نۇرلان اۋەلقان ۇلى، ما جيڭ حابارلايدى. وقىتۋشى – وقۋشىلاردىڭ قىزمەت بەلسەندىلىگىن، ۇيرەنۋ قىزعىندىلعىن جوعارىلاتۋ، ورتالاۋ مەكتەپ ءبىتىرۋ ەمتيحانىنا جاقسى دايىندىق كورۋ، 2018 – جىلعى ورتالاۋ مەكتەپءبىتىرۋ ەمتيحانىنا جالپى بەتتىك اتتانىسقا كەلتىرۋ ءۇشىن، فۋكاڭ قالالىق 3 - ورتا مەكتەپ 3 - ايدىڭ 12 – كۇنى تاڭەرتەڭ مەملەكەت تۋىن شىعارۋ سالتىنان كەيىن، مەكتەپ دەنەتاربيە الاڭىندا ورتالاۋ مەكتەپ ءبىتىرۋ ەمتيحانىنىڭ ءجۇز كۇندىك شەگەرىپ ساناۋ، اتتانىسقا كەلتىرۋ جيىنىن اشتى.
جالپى وقىتۋشى – وقۋشىلار مەن ءبىر ءبولىم 9 - جىلدىق اتا – انالار ۋاكىلدەرىنەن بولىپ، جيىنى 1600 گە جۋىق ادام قاتىناستى. وسى جالپى پىسىقتاۋدىڭ شەشۋشى ءجۇز كۇنىندە جاقسى ناتيجە جاراتۋعا 9 - جىلدىقتىڭ جالپى وقىتۋشى – وقۋشىلارى سەرت بەردى. 9 - جىلدىق وقىتۋشىلار ۋاكىلى، وقۋشىلار ۋاكىلى، 9 -جىلدىقتىڭ جاۋاپتىسى جەكە – جەكە وزدەرىنىڭ الداعى ءجۇز كۇندىك قىزمەت، ۇيرەنۋ جوسپارى مەن سەنىمدەرىن ءبىلدىردى.
سوڭىنان مەكتەپ باستىعى ۋاڭ ۋيدۇڭ جولداس 9 -جىلدىقتىڭ ءار كلاسىنا ءجۇز كۇندىك شەگەرىپ ساناۋ تاقتايشاسىن تاراتتى ءارى ۇلى مۇرات ۇستانىپ، تالماي تالاپتانىپ، سەلبەسە العا ىلگەرىلەپ، ورتالاۋ مەكتەپ ءبىتىرۋ ەمتيحانىندا جاقسى ناتيجەگە قول جەتكىزىپ، نۇرلى بولاشاققا قۇلاش سەرمەۋگە شابىتتاندىردى.
تىلشىلەردىڭ قىزمەت ورنى : فۋكاڭ قالالىق 3 - ورتا مەكتەپ
