ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

قامقور اكە −ءالايدىن

  2 - ايدىڭ 23 - كۇنى توعىزتاراۋ اۋدانى ءدوڭمالى اۋىلى مويىنگۇزەر قىستاعىنداعى ءبىر شارۋا وتباسىندا توعىزتاراۋ اۋداندىق مەملەكەتتىك سالىق مەكەمەسىنىڭ كادرى ءالايدىن ءنۇسىرات سۋ جاڭا شاپاندى 10 جاستاعى جاڭ تيانشياڭعا كيگىزدى. «جاڭا وقۋ ماۋسىمىندا جاڭا بەينە بولسىن، قۇلشىنا ءتۇس!»، - دەدى ءالايدىن اڭگىمە اراسىندا بالامەن كەلىسىم جاساپ الاقان سوعىستىرىپ.

  ءبىر ايدان بەرى ءالايدىن بالالارعا جيىنى 15 كيىم ۇسىندى. «جاڭا وقۋ ماۋسىمىندا بۇل كەدەي وتباسىلارىنىڭ بالالارىنا اناعۇرلىم كوپ قوزعاۋشى كۇش سيلاعىم كەلدى»، - دەدى ءالايدىن. وسى جاي ءبىر اۋىز ءسوزدىڭ استارىندا ءالايدىننىڭ 20 جىلدان بەرى جىلۋ اتاپ وقۋشىلارعا كومەكتەسۋدەن جازباعان ءۇن - ءتۇنسىز ۇلەسى جاتىر. توعىزتاراۋ اۋدانىندا ول ۇيعۇر، حانزۋ، قازاق سياقتى 6 ۇلتتان قۇرالعان 48 كەدەي وقۋشىنىڭ قامقور «اكەسى».

  ءالايدىننىڭ جىلۋ اتاپ وقۋشىلارعا كومەكتەسكەن اڭگىمەسىن 1998 - جىلدان باستاپ ايتۋعا تۋرا كەلەدى. ءبىر كۇنى ءالايدىن توعىزتاراۋ اۋدانى اقتۇبەك قالاشىعىندا قىستاق قىزمەتىن ورىستەتىپ جۇرگەن بولاتىن، كوكتەم باسىندا ەندى ەري باستاعان قاردىڭ سۋىمەن لايساڭعا اينالعان قىستاق جولىندا قولدارىنا ۇستەل - ورىندىقتاردىڭ بولشەكتەرىن العان بالالار كەلە جاتادى. باۋىرمال ءالايدىن بالالاردىڭ جانىنا بارىپ، ونى - مۇنىلارىن كوتەرىسە ءجۇرىپ جاعداي ۇعىسادى. بالالار وعان بۇل ۇستەل - ورىندىقتاردى ۇيلەرىنە رەمونتتاۋعا اكەتىپ بارا جاتقانىن، ەرتەڭگە دەيىن رەمونتتالماسا، كەيبىر وقۋشىلاردىڭ ساباقتى تۇرەگەلىپ تۇرىپ تىڭداۋعا ءماجبۇر بولاتىنىن ايتادى. وسى ساتتە ءالايدىننىڭ ەسىنە بالا كەزىندە كارەسىن شامنىڭ تۇبىندە ءىنى - قارىنداستارىمەن بىرگە ەكپەتتەپ جاتىپ تاپسىرما ورىندايتىنى تۇسەدى دە، كوڭىلى ەلجىرەپ سالا بەرەدى... سونىمەن دەرەۋ اعاش ماتەريالدارىن مانەرلەۋ زاۆودىنا حابارلاسىپ، 10 پار ۇستەل - ورىندىقتى تەزدەن جاساتىپ، بالالار وقىپ جاتقان اقتۇبەك قالاشىقتىق ورتا مەكتەپكە جەتكىزەدى.

  ءالايدىننىڭ جۇبايى حۇرشيدان تۇرحان اۋىل - قىستاق مۇعالىمى بولاتىن، مەكتەپتەگى وقۋشىلاردىڭ كوبى شارۋا وتباستارىنىڭ بالالارى، ول ايەلىنەن مەكتەپتەگى كەيبىر وتباسىندا قيىنشىلىعى بار وقۋشىلاردىڭ قىس كىرسە دە جالاڭ كيىممەن جۇرگەنىن ەستىگەننەن كەيىن، ونىمەن اقىلداسا كەلىپ، ءار جىلى «1 - ماۋسىم» بالالار مەرەكەسىندە، كۇزدە وقۋ باستالعان كەزدە، قىس كىرۋدەن بۇرىن مەرزىم بويىنشا بالالارعا كيىم - كەشەك، اياق كيىم جانە ۇيرەنۋ قۇرالدارىن الىپ بەرۋگە بەكيدى. 1998 - جىلدان قازىرگە دەيىن ەرلى - زايىپتى ەكەۋى بالالاردىڭ تۇرمىستىق بۇيىمدارى مەن وقۋ قۇرالدارى ءۇشىن جيىنى 60 مىڭ يۋاننان استام اقشا جۇمسادى.

  «ءبىزدىڭ بۇل ءىسىمىز پالەندەي كەرەمەت دەۋگە تۇرمايدى. ءوزىمنىڭ دە ءىنى - قارىنداستارىم بار، وتباسىمىزدىڭ تۇرمىس قاينارى تۇگەلدەي اكەمىزگە سۇيەنەدى، جايشىلىقتا توڭىرەكتەگى كورشىلەر دە قول ۇشىن سوزىپ تۇرادى. قازىر شامامىز جەتكىلىكتى بولعاندىقتان، ءبىز دە كومەككە ءزارۋ جاندارعا جاردەمدەسۋدى ويلايمىز»، - دەدى ءالايدىن.

  ءالايدىننىڭ جىلۋ اتاپ، وقۋشىلارعا كومەكتەسىپ كەلگەنىن ەشكىم بىلمەيدى، 2005 - جىلى مەكەمەگە العىس حات كەلگەندە بارىپ قىزمەتتەستەرى ونىڭ ىزگى ىستەرىنەن حابار تابادى. باسقالارعا كومەكتەسۋدى قۋانىش ساناپ، وقۋشىلارعا ۇزاق ۋاقىت كومەكتەسىپ كەلگەنى ءۇشىن ءالايدىن ىلگەرىندى - كەيىندى توعىزتاراۋ اۋداندىق «ۇلتتار ىنتىماعى، العاباسارلىعىنداعى وزات جەكە» جانە ىلە قازاق اۆتونوميالى وبلىستىق «ۇلتتار ىنتىماعىنداعى جانىمىزداعى جاقسى ادام» سياقتى داڭقتى اتاقتارعا يە بولادى.

    «ءبىز جونىنەن العاندا، ءبىر ۋاققى تاماقتىڭ، ءبىر قوراپ تەمەكىنىڭ اقشاسى عانا بولۋى مۇمكىن، ءبىراق جينالا كەلە مۇنىمەن ءتىپتى دە كوپ بالاعا كومەكتەسۋگە بولادى»، - دەيدى ول. الەۋمەتتىك يگىلىك ىستەرى جولىندا ءالايدىن باستان - اياق «مەيلى قايسى ۇلتتىڭ ادامىندا قيىنشىلىق بولسا دا، بارلىعىنا بەلسەندىلىكپەن كومەكتەسەمىن» دەگەن ۇستانىمنان جازباي كەلەدى. ءالايدىن ءوزىنىڭ تالاي جىلدان بەرگى ارەكەتى بىرتىندەپ ۇلىنا دا اسەر ەتكەنىنە قۋانادى، ۇلى كلاستا وتباسىندا قيىنشىلىعى بار ساباقتاستارىنا ىرىقتىلىقپەن كومەكتەسەتىن، وقۋ ماتەريالدارىن الۋعا قۋاتى جەتپەيتىندەر بولسا، ءۇن - ءتۇنسىز اقىسىن تولەي سالاتىن بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • سايرام كولىن اينالۋ ۆەلوسيپەد جارىسى شينجياڭ بۇراتالا موڭعۇل اۆتونوميالى وبلىسىنىڭ ساياحاتىنىڭ دامۋىنا قانات ءبىتىردى
  • 61 جاستاعى قارت توراپتا كەڭىنەن تارالعان ءبيدى ۇيرەندى
  • «ساياحات+دەنەتاربيە» ساياحات ساپاسىن جوعارىلاتتى
  • اۆتونوميالى رايون زەينەتكەرلەردىڭ نەگىزگى زەينەتاقىسىن رەتتەيدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى