سۇراۋ: جۇمىس ۇستىندە جارالانعان جۇمىسكەردىڭ ەڭبەكاقىسىن توقتاتۋعا نەمەسە جۇمىستان بوساتۋعا بولاما؟
ادۆوكات: بولمايدى. ەلىمىز «جۇمىس ۇستىندە جارالانعانداردى قامسىزداندىرۋ زاڭىنىڭ» 33-تارماعىندا: «جۇمىسشىلار جۇمىس ۇستىندە جارالانسا نەمەسە كاسىپتىك اۋرۋعا شالدىعىپ، ەمدەلۋ مەزگىلىندە بەرىلۋگە ءتيىستى ەڭبەكاقى جانە سيلىق سوماسى وزگەرمەيدى»،-دەپ بەلگىلەنگەن. ءبىراق، جۇمىس قالدىرۋ ۋاقىتى ادەتتە 12 ايدان اسىپ كەتپەۋى كەرەك. جاراقاتى سالماقتى بولسا نەمەسە ەرەكشە جاعدايدا، قاراستى رايوننىڭ قالا دارەجەلى ەڭبەك قابىلەتىن ساراپتاۋ ورىندارى تۇراقتاندىرعاننان كەيىن، ەمدەلۋ ۋاقىتىن لايىقتى مولشەردە ۇزارتۋعا بولادى. ءبىراق، ۇزارتۋ مەرزىمى 12 ايدان اسىپ كەتپەيدى.
ەلىمىز «ەڭبەك توقتامىنىڭ» قاتىستى تارماعىندا: «جۇمىس ورنى كاسىپتىك اۋرۋعا شالدىققان جانە جۇمىس ۇستىندە جارالانىپ ەڭبەك قابىلەتىنەن ايىرىلعان نەمەسە جارتىلاي ەڭبەك قابىلەتىنەن ايىرىلعان جۇمىسشىنى جۇمىستان بوساتۋعا بولمايدى»،-دەپ بەلگىلەنگەن.
