نۇرزات زارقان قىزى حابارلايدى. بۋىرشىن اۋدانى شۇڭقىر قالاشىق جاينا قازاق كەستە سەلبەستىك كووپەراتيۆى 2011 - جىلى 1 - ايدا شاڭىراق كوتەرگەن بولىپ، قازىرگە دەيىن، بۇل سەلبەستىك كووپەراتيۆى ۇلتتىق كيىم-كەشەك، ساياحات ەستەلىك بۇيىمدارى قاتارلى ۇلتتىق ءتۇس العان ونىمدەردى ءوندىرىپ، ونى قوم قاناس كورىنىس رايوندارى مەن جەمەنەي شەكارا وتكەلىنە اپارىپ بازارعا سالدى.
جاينا قاراباسىنىڭ قامىن عانا ويلاماي، وتباسى وشاق قاسىنداعى، سىرتقا شىعىپ جۇمىس ىستەۋگە جاعدايى كەلمەگەن، ونەرلى ايەل جولداستاردى اۋقاتتانۋعا باستاۋ ماقساتىندا، تارباعاتاي ايماعىنان ارناۋلى كاسىپتىك مۇعالىم ۇسىنىس ەتىپ، ەكى كەزەك كۋرس اشتى. مۇندا، كەستەنىڭ رەڭىن سايكەستىرۋ جانە توقۋ شەبەرلىگىن باستى ءتۇيىن ەتە وتىرىپ ساباق سويلەدى ءارى ناق مايداندا ۇيرەتتى.
اينۇر بىلاي دەيدى : «بۇل رەتكى كۋرس ارقىلى ءبىز سياقتى ۇيدە بوس وتىرعان ايەلدەر ونەر ۇيرەنىپ، ءوزىمىزدىڭ قوس قولىمىزعا سۇيەنىپ، سەميامىزدىڭ كىرىسىن ارتتىرۋعا بولاتىن بولدى ءارى مەن وسى جاڭا ءبىر جىلداعى تۇرمىسىمىزدىڭ ونان ارى جاقساراتىنىنا سەنىمىم كامىل».
ءتىلشىنىڭ قىزمەت ورنى : بۋىرشىن اۋدانى شۇڭقىر قالاشىق پارتكوم ۇكىمەت كەڭسەسى
