا ىلەسىپ، پارتيا 19- قۇرىلتايىنىڭ رۋحىن تۇرعىنداردىڭ جۇرەگىنە ۇيالاتۋ اتىنداعى ويىن - نومىرلەرىن اۋداندىق پارتكوم ۇگىت ءبولىمى، قاراماعاي قالاشىق پارتكوم، ۇكىمەتى ۇيىمداستىرىپ، سارقۇم قىستاق كوميتەتى، اۋداندىق ورمان مەكەمەسى مىندەتكە الىپ باسقارىپتى، قيمىلعا 100 دەن ارتىق ادام قاتىناستى.
شوعىرلى ويىن - قويۋ قيمىلىندا اۋداندىق كوركەمونەر ۇيىرمەسىنىڭ ارتيستەرى مەن جەرلىك ورىنداعى ءان - كۇيگە اۋەس جاندار، بۇقارا، ادۋىندى اقىندار بولىپ باي مازمۇندى ويىن - نومىرلەرىن تارتۋ ەتتى. اسەم ءان مەن تامىلجىعان ءبي بار الاپتى شاتتىققا بولەدى. سازدى اۋەن، ءبي ونەرى، جىر دوداسىنا تۇسكەن اقىندار سياقتى الۋان مازمۇنداعى 17 ءتۇرلى ويىن - نومىرلەرى ىركەس - تىركەس ساحناعا كوتەرىلىپ، پارتيا مەن وتاندى، پارتيا 19 - قۇرىلتايىنىڭ رۋحىن، باقىتتى ءومىردى، كورىكتى مەكەندى جىرعا قوستى.
سارقۇم قىستاعىنىڭ تۇرعىنى وسەن ايدارقان ۇلى : «بۇگىن قىستاعىمىزدا باي مازمۇندى ويىن - نومىرلەرى قويىلىپ، بىزگە رۋحاني ازىق سيلادى، ساحناعا كوتەرىلگەن ويىن - نومىرلەرى كوڭىلىمىزگە جاقتى، ءبىز بۇدان پارتيا 19 - قۇرىلتايىنىڭ رۋحىن، پارتيانىڭ ابزال ساياساتتارىن تەرەڭ ءتۇسىنىپ، رۋحاني شابىت الدىق، ءبىز ءسوز جوق پارتيانىڭ شاپاعاتىنا شىن پەيىلمەن العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز»،- دەدى.
«بۇگىن اۋداندىق پارتكوم ۇگىت ءبولىمىنىڭ جانە قاراماعاي قالاشىعىنىڭ بەلسەنە قولداۋىندا، بۇل ءبىر ماعىنالى قيمىلدى ۇيىمداستىردىق ءارى بۇل قيمىل ارقىلى تۇرعىنداردىڭ جۇرەگىنە پارتيا 19- قۇرىلتايىنىڭ رۋحىن، پارتيانىڭ ءتيىمدى ساياساتتارىن ۇيالاتىپ، پارتيا مەن وتانعا تاماشا تىلەكتەرى مەن العىستارىن ءبىلدىرىستى، ءبىز بۇدان كەيىن وسىنداي بۇقاراعا جاناسىمدى ءمان - ماعىنالى قيمىلداردى ۇزبەي جالعاستىرىپ، ۇلتتار اراسىنداعى تەرەڭ سۇيىسپەنشىلىك، دوستىق قاتىناستى نىعايتامىز»،- دەدى قىستاق القاسى جاڭالبەك بايباقىت ۇلى.
ءتىلشىنىڭ قىزمەت ورنى : بۋرىلتوعاي اۋداندىق ورگان ىستەرىن باسقارۋ مەكەمەسى
